محمد عبد الرحمن

>> 21 April 2012

الشهر دة هيتم الأفراج عن المجرم نقيب الشرطة محمد عبد الرحمن . الظابط دة أحتجز مواطن فى قسم شرطة السلام بشكل غير قانونى ، عذبه و قتله ، و أتحكم عليه ب 3 سنين بس ، و هيطلع الشهر دة بعد تلت أربع المدة حسن سير و سلوك . الظابط دة أعتدى عليا بدنيا فى السجن ، و حاول بمساعدة ظباط السجن يلفقلى تهمة أزدراء أديان ، و أبتزونى علشان مشتكيهمش . الشخص دة كان عايش أحلى عيشة جوا السجن ولا كأنه مسجون . الظابط دة مرتبه كان بيطلعله و هو جو السجن ، و مقعدينه فى مستشفى السجن بشكل غير قانونى ، و كان ظباط العلاقات العامة فى وزارة الداخلية بيزوروه بأستمرار علشان يتطمنوا عليه . الكائن دة هيرجع الخدمة تانى ، و هياخد ترقيته فى معادها فى شهر 7 الجاى ... أزاى نحس بالأمان و شخص زى دة ماشى معاه سلاح و محمى بالقانون ؟ أزاى القانون مش بيعتبر جرايم التعذيب و القتل جرايم مخله بالشرف ؟ أزاى شخص مجرم زى دة يبقى مسئول عن تطبيق القانون ؟ لية القانون مبيمنعش الأشكال دى من العمل فى الداخلية ؟ لية وزارة الداخلية ماتنضفش نفسها من الأشكال الوسخة دى ؟

0 comments:

Post a Comment

Every post represents my opinions when I wrote it, but not necessary now!
كل مقال يعبر عن آرائى فى تاريخ كتابته، و ليس بالضرورة عن أرائى حاليا

  © Blogger template Simple n' Sweet by Ourblogtemplates.com 2009

Back to TOP