مظاهرات فى إسرائيل تضامنا مع الثورة المصرية

>> 06 February 2011

لحد دلوقتى طلع فى إسرائيل 6 مظاهرات ضخمة ضد حسنى مبارك تضامنا مع الثورة المصرية ، منهم 3 مظاهرات قدام السفارة المصرية فى تل أبيب ... للأسف ، دبلوماسيين إسرائيل لسة بيدعموا مبارك ، لكن نسبة كبيرة جدا من شعب إسرائيل واقف معانا فى ثورتنا ... و اللى مش واقفين معانا ، مخدوعين من إعلام مبارك اللى بيقول أن دى ثورة إسلامية ، و علشان كدة لازم نهتم بدعم الشكل المدنى للثورة المصرية ... إسرائيل ليست عدو

8 comments:

Anonymous,  07/02/2011, 13:51  

عزيزي مايكل,
إحنا في إسرائيل أصدقاء الشعب المصري وندعم حقه بديمقراطية.
يدعم بعضنا مبارك من باب المصلحة السياسية بإستقرار السلام ولا من باب عدم التضامن مع جيراننا في مصر.
أتمنى أن يحقق التوازن ما بين توسيع نطاق الحرية في مصر وبين المحافظة على السلام. هذه مصلحة الجانبين وهذا اللي يحصل إن شاء الله.
شاب اسرائيلي

Maikel Nabil Sanad مايكل نبيل سند 07/02/2011, 16:01  

السلام مع إسرائيل ليس فى خطر ، لكنة سيكون فى خطر أذا أستمرت إسرائيل فى دعم مبارك ... دعم مبارك سيحول إسرائيل لعدو فى عيون المصريين

Anonymous,  08/02/2011, 13:06  

عزيزي مايكل,

المشكلة برأيي إنه معظم المعارضة المصرية معادية لإسرائيل أكثر من نظام مبارك. شوف مثلا بعض أقوال محمد البرادعي, حركة شباب 6 أبريل وأيمن نور, لا سيما الإخوان المسلمين. أعتقد أن ثورتكم كما قلت في رسالتك نبيلة وديمقراطية وغير إسلامية, ولكن أخثو أن نتائجها قد تكون إسلامية وإخوانية.

على كل حال, أتمنى الخير والحرية للشعب المصري الشقيق.

شاب إسرائيلي

Maikel Nabil Sanad مايكل نبيل سند 08/02/2011, 14:57  

من الطبيعى ان تكون مواقف المعارضة المصرية معارضة لإسرائيل طالما إسرائيل تدعم مبارك
أنت لا تعرف كيف أساء السياسيين الإسرائيليين لى على الرغم من انى صديق لإسرائيل
السياسة الإسرائيلية تحولنا لأعداء لإسرائيل بأهانتها لنا و بدعمها لمبارك

Anonymous,  08/02/2011, 16:36  

أنا فاهمك, ولكن حسب رأيي, بغض النظر عن الايديولوجية القومية أو الإسلامية لبعض رموز المعارضة عندكم, يحب كثير منهم أن يستغلوا العداء لاسرائيل ويروجوه لوصف النظام الحاكم بانه عميل لاسرائيل وللأمريكا, غير موالي للقضية الفلسطينية وكدا. أنا بالصراحة أؤيد حقوقكم الديمقراطية والانسانية المشروعة, ولكن لازم أن تفهم خوفي من مستقبل السلام في ظل تغيير النظام وصعود المعارضة المصرية الى الحكم.

Maikel Nabil Sanad مايكل نبيل سند 08/02/2011, 19:27  

كلامك صحيح تماما ، بس فية معارضين مصريين كتير مؤيدين لإسرائيل ، و المعارضين دول ممنوع الكتابه عنهم فى الاعلام المصرى علشان كدة مش مشهورين ، لكن الدبلوماسيين الإسرائيليين يعرفوهم كويس ... هما دول اللى بتكلم عليهم

Anonymous,  08/02/2011, 23:45  

صح, أقدر كثير عمل وشجاعة وقيم هؤلاء الليبراليين مثلك ومثل علي سالم وأمين المهدي وطارق حجى وغيرهم. إنما أ ليس هم أقلية حتى في صفوف الليبيراليين؟ وهل فيه مجال لواحد أن يكسب إنتخابات في مصر وهو مسالم تجاه إسرائيل؟
طبعا أنا مش قصدي إن كل الناس في مصر لازم يحبوا إسرائيل, ولكن أتمنى على الأقل أن يؤيدوا أغلبيتهم السلام معها من باب المصلحة المصرية والإنسانية.

Maikel Nabil Sanad مايكل نبيل سند 09/02/2011, 00:52  

لو عندنا نظام برلمانى بالقايمة ، نقدر ندخل فى تحالف مع قوايم ليبرالية تانية ، و نعمل حكومة أئتلافية ليبرالية خالصة
لاحظ كمان انه فى اوقات الاختلاف قيمتنا بتظهر ، لاننا الوحيدين اللى عندنا قنوات تواصل على الجانبين ، و بالتالى احنا الوحيدين اللى نقدر نكون وسيط لحل أى خلاف بين الدولتين فى حاله وجود نظام ديموقراطى فى مصر

Post a Comment

Every post represents my opinions when I wrote it, but not necessary now!
كل مقال يعبر عن آرائى فى تاريخ كتابته، و ليس بالضرورة عن أرائى حاليا

  © Blogger template Simple n' Sweet by Ourblogtemplates.com 2009

Back to TOP