الأنتحار السياسى للقوى التقدمية

>> 15 January 2011

حزب الوفد المصرى أنتحر سياسيا فى أواخر النص الاول من القرن العشرين ، لما أخد قرار المشاركة فى حرب 48 ، و من بعدها إلغاءة لمعاهدة 1939 و أعلانة المقاومة المسلحة ضد الانجليز ، فكانت النتيجة الطبيعية هيا وصول عصابة ضباط 52 للسلطة ... نفس الانتحار السياسى عملته حكومة كاديما فى أسرائيل فى ديسمببر 2008 ، لما أخدت قرار بعملية الرصاص المصبوب ضد قطاع غزة ، فكانت النتيجة الطبيعية هيا أزدياد قوة القوى المتطرفة فى أسرائيل ( شاس و أسرائيل بيتنا ) و ضياع الحكم من كاديما ... و نفس الانتحار السياسى بيعمله الليبراليين المصريين حاليا ، بمحاولتهم المزايدة على التيارات القومية و الفاشية و الأصولية ، و تمسحهم فى الأخوان و الناصريين و العروبة و الأسلام المعتدل ، و هما مش مدركين أنهم بمزايداتهم دى بيدعموا القوى المعادية للليبرالية ... أمتى يفهم الحداثيين أن محاولة سرقة الأرضية الفاشية اللى بتتبنى عليها الفاشيات ، يؤدى إلى فوز الفاشيات و ليس العكس ؟ ... هو مين هيعرف يحارب أكتر : الوفد ولا الظباط الحرار ؟ كاديما ولا أسرائيل بيتنا ؟ أيمن نور ولا الأخوان ؟ ... مترموش الكورة فى ملعب الفاشيست بغبائكم

0 comments:

Post a Comment

Every post represents my opinions when I wrote it, but not necessary now!
كل مقال يعبر عن آرائى فى تاريخ كتابته، و ليس بالضرورة عن أرائى حاليا

  © Blogger template Simple n' Sweet by Ourblogtemplates.com 2009

Back to TOP