مقالى على موقع الخارجية الأسرائيلية

وزراة الخارجية الأسرائيلية تنشر مقالى " لية أنا مؤيد لأسرائيل ؟ " على موقعها الألكترونى الرسمى " التواصل "

- المقال اللى رفضت هارتز و يديعوت أحرنوت نشره ، دلوقتى منشور على موقع الخارجية الأسرائيلية ... خلى الصحافة تعرف قيمتنا بقى

- مصر عمرها ما قدرتنى بالشكل دة ... أمتى بقى يا بلدنا هتقدرينا زى ما الأجانب بيقدرونا ؟

- مقالى على موقع الخارجية الأسرائيلية منشور أول حاجة فى الموقع ... نفس المكان اللى كان منشور فيه مقال لوزير الخارجية الأسرائيلى من كام يوم ... يا لعبك يا أبو المياكل

- مقالى المنشور فية تضامن واضح و صريح مع السلاميين الأسرائيليين ... أعتقد أن دة أول تضامن معلن مع السلاميين الأسرائيليين يتنشر على موقع رسمى فى أسرائيل

- أعتقد برضة أنها أول مرة يتنشر هجوم صريح على مبارك بالشكل دة ، من معارض مصرى ، على موقع رسمى أسرائيلى ... أية بقى ؟ الحرس الجمهورى هو اللى هيقبض عليا المرادى ولا أية ؟

- أعتقد بعد كلامى الصريح على مبارك فى موقع رسمى أجنبى ، المفروض المعارضة المصرية تقدرنى أكتر من كدة ... أدينى بساهم فى توصيل صوت دعاه الديموقراطية فى مصر لكل مراكز القوى فى العالم

- تقريبا مقالى الوحيد على الموقع بتاعهم اللى كاتبين عليه أن الأفكار الواردة تعبر عن رأى صاحبها ... أموت أنا فى الصراحة لما تلبس الحكومات فى بعضها