أعادة أنتاج الخراء

>> 11 January 2011


تخيل أن فية حد جابلك حته خرا على ورقة جرنان ، و قالك أتفضل كل ... فأنت قلتله " أية القرف دة ؟ أزاى آكل خرا ؟ " ... فراح هو حط نفس حتة الخرا فى طبق صينى ، و حطلك جمبها شوية خضار سوتيه ، و عليها شوية توابل و صوص ، و جابلك شوكة و سكينة ، قالك أتفضل كل ... هو دة أعادة أنتاج الخراء ... يعنى نفس حتة الخرا هيا هيا ، لكن جايبهالك فى شكل جديد مختلف شيك ( خرا نيو لوك ) ... فيه ناس أذكياء قليلين بياخدوا بالهم أن اللى فى الطبق دة نفس الخرا القديمة . لكن أغلبية الناس بيتضحك عليهم بالشكل الجديد و بالأشتغالات ، و بياكلوا الخرا و هما مش واخدين بالهم
المثال دة بيحصل فعليا على مستوى الأفكار و الأيديولوجيات ... يعنى تبقى فكرة قتلت بحثا ، و البشرية أدركت عيوبها و سلبياتها ، و أقتنعت أنها مبقيتش تنفع ... ييجى واحد يعيد أنتاج نفس الفكرة الفاشلة فى شكل جديد ، و للأسف المهابيل كتير مبياخدوش بالهم و بيقبلوا نفس الفكرة تانى ، و يستمر الخراء الفكرى فى أعادة تدوير فى دوائر مفرغة بلا نهاية ... و نفضل أحنا مضطرين أننا نناقش نفس الأفكار السخيفة اللى البشرية كانت بتناقشها من 25 قرن ، لكن كل يوم نفس الأفكار الخرائية بتبقى بنيو لوك جديد
النهاردة بحاول أطرح شوية أمثلة لنظرية " أعادة أنتاج الخراء " ، و أشيل الأقنعة المزيفة اللى بتستخبى تحتها قطع الخراء القديمة ... و أتمنى أنة ييجى اليوم اللى منناقشش فيه نفس الخراء الفكرى دة تانى تحت أقنعة جديدة

1- النظام السياسى فى مصر
النظام السياسى فى مصر من أفضل الأمثلة العملية اللى توضح فكرة اعادة أنتاج الخراء ... يعنى العصابة الحاكمة خرجت من ثكناتها العسكرية فى 52 ، عملوا حركة الضباط ... بعدها تخلصوا من الملك فعملوا مجلس قيادة الثورة ... بعد كدة بقيت جمهورية و طلعلهم بيزنس مع الروس ، فقلبوا يسارجية و عملوا الأتحاد الأشتراكى علشان يحكموا من خلالة .... بعد كدة طلعلهم بيزنس مع أمريكا و مبقاش ينفع يبقى فية حزب واحد ، فعملوا المنابر و بعدها الأحزاب ، و حكموا من خلال حزب مصر العربى الأشتراكى ... و لما حزب مصر الهبل الأشتراكى أفتكر أنه حزب بجد و أبتدى يصوت بحرية ، سابوة و عملوا الحزب الوطنى الديموخراطى
هما هما نفس الناس ، نفس الوشوش و الأسماء ، و نفس الدستور و القوانين و السياسات و الأستراتيجيات و العلاقات الدولية ، مفيش أى حاجة بتتغير فى النظام ... هما بس بيبعتوا عامل يطلع على الباب ، يشيل يافطة الأتحاد الأشتراكى ، و يحط مكانها يافطة الحزب الوطنى ... لكن الناس اللى جوا هما هما فى نفس مناصبهم ... دة بالظبط أعادة أنتاج للخراء ، يعنى نظام فاسد و فاشل و مبقاش نافع و المفروض نتخلص منه ، لكن النظام بيغير جلده و يرجع بشكل جديد ، و عادى الشعب أهبل و مبياخدش باله
هو يعنى أية الفرق بين السادات رئيس حزب مصر العربى الأشتراكى ، و بين السادات رئيس الحزب الوطنى الديموخراطى ؟ ولا حاجة ... أية الفرق بين موافى بتاع المخابرات ، و صفوت الشريف رئيس مجلس الشورى ؟ ولا حاجة ... و هكذا كل وجوه النظام الموجودة مهما أختلفت الأيديولوجيات و الأحزاب و الرئاسات و المناصب ، نفس الخراء القديم بيعاد أنتاجة و تدويرة للمستهلك المصرى
و المصيبة أن العملية دى مالهاش نهاية ... يعنى أول ما الناس بقيت تقتنع أن الحزب الوطنى حزب فاشل و المفروض ينتهى ، عملوا أعادة أنتاج و طلعوا بال " فكر الجديد " و جيل المستقبل ... يعنى جبنالك نفس الحزب القديم ، بنفس الوجوة و الشخصيات و المناصب ، لكن خلى بالك دلوقتى بقى فيه فكر جديد ... طيب هو اية الفرق الجوهرى بين الفكر الجديد و الفكر القديم ؟ متعرفش ... و هو أية الفرق بين المحتكر اللى هو ظابط جيش ، و المحتكر اللى هو رجل أعمال ؟ برضة متعرفش ... طيب أية الفرق بين الشاذلى و أبنة ، او بين مبارك و أبنة ؟ برضة متعرفش ... طيب هو لما انتوا بقيتوا فكر جديد و رأسماليين و معسكر غربى ، مطلعتوش لية من المنظمة الأشتراكية الدولية ؟ برضة متعرفش ... ثم مين اللى قال أن الخصخصة و السوق الحرة فكر جديد ؟ أمال السادات كان بيعمل اية سنة 77 ؟ ماهى الأفكار دى هيا اللى أتبنى بيها الحزب الوطنى من 30 سنة ؟ فين الجديد بقى ؟ برضة متعرفش ... اللى بيحصل هو أعادة أنتاج للخراء القديم فى ثوب جديد ، و على البهائم أكل الخراء بسكات !!!


2- كانط و هراءه المثالى
اللى قرا منكم كتاب " عدو المسيح " لفريدريك نيتشة ، أكيد شاف العداء و الكراهية اللى كان بيكنها نيتشة لكانط ... لية بقى ؟ ... كانط كان لاهوتى مسيحى ، يقعد يكلم الناس بالأنجيل و الآيات و قال الله و قال الرسول ... المهم لقى الناس أتعلمنت و مبقيتش مهتمة بالدين ، فراح عمل نيو لوك ، و بقى فيلسوف ... و نفس الكلام اللى كان بيقوله فى الكنيسة ، بقى يقوله هو هو ، بس من غير الآيات و الشكل الدينى ... يعنى بدل ميقولك متعملش كذا علشان حرام ، بقى يقولك متعملهوش علشان دة مش أخلاقى ... و كأن الأخلاق ليها معيار قيمى ثابت يمكن القياس علية
كانط أعاد أحياء المدرسة المثالية بتاعت أفلاطون ... الفكرة أن عصر النهضة و حتى الأصلاح الدينى فى أوربا ، اتبنى على رفض الأفكار الأفلاطونية و المثالية و الروحانية ، و الأتجاه ناحية قيم المنطق و التفكير العلمى و العقلانية و الجدل ... و كانط جه أجهض جزء كبير من دة كله ، و أنقذ جوهر السلوكيات الدينية من الأنقراض ... أو بمعنى أدق ، أعاد أنتاج الأخلاقيات الدينية المثالية ( الخراء ) فى شكل جديد ... و من بعد كانط أبتدى تلاميذة يمشوا فى سكته ، و عملوا كل التيارات المحافظة ( بصوا على الأحزاب المحافظة فى أوربا Conservatives ) اللى عندهم نفس السلوكيات الدينية ، بس بيعملوا بأسم الأخلاق المحافظة مش بأسم الدين ( رغم أننا فاهمين أن الدافع الحقيقى جواهم هوا الدين ، و أن الأطروحات الفلسفية اللى بيقولوها دة غطاء علشان يضحكوا بيه على الناس )
و النتيجة أننا بدل ما كان مطلوب مننا نناقش أهمية الصلاة بأعتبارها فرض دينى ، بقينا بنناقش أهمية الصلاة بأعتبارها وسيلة سيكلوجية للهدوء و أعادة الأستقرار النفسى ... و بدل ما كنا بنناقش الكبت الجنسى بتاع الأديان بسبب نصوص جامدة تحض على ما يسمى " العفة " ، بقينا بنناقش نفس العته تحت مسميات " الحفظ على كيان و أستقرار الأسرة " و " أن الأسرة هى الوحدة البنائية للمجتمع " و " الحب " و " الرومانسية " إلى آخر الهطل ... و بدل ما كانوا بيضطهدوا المثليين لأن الأنجيل أمرهم بكده ، دلوقتى بيضطهدوهم لأنهم بيهدموا نظام الأسرة ، أو ( فى نظرهم ) مرضى المفروض يتعالجوا ... و بدل ما كانوا بيضطهدوا الأجانب ( اليهود ) لأنهم الأشرار الملاعين اللى صلبوا المسيح ، بقيوا بيضطهدوا الأجانب ( المسلمين ) تحت مسمى الحفاظ على هوية أوربا ، و محاربة الأرهاب ، بلا بلا بلا ... نفس الخراء القديم ، لكن بشكل جديد


3- الشيوعية
طبعا مينفعش نبقى بنتكلم عن كانط و تلميذة ، و عن المثالية بتاعت أفلاطون ، و عن أعادة أنتاج الأخلاقيات الدينية بتاعت المسيحية و أخواتها من أديان العبيد ( أو أيديولوجيات العبيد حسب توصيف فرانسيس فوكوياما ) ، إلا و ضرورى نعدى على الشيوعية كآخر أفراز مخاطى للفلسفة المثالية
الأديان فيها عيوب قاتلة دمرت البشرية زى
- التابوهات : بمعنى أن فيها حاجات غصب عنك ضرورى تقبلها و تقتنع بيها و تعملها من غير مناقشة ، و لو ناقشتها أو أختلفت معاها يتعمل فيك اللى كان بيتعمل فى الهراطقة فى محاكم التفتيش فى أوربا فى العصور الوسطى ، و زى ما الكنيسة القبطية عملت فى هيباتيا ، مش مسموحلك تقرب من التابوهات
-  فكرة الجنة : المكان اللى مافيهوش ألم و لا جوع و لا أحتياج ، و لأن أفلاطون مكنش مؤمن ، فأفلاطون أعاد انتاج الخراء فى صورة المدينة الفاضلة ، جنة بس على الأرض . الأعتقاد بأمكانية وجود مكان مافيهوش أى ألم أو أحتياج أكبر عيوب الأديان و الفلسفة المثالية ( اليهودية أستثناء من النقطة دى لأنها أتكونت قبل ما أفلاطون يتولد ، و لأنها أتأثرت بالنزعة الواقعية بتاعت أخناتون – راجع موسى و التوحيد ، لسيجموند فرويد ) ... و طبعا الكمال اللى موجود فى الجنة دى أغراء كافى لأى حد أنة يرتكب أكبر الجرائم علشان يتمتع بالجنة دى ، و اكبر مثال على دة الأنتحارى اللى بيموت نفسة و يموت مئات البشر معاه ، علشان يتمتع بال 72 شرموطة اللى هيديهومله إلهه الوهمى
- أقصاء الآخر : تقريبا كل الأديان عنصرية ... تقريبا الكل بيقسم البشر لفسطانين ، فسطاط المؤمنين و فسطاط الكفار ... و مهما كانت أعمالك حسنة و جيدة و رحيمة ، فمصيرك الخازوق الإلهى فى جهنم الحمراء ، تتشوى فيها إلى أبد الآبدين ... ياريت لو حد سمع عن ديانة بتعتقد أن غير المؤمنين ممكن يروحوا الجنة لأعمالهم الصالحة ، يبقى يقولى عليها ، بس تكون ديانة حقيقية مش ديانة من اللى معمولين تحت بير السلم و مؤمن بيها 13 نفر
- الكتاب المقدس : فى كل دين فية كتاب واحد عظيم ، ضرورى الناس تتعلم منه بأستمرار ، و حوالين الكتاب المقدس دة فيه كتب أقل قدسية مهمه جدا فى الديانة ... يعنى القرآن و السنة و المذاهب الأربعة ... يعنى التوراة و التلمود و الحاخامين ... يعنى الأنجيل و الدسقولية و كتب كداسة البابا
- الشخصية الرئيسية : فى كل ديانة فى شخصية رئيسية بتحتل صدارة الدين ( غالبا بيكون المعبود أو سكرتيره الخاص ) ، و طبعا الشخصية دى مقدسة و فوق النقد ، و فى أحيان كتيرة كان بيتم السجود ليها ... موسى مثلا فى اليهودية ، اللى الله أخفى جثته علشان شعب أسرائيل ميعبدش جثته ... و يسوع و مريم العذاراء فى المسيحية ... و محمد فى الإسلام ، و على أبن أبى طالب فى الإسلام الشيعى ... و رع فى الديانة المصرية القديمة ... و كريشنا فى الهندوسية ... و بوذا فى البوذية ( مع مراعاة الأختلاف الجذرى بين البوذية و أى دين تانى ) ... و زرادشت و كونفوشيوس ، و حتى كنيسة الأميرة ديانا و عبده ميكى ماوس ... ضرورى يكون فية شخصية واحدة رئيسية فى الديانة ( خلوا بالكم من كلمة واحدة )
كارل ماركس كان ملحد ، فمكنش مؤمن بالأديان دى كلها ... راجل بتاع أقتصاد و دارس و محترم و على راسنا من فوق ... لكنه ببساطة لما أسس للشيوعية ، أعاد أنتاج الخراء بتاع الأديان كله من جديد ... نفس الخراء القديم اللى البشرية مفشوخة منه من ساعة ما أفلاطون أبتدى يهرتل ، بس بنيو لوك جديد ... الشيوعية نموذج واضح على أنتاج دين جديد ، فية عيوب نفس الديانات القديمة ، لكن من غير ما حد ياخد باله من أنها نفس جوهر الأديان القديمة
- يعنى بدل الكتاب المقدس ، بقى عندك " رأس المال " بتاع كارل ماركس ، هو دة الكتاب اللى نعمله مجموعات قراءة و نتعلم منه ... و بدل محمد ( الشخصية الرئيسية ) بقى عندك كارل ماركس ... و بدل الأنبياء و الرسل ، بقى عندك هيجل و كانط و ستالين و لينين و ماو و جيفارا
- و الشيوعية فيها جنة برضة ... الجنة الشيوعية اللى أتكلم عنها كارل ماركس ... الجنة اللى العمال و الفلاحين الغلابة يفرضوا دكتاتوريتهم على الأقطاعيين الأشرار ... و اللى العامل يشتغل فيها بس 4 ساعات فى اليوم ، و ال 4 ساعات دول يوفروله دخل يكفل رفاهيته ، و باقى اليوم يستمتع بصيد السمك و كتابه الشعر ... الجنة اللى كل البشر فيها متساويين بدون طبقات و لا عنصريات دينية ولا قومية ... و طبعا علشان الجنة دى تتحقق ، مفيش مشكلة من أننا نرتكب أى جريمة ... يعنى مفيش مشكلة من دولة عسكرية يسيطر عليها حزب واحد ( كله يهون علشان الجنه الأرضية ) ... و مفيش مشكلة نحتل أوربا الشرقية و أفغانستان و نعمل مشاكل فى فيتنام و كوبا و مصر و سوريا و كوريا الشماليه و بلاد الواق واق ... و مفيش مشكلة نطلع تروتسكى هرطوقى و مرتد عن الشيوعية و نقتله هو و أولادة ( ماهو مفهمش الشيوعية صح ، كان ضرورى يتتلمذ على يد البابا ستالين الأول )
- و الشيوعية برضة فيها التابوهات بتاعتها اللى مش بتتغير مع الزمن ( العمال و الفلاحين و تمثيلهم فى المجلس - القطاع العام - الحد الادنى للأجور - عدد ساعات العمل - @#$%^&* ) ... أقرا أى كتاب شيوعى فى الدنيا ، هتلاقية بيقول نفس الكلام دة
الفكرة اللى بحاول أوضحها أن الشيوعية هيا أعادة أنتاج للأديان ... هو أية الفرق بين طهران اللى بتحارب الخمور و الحريات الجنسية بأسم الإسلام ، و بين موسكو اللى عملت نفس الشئ بأسم كفاءة الأنتاج ؟ ... هو أية الفرق بين عمرو بن العاص اللى جة يحتل مصر بأسم الفتح الإسلامى و بين الأتحاد السوفيتى لما أحتل شرق أوربا بأسم نشر مبادئ الثورة ؟ ... أية الفرق بين أضطهاد المسيحيبن ( كجماعة دينية ) فى الأتحاد السوفيتى و فى السعودية ؟ ... أية الفرق بين الحزب الشيوعى اللى بيرمى الناس فى المعتقلات و بين محاكم التفتيش بتاعت الكنيسة ؟ ... أية الفرق بين جيفارا و بن لادن ؟ ... هو هو ، نفس الخراء القديم ، بس معاد أنتاجة فى شكل جديد


4- نظام الأسرة الأجتماعى
نظام الأسرة الأجتماعى من النماذج الواضحة لفكرة أعادة أنتاج الخراء .... نظام الأسرة فى اساسة نظام سلطوى أجتماعى ، ذكورى أبوى ، بيشئ الأنسان و يحولة لسلعة فى سوق دعارة ... و النظام دة أساسا مش مرتبط بينا كجنس بشرى ، هو مجرد ظاهرة حصلت فى آخر 10 آلاف سنة ( تاريخنا 10 مليون سنه ) بعد ظهور الزراعة ، و لظروف ميثولوجية حصلت وقتها ( راجع مقالى : نظام الأسرة الأجتماعى ) ... و النظام دة فاشل ، و بينهار من اكتر من 200 سنة ، و الأحصائيات واضحة و بترصد دة بوضوح
الفكرة أن نظام الأسرة نفسه أعادة أنتاج لفكرة الدعارة ، بس بدل ما كانت الصفقة جنس مرة واحدة مقابل غذاء مرة واحدة ، بقيت جنس أحتكارى طول العمر مقابل غذاء طول العمر ، أعادة أنتاج للخراء برضة ... و بقول أن الدعارة خراء ، لأنها مش الوضع الطبيعى ، الوضع الطبيعى أن الجنس سلوك أنسانى بيعمله الطرفين بناء على رغبة مشتركة ، مش بناء على رغبة طرف بيدفع للطرف التانى علشان يعمل حاجة هو مش عايزها
نظام الأسرة بدء ينهار مع أنهيار القيم الدينية و قواعد المجتمع الرأسمالى القديم مع ظهور فكرة السوق الحرة اللى سمحت للكل أنه يشتغل و يبدع و ينتج ( مش رب الأسرة بس ) ... فهل يسكت أنصار النظام القديم و يسيوه ينهار ؟ بالتأكيد لأ ، نعيد أنتاج الخراء
يعنى فى الأول مكنش الزوج و الزوجة بيشوفوا بعض قبل الجواز ، و كان الجواز هو أرتباط بين أسرتين مش بين فردين ، و بينضم الزوجين لأسرة الأب ( حسب الطوطم فى النظام الأبوى ) ، و مكنش الفرد ليه حق أختيار شريك الحياة ( الأسرة هيا اللى كانت بتختار ) ... أعادة أنتاج الخراء أنتجتلنا نظام الخطوبة ، و اللى هيا ببساطة عبارة عن تنازل من الأسرة عن بعض من سلطاتهم فى مقابل أحتفاظ المجتمع ببقاء نظام الأسرة الأجتماعى ... يعنى بدل ما حضرتك تكتشف أن النظام غلط ، و أنك من حقك تحدد علاقاتك الجنسية بحرية مطلقة ، أسرتك هتسمحلك بفترة خطوبة فيها حريات شكلية فى مقابل خضوعك لنظام الأسرة الأجتماعى ... و نلاحظ أن الخطوبة ملهاش أصل لا فى التراث الأسلامى ولا المسيحى ... و نلاحظ برضة أن قوانين الكنيسة بتمنع زواج أى أتنين إلا بموفقة أسرهم ، و دة دليل واضح على أرادة المؤسسة الدينية الأكيدة فى حماية النظام الأجتماعى
المهم ، الخطوة اللى بعدها فى أعادة الأنتاج كانت جواز الصالونات ... يعنى عارفين أن المجتمع محافظ و مقفل و مفيهوش فرصة حد يشوف حد ولا يتعرف على حد ... و لأننا مجتمع أبوى بيخلى الكبار يتحكموا فى رغبات الصغار ، فهو مجتمع قاهر بيفرض العذرية على أفرادة ... و الطبيعى فى مجتمع زى كدة أن مفيش فرص لعلاقات جنسية ، و لا حتى لأرتباط يستمر لجواز ... بس أستنى ، متثورش على النظام ، هنعيد أنتاجة . متدورش على عروسة ، هنجبلك عروسة من صالون ، متعرفهاش ولا هيا تعرفك ، و هنديلك فترة خطوبة شكلية تحت أشرافنا ، و هتبقى كلها تمثيل فى تمثيل ، و بعد كام شهر تتجوز و تلبس الخازوق ... و أذا تعبت أو أعترضت بعد كدة ، تبقى أنت الفاشل فى حياتك ، لكن أزاى تجرؤ تعيب فى النظام الأجتماعى اللى الكل مستريح فيه ؟
آخر أعادة انتاج لخراء نظام الأسرة كانت على أيد الشيوعيين و الأخلاقيين الجدد ( بدون ذكر أسامى ) ... اللى بيربطوا الجنس بمصطلحات " العهد " و " الوفاء " و " الحب الأبدى " ... للأسف الناس دول هما اللى منعوا نظام الأسرة من الأنهيار ... لأنهم من ناحية ربطوا بين الجنس كممارسة أنسانية ، و بين نظام اجتماعى ، و دة شئ مغلوط ، بمعنى لية شخص يعيش بدون جنس لسبب أنة مدخلش فى عهد أبدى مع حد ؟ و هل مفروض أنى أدخل فى عهد أبدى مع أى حد باكل أو بشتغل معاه ؟ ... السلوكيات الأنسانية زمنية و وقتية بطبيعتها ، و أعطاء صفة القدسية و التابوو على الجنس أخرجة من سياقة كسلوك أنسانى ، و حوله لأعادة أنتاج لنظام الأسرة الأجتماعى
الفكرة أن الشيوعيين و الأخلاقيين الجدد دول ، و اللى بيدعوا أنهم تقدميين و بلا بلا ، مبيفكروش فى أنهم محتفظين بكل سلبيات النظام اللى هما بيرفضوة ... هل لما تبقى متجوز عن حب ، مش هتبقى خاضع للمنظومة القانونية الذكورية الحالية ؟ ... هل لما تتجوز عن حب ، مش هتروح لرجل دين ( راجل مش ست ) علشان يديلك تصريح بالجنس ؟ أزاى تقول على نفسك تقدمى و أنت بتستأذن من رجل حكايات أسطورية علشان تمارس غرايزك الطبيعية ؟ ... هل لما تتجوز عن حب ، مش أنت برضة بتاخد شرعية علاقتك من خلال أعتراف المجتمع بالعلاقة دى ؟ لية بتسعى أنك تاخد موافقة من المجتمع علشان تلبى رغباتك الطبيعية ؟ هل بتستأذن المجتمع لما تدخل الحمام أو تفتح التلاجة تجيب أكل أو تدخل أوضتك تنام ؟ لية بقى بتستأذن المجتمع و بتبلغة بورق رسمى أنك عايز تستخدم عضوك الجنسى ؟ ... لاحظوا أن الجواز فى نظام الأسرة الأجتماعى ( و دة واضح فى الأسلام ) أنة أشهار و أعلان ... بمعنى أن المجتمع بيعتبر الزواج قائم بمجرد العلنية ، يعنى المجتمع ضرورى يبارك بمعرفتة على العلاقة علشان تبقى شرعية ... اللى يقول على نفسة تقدمى ، و هو خاضع لوصاية المجتمع و بيستأذنة قبل ما يستخدم حريتة فى أستخدام جسمة ، دة كداب و بيعيد أنتاج القيم الخراءية الرجعية بتاعت نظام الأسرة الأجتماعى


5- الدين المعتدل
الأديان فى حد ذاتها تمثل نموذج واضح من أعادة انتاج الخراء ... يعنى اخناتون قرر أنة يسمم البشرية بخراءة الفكرى بتاع أقصاء الآخر و ذبحه و قتله ... المصريين رفضوا أخناتون ، و حرقوا مدينته و حرموها و أعتبروها نجسة ، و مسحوا أسمه من قوائم ملوك مصر ... فييجى موسى يعيد أنتاج الخراء الأخناتونى فى صورة اليهودية ... و مع الزمن تثبت اليهودية فشلها فى الأنتشار خارج شعب أسرائيل ، فييجى يسوع و تلاميذة صيادين السمك يعيدوا أنتاج اليهودية فى شكل جديد ... و مع الزمن تختلط المسيحية بالسلطة و تضعف ، و تعجز عن الأنتشار خارج حدود الأمبراطورية الرومانية ، فييجى محمد يعيد أنتاج اليهودية و المسيحية فى صورة الإسلام ... نفس الخراء الأخناتونى يعاد أنتاجة فى صور جديدة ... و طبعا أعادة انتاج الخراء مستمرة بأستمرار على يد الباب و البهاء و القاديانية و الأحمدية و كل من هب و دب
بس الموضوع مش مكتفى بأعادة أنتاج الدين كله ، لأ دة كمان بيتم أعادة أنتاج الخراء داخل نفس الدين .... يعنى فى الأسلام ، بدل ما يقولوا للناس أن الحجاب مهم لأنة فرض ، بقيوا يقولوا أن الحجاب مهم لأنة مفيد للصحة ، و بيمنع أشعة الشمس الفوق البنفسجية الضارة ، و حفاظا على نظام الأسرة الأجتماعى و تماسك المجتمع ، و علشان متحصلش فتنة ( الفتنة معناها أن الرجاله يقطعوا بعض صراعا على مزة ) ... و بدل ما يقولك أقتل الكفار لأنهم كفار ، يقولك أقتلهم لأنهم محتلين أسرائيل و العراق ... و بدل ما يقولك أحتل الدول المجاورة علشان تستعمرهم و تستغل ثرواتهم ، بقى يقولك أننا بنعمل فيهم خير لأننا بنفتحهم و ندخلهم الإسلام ، أو أننا بنحتلهم علشان نوحد المسلمين و نعيد الخلافة ... و بدل ما يقولك أحرق الكنايس لأنها معابد أوثان ( أقتداءا بمحمد لما كسر الأصنام فى الكعبة ) ، بقى يقولك أحرق الكنايس لأنها حصون بيخزنوا فيها سلاح تحضيرا لمحاربة المسلمين ... نفس الخراء القديم ، يعاد تبريرة و فلسفتة بحجج جديدة
نفس الشئ فى المسيحية ... بدل ما يقولك أن المثلية حرام لأن الأنجيل قال كدة ، يقولك أن المثلية مرض نفسى و الشخص دة المفروض يتعالج ... و بدل ما يقولك " لا تشاكلوا أهل هذا الدهر " ، و " لا تكونوا تحت نير مع غير المؤمنين " ، بقى يقولك " لية تروح نادى مع المسلمين و نادى الكنيسة موجود ؟ " ... و بدل ما يقولوا على الأرهاب اللى عمله موسى و يشوع فى الكتاب المقدس و الأبادة الجماعية لشعوب كنعان أنها كانت ضرورية علشان خاطر شعب الله المختار ، يقولوا أن شعب الله كانوا بيقتلوا الأطفال علشان فيهم شياطين ( يا حرام ، انت عايز الأطفال يكبروا و هما جواهم الشياطين ؟ ) ... نفس الخراء القديم ، يعاد تبريرة و فلسفتة بحجج جديدة


6- عاهات الملحدين
فى بداية إلحادى كنت من المتابعين لمنتدى الملحدين العرب ... المكان دة ميزته أن فية تجمع كبير جدا لملاحدة كتير أوى من كل الدول الناطقة بالعربية ، و دة سمحلى أنى أقدر أشوف صورة كبيرة لأفكار الملحدين و مبادءهم على مستوى العالم ... قابلت فى المنتدى ملحدين كتير محترمين ، لكن وسطهم قابلت عاهات كتيرة بيعيدوا أنتاج الخراء القديم فى شكل إلحادى جديد
يعنى تلاقى ملحد متمسك أن مراته تبقى محجبة ، بس بدل ما يقولك أن الحجاب فرض ، يقولك علشان يحميها من التحرش ... و تلاقى ملحد متمسك بحقه أنه يتجوز أربع ستات ، بس بدل ما يقولك أن الشرع محلل 4 ، يقولك أن التعددية شئ فى الطبيعة الأنسانية و أن قدراتة الجنسية عالية . طيب لما التعددية شئ طبيعى ، أشمعنى للراجل بس ؟ و أشمعنى 4 ، لية مش 5 ولا 6 ؟ .... و تلاقى ملحد بيكره اليهود ، بس بدل ما يقولك " تجدون أشدهم عداوه " و " خانوا العهد مع الرسول " ، يقولك " أصلهم طول التاريخ بيعملوا مشاكل فى كل دوله عاشوا فيها " ... شفت ملحدين يحترموا محمد رسول الإسلام و يدافعوا عنه بشدة ، بس بدل ما يقولوا أنه رسول الله المعصوم ، يقولوا أنه شخصية تاريخية عظيمة و أنة وحد القبايل العربية و عمل أول دولة مركزية فى تاريخ العرب ... و ملاحدة بيتمسكوا بالوحدة بين الدول العربية و الإسلامية ، بس بدل ما يقولوا " الخلافة " و " أعتصموا بحبل الله جميعا ولا تفرقوا " ، يتكلموا عن التحالفات الأستراتيجية و الأتحاد الأوربى ، طيب هيا التحالفات عندكم مبتتعملش غير مع الناس اللى من نفس الدين ولا أية ؟ ... و شفت ملاحدة بيدعموا حماس و حزب الله و تنظيم القاعدة و أغتيال المدنيين ، بس بدل ما يقولوا الجهاد و الفتح المبين و الكفار و الفسطاطين ، يقولوا النضال و القومية و الكفاح و التحرر و المقاومة و الأستعمار ... هو أية الفرق بين واحد بيدعم بن لادن علشان شايفة بيقاوم الأمبريالية ، و واحد بيدعمة علشان شايفه بيقاوم الكفار ؟ ... أية الفرق بين واحد بيمول حماس علشان شايفهم مجاهدين ، و واحد بيمولهم لأنة شايفهم مقاومة ضد الأستعمار ؟ ماهو فى الحالتين أنت بتدعم تنظيم أرهابى
للأسف ، الناس دى لما سابت أديانها ، مخلعتش جلدها كله ... فضل معاها حاجات كتير من تابوهاتها و عاداتها و معتقداتها ... ولأنهم مبقيوش مؤمنين و مبقاش ينفع يبرروا التصرفات دى بالنصوص الدينية ، بقيوا بيعيدوا أنتاج الخراء فى صورة جديدة ، و يخترعوا مبررات زى اللى قلتها ... و النتيجة أنة نفس الخراء هو هو ، بس بشكل جديد

7- طاعة الأبوين
طاعة الأبن ليها جذرين رئيسيين ... الجذر الأنثروبولوجى ، اللى انا شرحتة فى مقال " نظام الأسرة الأجتماعى " ، اللى اتكلمت فية أزاى اتكونت الأسرة لأول مرة فى التاريخ ، و أزاى وقتها الأطفال تم أعتبارهم ملكية خاصة للأب ، بيتسموا على أسمه ( كبداية للعصر الأبوى و أنتهاء للعصر الأمومى ) و بيكونوا خاضعين ليه ، و أذا خالفوا بيتم طردهم من المنزل ( أو القبيله ) و بالتالى تحطيم حياتهم ( راجع مقال : ثقافة القبيلة ) ... الجذر التانى هو النص الدينى ، و النص الدينى التوراتى تحديدا ، لأنة أقدم نص دينى فى المنظومة الدينية الحالية بيستعبد الأطفال لصالح آبائهم مدى الحياة " أكرم أباك وأمّك لكي يطول عمرك في الأرض التي يعطيك الربّ إلهك " ( الوصايا العشرة - سفر الخروج ) و اللى واضح جدا ازاى بيربط الرضى اللإلهى و البركات الإلهية بالخضوع للوالدين
و طبعا الجذرين دول مفهوم أسبابهم ... يعنى نظام الأسرة من أساسة نظام أبوى قائم على القوة ، و سيطرة القوى على الضعيف ، و سيطرة الكبير على الصغير ، و قائم على تقييم الأنسان من خلال سنه ( جد - أب - أبن - حفيد ) ، فطبيعى أنة يحول الزوجات و الأطفال عبيد عن الأب اللى بيشتغل فى الحقل و بيصرف عليهم من فلوسه ... و اليهودية كذلك ، ديانة باترياركية ، بتنحاز للرجال ضد النساء ، و بتنحاز للآباء ضد الأبناء ... يعنى اللى يقرا أى سلسلة أنساب فى التوراة ، هيلاقى أنه بيقول فلان خلف علان ، و علان خلف شعلان ، مش بيذكر الزوجة ولا باقى الأبناء ، بيقول بس أسم الأبن الأكبر لأنة بقى أب لأسرة جديدة ... و اليهودية ديانه أمرت بضرب الأبناء لتأديبهم ( كوسيلة تربوية مش كعقاب حتى ) : " لا تمنع التاديب عن الولد , لانك ان ضربتة بعصا لا يموت . تضربة انت بعصا فتنقذ نفسة من الهاوية " ( سفر الأمثال )
دة كان الخراء القديم ... و الخراء دة أتكشف و انتهى و البشرية قرفت منه ، و مبقاش حد يقدر يدافع عنه ... لكن الجماعة المحافظين و الأخلاقيين و تلاميذ أفلاطون و المثاليين أعادوا أنتاج الخراء القديم فى أشكال جديدة ، نفس الخرا القديم هو هو ، بس بحجج وهمية جديدة
- يعنى بقى يقولوا مثلا " هو باباك بيحبك ، بس بيحبك بطريقة مختلفة " ، طيب ماهو هتلر لما أعدم المعاقين فى ألمانيا كان بيعمل دة حبا فى الأمة الألمانية ، مين قال أن الحب يبرر الجريمة ؟ أو أن الضحية المفروض يغفر للجانى أذا كان الجانى مقتنع أنه بيعمل الصح ؟ يعنى هو أنا مطلوب منى أنى أغفر لبن لادن لأن بن لادن عايز يخلينى مسلم و هو شايف أن الأسلام دة فى مصلحتى ؟
- أو يقولك " الأبوة و الامومة دى غريزة ، و كل الآباء بيحبوا أبناهم ، و مفيش أب مبيحبش أبنه " ، مع أن الكلام دة عته مغولى بحت ... الغريزة مصطلح علمى Drive ، و ليه تعريفه العلمى ، و مفيش حاجة أسمها غريزة أبوة ، فيه حاجة أسمها رغبة الوجود بعد الموت من خلال الأبناء ( أستمرار الجينات - اللى خلف مامتش ) ... و حتى الغرايز التانية بتحكمها قواعد ، يعنى التبول تصرف غريزى ، لكن أنا مش بقف فى وسط الشارع ، أفتح سوسته البنطلون و أطرطر ... الجنس غريزة ، لكن البشر بيعبروا عن الغريزة دى بعشرات الطرق المختلفة و اللى عكس بعض تماما ، و حتى دة مش عند كل الناس و مش فى كل الأوقات ... كل غريزة و ليها أستثناءات
- أو يقولك " الحفاظ على النظام الأجتماعى و كيان الأسرة " ... طيب هو أنا لية أحافظ على كيان أجتماعى بيأذينى جسديا و معنويا ؟ فى ستين داهية نظام الأسرة الأجتماعى
- أو يقولك " لازم تحترم أهلك لأن القانون ألزمك بكدة ، و أبوك من حقه يأدبك طبقا للقانون ، و لو أنت صدرت منك أساءة ليه ، القانون هيحاسبك حتى لو والدك سامحك ، لأن دى جريمة ضد المجتمع ، و تصنف على أنها حق عام " ... طيب اللى حط القانون عرص ، ألتزم بالقانون ولا أغيره ؟
الفكرة أن النتيجة التقليدية اللى عايزين يوصلولها هيا نفس النتيجة اللى كانت موجودة فى أنظمة الأسرة الكلاسيكية ... نفس حالة الخضوع و الخنوع و العبودية ، و ثقافة سى السيد ، و الطفل اللى يبوس أيد والده ، و ميقعدش و هو والده واقف ، و ميحطش رجل على رجل قدامه ، و يقول " حاضر " .... نفس الخراء القديم ، بس فى زى عصرى و حداثى


8- جنس المحارم - الزواج من بنت الخاله و العم
طيب أنا مش عايز أتكلم دلوقتى على جنس المحارم ، لأنى عارف أنى فى مجتمع مكبوت جنسيا ، و لو قلت أن جنس المحارم شئ عادى ، تانى يوم هلاقى البلد كلها ناطه على اهاليها ... فهكتفى بمثال بسيط جدا فى الثقافة الغربية ، و مش موجود فى مصر
المسيحية فى معظم العالم بتحرم جواز الشخص من أبن خالتة أو أبن عمته ، يعنى أبناء العمومة cousins مينفعش يتجوزوا ، و بيعتبروا دة زنا محارم ... و فى مفهومهم أن بنت عمك زيها زى أختك ، مينفعش تتجوزها ... الموضوع دة ليه جذور كتيرة ، منها الجذر الأنثروبولوجى ( راجع : الطوطم و التابوو - سيجموند فرويد ) ، و منها الجذر الدينى فى التراث اليهودى المسيحى ... الموضوع دة مش موجود عن المسيحيين المصريين ، لأنهم متأثرين بالمناخ الإسلامى فى مصر اللى مش بيشوف مشكله فى الجواز من أبناء العمومة ... و طبعا الموضوع دة بيعمل مشكلة كبيرة للناس اللى بتهاجر برا لو متجوزين من أبناء العمومة ، لان فية دول كتير مش هترضى توثق ورق جواز واحد من بنت عمه ( لأن القانون عندهم بيصنف دة على أنة زواج محارم )
المهم أن الغرب كله أتعلمن دلوقتى ، و مبقيتش الناس بترجع للأنجيل أو الكنيسة علشان تحط تشريعاتها و قوانينها ، و كان الطبيعى و المنطقى أن الناس توزن الأمور بعقلها ، و تاخد موقفها من الزيجات دى بموقف عقلانى ... لكن طبعا الجماعة المحافظين ميقدروش يتخلوا عن دورهم التاريخى و المحورى فى أعادة أنتاج الخراء ... فبقيوا ميقولوش أن الزواج دة المفروض يتمنع لأنة حرام دينية ، ولا لأن الكنيسة مش هترضى تصلى طقوس الزواج ، لكن بقيوا يخترعوا حجج جديدة
فبقيوا يقولوا مثلا أن العلاقات دى بتتنافى مع عادات المجتمع و هويته الثقافية ، و أن الدولة ضرورى تحمى دة ... أو يقولوا أن الناس ضرورى تعرف ناس مختلفة من خارج دايرة أسرتها ( بالعافية يعنى ؟؟ ) ... أو يقولوا أن زواج الأقارب بيؤدى لميلاد أطفال مشوهين ( مع انة مفيش أرتباط بين الجنس و الأنجاب ، دة غير أن زواج الأقارب بيؤدى لميلاد أطفال مشوهين أذا تم على مستوى كذا جيل ، مش فى الجيل الأول ) ... المهم مهما يقولوا من حجج عصرية و حداثية محدش هيصدقهم ، لأن معروف أن المجتمعات دى بترفض زواج أبناء العمومة من عشرات القرون ( من قبل المسيحية كمان ) ، و لأن نفس الحجج مأقنعتش الشعوب اللى معندهاش التحريم دة انها تجرمه
النقطة اللى بناقشها هنا مش أذا كان زواج أبناء العمومة المفروض يتم تجريمة أو أباحته ... لكن الفكرة اللى بوضحها و بفضحها هيا أعادة أنتاج الخراء ... أن فية سلوك أجتماعى ملهوش معنى فى المجتمع ، و الناس علشان تدافع عنه بتقدمة فى شكل جديد ، و بحجج جديدة ، علشان يحافظوا على أستمرارة ، و على أستعباط الناس و أستكرادهم ... و عادى جدا أنك تلاقى حد فى اوربا ملحد و بيرفض زواج العمومة بحجج عقيمة من النوعية دى ( رغم أن الموضوع دينى بحت )

9- قوانين التطور و التصميم الذكى
مبدئيا محتاجين نحدد يعنى أية حقيقة علمية ؟ ... الحقيقة العلمية ضرورى يتوفر فيها 4 شروط ... 1- قابلة للأثبات من خلال التجربة ... 2- التجربة بتطلع نتايج قابلة للقياس ... 3- التجربة ينفع تحصل فى أى وقت ... 4- التجربة مش مرتبطة بشخص معين يعملها
درجة غليان المية ( نموذج لحقيقة علمية ) حقيقة علمية ، بتتوفر فيها الشروط الأربعة ... ممكن تثبتها فى المعمل ... الترمومتر هيديلك رقم محدد ... أى حد يقدر يعمل التجربة دى ، و النتيجة مش هتختلف ... و تقدر تعمل التجربة دى فى اى مكان فى الدنيا ... كدة تبقى حقيقة علمية
قانون التطور حقيقة علمية ، بتتوفر فية الشروط الأربعة ... فية أدلة مادية عليه ، الادلة ممكن أى حد يفحصها بنفسه و يدرسها و يتأكد بنفسه ، و التطور بيحصل حوالينا فى كل وقت و كل مكان و أى باحث فى الدنيا يقدر يشوفه و يثبتة علميا بأدلة مادية ( خرائط جينية أو فروق تشريحية واضحة )
زمان فى الغرب أول ما الدراسات العلمية أبتدت تتنشر و تتكلم على فكرة التطور ، هاج المؤمنين و ماجوا ، و قالوا أنها بتتعارض مع الدين و الكتاب المكدس و نظرية الخلق و البلا بلا ( لاحظوا أن دة نفس الشئ اللى عملته الكنيسة فى العصور الوسطى لما رفضت كرويه الأرض و دورانها ) ... و زى ما حصل فى موضوع كروية الأرض ، أن الأدلة العلمية أبتدت تتجمع و تكتر ، و مستوى تعليم الناس فى أوربا أرتفع أكتر ، و لأن الأدلة مادية و ملموسة و مقنعه ، فالناس أقتنعت بالنظرية ، بعضهم فقد أيمانة بالنصوص الدينية ، و البعض الآخر أعتبر النصوص الدينية نصوص رمزية ( صور تعبيرية يعنى ) مش مقصود بيها خلق بالمعنى الحرفى
المهم ، الجماعة المتدينين مينفعش يسيبوا العلم يكشف للناس الحقيقة ، و الاديان مصدر أكل عيشهم تنهار ، فالحل أية ؟ أعادة أنتاج الخراء طبعا ... بدل ما انا يقولك التطور غلط علشان ضد الكتاب المقدس ، هقولك أن التطور غلط علشان ضد نظرية " التصميم الذكى " ... التصميم الذكى هو أعادة أنتاج للخراء القديم ( نظرية الخلق ) ... و بدل ما كان الخراء القديم مستند على نصوص ميثولوجية أسطورية خرافية ، دلوقتى النيولوك بقى فيه أستذة جامعة و باحثين و بيولوجيين ... و للأسف فية ناس أنخدعوا بالنيو لوك ، و كل شوية تطلع مظاهرات فى أوربا و أمريكا تطالب بتدريس نظرية التصميم الذكى فى المدارس و الجامعات ( المؤسسات التعليمية فى الغرب بتدرس التطور لأنة حقائق العلمية ، و مش بتدرس التصميم الذكى لأنة هرتله )
المهم ، لية أنا بقول أن التصميم الذكى هرتله ؟ و لية بقول أنه أعادة أنتاج للخراء القديم ؟؟؟ ... ببساطة لأنه أساطير هبله زى الأساطير القديمة بالظبط ... التصميم الذكى لا ينطبق عليه الشروط ال 4 بتوع الحقيقة العلمية ... هو مجرد أفتراض نظرى ، غير قابل للدراسة او البحث أو التجريب أو المنطق ... مجرد بتفترض انة من كام مليون سنة ، تدخل كائن وهمى ( وجوده غير قابل للأثبات العلمى ) بتصميم ذكى لمجموعة من الكائنات البدائية جدا و الضعيفة جدا ، و الكائنات دى لوحدها قفزت قفزات تطورية ضخمة ( فيها أبداع أكثر ملايين المرات من أبداع الخلية الاولى على يد المصمم الذكى ) ... أية العبث دة ؟؟؟
فنظرية التصميم الذكى عمرها ما هتكون نظرية علمية ، لأنها لا تستند على جذور علمية ، و مبتقومش على الأساس التجريبى بتاع فرانسيس بيكون اللى أتبنت عليه الحضارة الحديثة ... التصميم الذكى هو أعادة أنتاج للخراء الخلقى الميثولوجى الكلاسيكى .... بأمكانك أنك تاكل الخرا دة ، و بأمكانك أنك تكون ذكى و تدرك أنه نفس الخراء


10- أسرائيل
مارتن لوثر كينج ( قائد ثورة تحرر السود فى أمريكا ) ليه جملة جميلة جدا ، بيقول " حينما ينقد الناس الصهيونية ، يقصدون اليهودية ، أنهم يقولون كلام معادى للسامية " ... مارتن لوثر كينج كان بيتكلم عن فكرة أعادة أنتاج الخراء فى ظاهرة معاداه اليهود ... بمعنى ، أن فية ناس عنصريين بيكرهوا اليهود لأسباب دينية ( لأنهم اللى صلبوا المسيح ، أو لأنهم اللى خانوا العهد مع الرسول ) ، و الناس دول عملوا مذابح ضد اليهود يشيب لها الولدان ، و النتيجة أن البشرية كلها تعاطفت مع الشعب اليهودى ... طيب الجماعة العنصريين يعملوا أية ؟ ميعبروش عن عنصريتهم يعنى ؟ لا طبعا ، نعيد أنتاج الخراء ... يعنى نفس الكلام اللى كانوا بيقولوه على اليهود ، هيقولوه هو هو ، بس هيشيلوا كلمة " اليهود " و يحطوا مكانها كلمة " الصهاينة " ، و اى حد يقول عليك معادى للسامية تقوله أنك بتتكلم فى السياسة ، و أنك معندكش مشكلة مع الدين اليهودى ، و هو أكيد عبيط و هياكل الخرا و هو مش واخد باله
طيب لما أنتوا معندكوش مشكلة مع اليهود ، كنتوا بتدفعوهم الجزية لية ؟ كنتوا بتفجروا معابدهم لية ؟ بتتظاهروا علشان تمنعوهم من ممارسة شعائرهم الدينية فى أبو حصيرة لية ؟ هجرتوهم من بلادكم لية ؟ ... مصر طردت 60 ألف يهودى ، و العراق أكتر من ربع مليون يهودى ، و عدد مشابة أنطرد من المغرب ... الدول العربية طردت فى الخمسينيات حوالى مليون يهودى ، بسبب معتقدهم اليهودى ... و محدش من اللى بينقدوا الصهيونية و بيدعوا أنهم معندهمش مشاكل مع اليهود ، محدش منهم فتح بقة و أعترض على طرد اليهود أو على تفجير معابدهم بالقنابل لتطفيشهم من بلادهم لية ؟
و تلاقية يقولك " لا ، أنا مش ضدهم علشان يهود ، أنا ضدهم علشان مستعمرين " ... طيب لما أنت ضد الأستعمار ، بترفع علم تركيا لية ، و أنت عارف أن تركيا محتله أراضى من سوريا و أرمينيا و كردستان ؟ ... سوريا زعلانة لية على الجولان و ساكتة على أستعمار تركيا للواء الأسكندرونة ؟ ولا هو الأستعمار لما يكون مسلم يبقى قشطة ، لكن لما يبقى يهودى نتنطط ؟ ... كنت مطبع لية مع سوريا اللى كانت محتله لبنان 20 سنة كاملين ؟ ولا هوا سوريا لما تحتل لبنان يبقى قشطة ، لكن لما أسرلائيل تحتل جزء من لبنان تبقى أمبريالية و أستعمار و توسع ؟ ... واحد زى مصطفى كامل ، كان بيتنطط لية ضد الأستعمار الأنجليزى ، و هو قاعد فى قصر السلطان العثمانى ( المستعمر التركى ) و بيطالب لعودة مصر مستعمرة تركيه ، بتعتبروا مصطفى كامل وطنى أزاى ؟ ... و لما انت ضد الأستعمار ساكت لية لما بلدك راحت أحتلت أراضى سودانية ( حلايب و شلاتين ) و معيشة السكان السودانيين هناك تحت حكم عسكرى ، و مفيش حد عنده دم أتكلم عن حقوق الناس دى ؟
يقولك " أنا ضد التطبيع مع أسرائيل بسبب الأبادة الجماعية و قضية اللاجئين " ... طيب ما انت مطبع مع نص مليون دولة عملوا أبادة جماعية و رافضين عودة اللاجئين ... تركيا عملت أبادة جماعية لمليون و نص أرمنى ، و لحد النهاردة رافضة أن اللاجئين الأرمن يرجعوا أراضيهم ، مطبع معاها لية ؟ ... لية لسة مطبع مع فرنسا بعد ما طردت الغجر ؟ ... لية مطبع مع صربيا رغم أنها عملت مذابح جماعية لأهل كوسوفو ؟ ... صدام عمل أبادة جماعية للأكراد و الشيعة ، و هجرهم من أراضيهم ، و مع ذلك كل العرب كانوا مطبعين معاه ، و لما حرب الخليج حصلت كلكم دافعتم عنه ؟ هو فين ضميركم لما تدافعوا عن أرهابى عمل نفس الجرايم اللى أنتوا بتتهموا أسرائيل بيها ؟ ... أخلعوا بقى الأقنعة العالمانية و التقدمية و الإلحادية ، و قولوا انكم بتعملوا كدة علشان دول يهود ، بدل أعادة أنتاج الخراء المعادى للسامية فى صورة معاداة الصهيونية


يمكنك ان تعيد أنتاج خراءك و تأكله ... لكن كله بمفردك ، فأنا لا آكل الخراء

موضوعات ذات صله

51 comments:

Kefaya Punk 11/01/2011 19:31  

براڤو يا مايكل. النوت جميلة جدا. محتاجة قاعدة ترابيزة للمناقشة الطويل. و قابلة لإنها تتقال فى محاضرة, بعد تعديلات بسيطة

Kefaya Punk 11/01/2011 19:37  

{النصوص الدينية نصوص رمزية ( صور تعبيرية يعنى ) مش مقصود بيها خلق بالمعنى الحرفى}
الحتة اللى فاتت بالذات فكرتنى بالظبط بالصورة التعبيرية بتاعة جورنال الأهرام لما مبارك إتحط قدام اوباما

Anonymous,  12/01/2011 17:24  

مقال رائع و في الصميم

وليد العمراوي 25/01/2011 12:22  

رائع باختصار واصل يا مايكل

Anonymous,  03/02/2011 23:23  

على فكرة المقال لا رائع ولا ف الصميم بل مستفز زيادة عن اللزوم ومركز على حاجات وبيكررها وكمان انا عايزة اعرف ايه التفسير العلمى لكلمة ملحد بجد ترجمتها ايه او معناها ايه ف المعجم يعنى

Ahmad MOEZ,  16/02/2011 03:53  

I cracked out in laughing when I read "Death to all Juice " =D
الموت للعصير

Anonymous,  22/03/2011 23:07  

ليه بتتكلم في حاجات تخصنا انت مش بني ادم اصلا انت اقل درجة من الحيوان يا حقير

Anonymous,  29/03/2011 22:54  

موضوع متعب وهايفتح عليك ابواب جهنم ممكن يكون فيه حاجات ايجابيه لكن الاسلوب ممكن يثير ضدك عواصف جامده من كثيرين لانك بتقلب ترابيزه الخراء على كل البشر على اختلاف فكرهم
انا قرأت الموضوع وهو عامل زى السيمفونيه التاسعه لبيتهوفن تستمتع بيها لكن مش كل واحد يفهم هو عاوز يقول ايه
انا تعودت احترام فكر الاخرين لكن هنا انا عاوز افهم انت هدفك ايه هل المفروض الواحد يبطل اكل لان كل الطعام مصنع من الخراء ولا ايه عموما ربنا يسترها عليك ويطلعك من ازمتك على خير

Anonymous,  06/04/2011 23:11  

يا نهار اسود يا مايكل يا نهار اسود
ايه يا بني انت مصدق انه فيه حرية رأي ؟؟؟؟؟
رحت في داهية يا مايكل وقريب هنصلي عليك في عمر مكرم جنب التحرير

Elshrief 11/04/2011 19:38  

بصراحة انا ندمت انى دخات اتفرج على مدونتك ... واكتشفت ان الجيش غلطان انى حبسك 3 سنوات بتهمت معرفش ايه لكن الطبيعى انك تعدم لانك شاذ اخلاقيا وعقليا باعترافك وامثالك ليس لهم حق فى الوجود اصلا

Anonymous,  11/04/2011 20:55  

انا دخلت اشوف الجيش حبس مين لقيت الجيش فعلاغلطان جدا الجيش المفروض يعدمك ويعدم امثالك ياحيوان وياريت الجيش يعيد النظر فى الاشخاص دى وينفيها من الدنيا سواء نت او غير نت دول حيوانات بل اضل سبيلا ويعيش جيش مصر لمصر

Anonymous,  11/04/2011 22:10  

لا تكون كالشيطان تريد ان تعيش فى الارض فسادا فعصى ربه فكان من اهل النار و لا تعيش كالبهيم لا تريد ان تعرف من اين أتيت و من خالقك و لماذا خلقت و الى اين انت ذاهب كما ذهب من قبلك . الجميع الى الموت فأنظر ماذا انت فاعل بنفسك هل ستكتب عن الخرا أم ستأكل وقتها الخرا و تندم على ضيق عقلك و عفانت افكارك و قراءتك التى اعتمدت عليها من كتب بشريون يخطأون و يصيبون أم كتاب الخالق فلا يأتيه الباطل من بين يديه. لا أملك الا ان ادعو الله لك بالهداية و ان يقى الله الناس شر افكارك

Anonymous,  11/04/2011 23:02  

كم تدفع لك اسرائيل لتشيع هذا الكلام بين المصريين ؟
الشعب المصري متدين سواء مسلم أو مسيحي و لا يمكن أن يتقبل مثل هذه الأراء

Anonymous,  11/04/2011 23:44  

مقال ساخن ويثير الكثير من المواضيع المدفونة داخل الرؤوس، لكن وباعتبار ان كاتب المقال مسيحي وغير مسلم فهذا يغفر له قطعة كبيرة من اخطائه المدونة هنا، رأيي الشخصي في المقال لا استطيع كتابته في اسطر فأريد ان اقضي على الأقل 48 ساعة لأناقش مايكل ببعض ما جاء به من أفكار.. ولكن جميل جدا ان نرى مواطن عربي يكتب رأيه بصراحة وبدون خوف في زمننا هذا.

yasser 12/04/2011 02:08  

ومش ملاحظين يا جماعة حتى وانت بتتكلم عن زواج المحارم بتتكلم من وجهة نظر الغرب يعنى على اساس انهم بيعتبروا زواج ابناء العم زواج محارم يعنى انت مش من هنا خالص انت ناقم على نفسك ومش عارف تقول ايه وتعمل ايه فعلا دماغك تعبتك فانت حت محصلتش ملحد لا انت الموضوع عندك اكبر من كده الموضوع عندك نفسى وعايز تعيش فى مغارة دماغك ربنا يشفيك او ياخدك .

Anonymous,  12/04/2011 04:31  

من حقك أن تعبر عن رأيك كما تشاء ، ومن حقك أن تعتنق ما تريد من أفكار أو أن تعيش ملحد كما تريد فليس لي سلطان أن أحاسبك، لكن لاسف أنت محسوب على المسيحيين أسماً ،لكن ما تكتبه يسيء إلى كثيرين أولهم عائلتك فهل فكرت في مصلحتهم ورضائهم أم مصلحتك الشخصية فقط ، ثانيا المصريين سواء مسيحيين أو مسلمين فما تكتبه لا يمثل ألا وقود للفتنة بينهم
فهل هذا ما تريد لمصر ، تسطيع أن تعبر عن أفكارك بدون الاساءة للأخر فان لم تسطع فهذا يعني فشلك وضعف حجتك، أول قواعد الحرية والديمقراطية أن تمارس حريتك بدون المساس بحرية الأخرين ، لديك الكثير من النقاط الهامة اللتي تستحق الوقوف عندها والتفكير فيها لكن اسلوبك في الكتابة يجعلك تفقد الكثيرين ويصيبهم بالنفور . برجاء مراجعة نفسك وضع المصلحة العامة فوق المصلحة الشخصية .

وربنا يهديك إلى الطريق الحق حتى لو كنت لا تؤمن به

Anonymous,  12/04/2011 04:47  

أنا واثق ان مهما تقول عن جنس المحارم مش هتلاقي البلد كلها ناطة على أهليها ولا حاجة زي ما بتقول ... ولا انت مجرب؟

Anonymous,  12/04/2011 05:55  

ايه رأيك انه انت الخراء بعينه و انشاء الله القوات المسلحه تعيد تصنيعك و تبقي خراء بدون رائحه هههههههههههه
الله يلعن ابو الخراء اللي قرفتنا بيه طول المقاله الخراء يا خرا

اشرف,  12/04/2011 14:05  

الجيش رحمك بالسجن ثلاث سنوات فلو عرف الشعب المصري هذا المقال من مسلمين و مسيحيين اقسم بالله الذي انت كافر به لقطعوا عنقك و رموا جستك في الخراء اللي انت بتتكلم عليه
و خرا عليك و على شكلك

Anonymous,  13/04/2011 07:34  

انا دخلت اعرف الجيش حبسك 3 سنين ليه ومكنتش اعرف عنك كل حاجة لكن بعد ما قريت مدونتك دى عرفت انك تستاهل الاعدام بتهمة خيانة الوطن .....انت بتشكر فى اسرائيل كأنها بنت خالتك وبتحاول تعمل فتنة بين الشعب والجيش فى مصر وبعدين المقال ده مقرف جدا وزى الزفت ,,, يارب خلصنا من الاشكال دى بقى عشان البلد تنضف

Anonymous,  14/04/2011 18:21  

ربنا يولع فيك بجاز ولااقولك خساره فيك الجاز المصرى هاتلك جاز اميركى متعبى فى جرادل اسرائيليه تولع فيك

ياسر عبدالرحمن,  14/04/2011 19:33  

في البداية أرجو أن تتقبل مني عظيـــم احتقــاري ... فقد ندمت جدا اني دخلت وقريت القرف ده ، هوه خلاص بقت أسهل وسيلة للشهرة والمجد هي سب الأديان وتحقير معتقدات الناس ومسلماتهم وبديهياتهم ، وبعدين انت يامعفن خلاص اللي جايب الديب من ديله واخترعت (خراء) جديد ، يلعن أبو اللي يعجبه كلامك يا أخي ، ايه القرف ده؟ مقالة مليئة بكلمة الخراء كل سطرين تلاتة ... ايه القرف ده؟؟ وإيه الشذوذ ده؟ غلطة الجيش المصري إنه حاكمك محاكمة عسكرية عشان الظروف الاستثنائية اللي بتمر بالبلد بعد ثورتنا الجميلة ... بس وحياة أمك (اللي انت ح تجيب لها الكلام الوحش) انت لو كنت اتحاكمت محاكمة كمدنية كنت أخدت لك ع الأقل عشر سنين سجن ...المشكلة والله اني مش لاقي في كلامك فكرة واحدة تستحق اني أرد عليها بشكل علمي أو منطقي من فرط المغالطة ومخالفة الحقائق المؤكدة والواضحة والثابتة على مر التاريخ ... مجرد رغبة مريضة في كسر الحقائق المسلمة مع شوية هبل على استعباط على شذوذ فكري على مهاجمة للأديان والأنبياء .. أي تخاريف والسلام ... أخيرا ب أقولك اننا كلنا مصريين مسلمين ومسيحيين بريئين منك ومن خراءك ... اتفووووو

Anonymous,  23/04/2011 15:14  

اننا بحاحة الى قبول الراى الاخر المختلف حتى وان كان ذلك ضد معتقداتنا الدينية والسياسية , والتعبير عن الراى جريمة فى الوطن العربى وها يعيد انتاج الخراء على قول مايكل نبيل

kafi 23/04/2011 16:40  

والله المواصيع فيها شوية جراءة لكن لكن هي عادية قايلة للنقاش بس انا اعتقد الزعلت بعض الناس موضوع العلاقة مع اسرائيل واحتلال مضر لاراضى سودانية اننى ارى انه محق فى ما قاله ما عدا بعض المواضيع الدينية التى لااتفق معه فى الكثير منها

Anonymous,  24/04/2011 20:59  

انا ماسك نفسي عن اني اشتمك انت واللي جابوك بالعافية......فكر كويس قبل ما توصل لقبرك وتعرف هناك ان في رب وفي اديان لازم نحترمها يا ..............................

Anonymous,  25/04/2011 19:09  

ملحد مقرف يع

Anonymous,  29/04/2011 14:41  

مقال رائع وجميل وبالرغم من أننى لا أتفق مع بعض الأراء الموجودة به

وبالنسبة للردود اللى بتشتمك فأكيد طبعاً اللى بيحب الخرة لازم يدافع عنه

Anonymous,  28/08/2011 13:56  

متزعلوش نفسكوا يا جماعة هوه دلوقتى اللى بياكل الخراااااااء. لأ وفرحان قوى انه ملحد روح يا شيخ الهى كانت قعدت عليك وهى بتولدك.هههههههههههه

Anonymous,  01/09/2011 20:09  

كنت ماشي فى الطريق للا للا للا للا
دست فى حتة للا للا للا للا للا للا
غسلت الجذمة مرتين للا للا للا للا
ولسة فى ريحة للا للا للا للا للا للا
غسلت رجلي مرتين للا للا للا للا
ولسة فى ريحة للا للا للا للا للا للا
غسلت رجل البنطلون للا للا للا للا
ولسة فى ريحة للا للا للا للا للا للا
قلعت كل البنطلون للا للا للا للا
ولسة فى ريحة للا للا للا للا للا للا



اتارينى ماسك اللا للا فى ايديا ما سك اللا للا
:D :D :D :D :D :D :D :D

معلوماتك كلها للاسف للا للا يا مايكل تاريخياً وعلميا ودينا وحتى اخلاقيا وانا كتبت الاخطاء لكن للاسف انت لا تستحق ان اعدلها لك لانك لم تعطي نفسك الفرصة لان تبحث بجدية

Anonymous,  08/09/2011 23:53  

أحب أقولك أنك قولت قول رأيك بكل صراحه و أنا هريحك و هقولك ( كس أمك يامايكل يأبن ستين شرموطه يامنيوك يأبن الخول المعرص يأبن كوم الزنا) بس و ده كان رأيى بأختصار بصراحه يعنى من غير لف و دوران

Anonymous,  14/09/2011 11:08  

يا مايكل كلامك بالأغلب صحيح
لكن الصياغة وطريقة التعبير كلها مش صحيحة
هيك رح تخلي الكل يكون ضدك
هيك مواضيع حساسة .. مو بهيك أسلوب بتنطرح
واضح أنك عالي التثقافة وعلى مستوى عالي
الشعب العربي مو جاهز لهيك حكي
لأن الشعب العربي متعود على أكل الخرا ..ومفكره غذاء سليم وطبيعي
بس تطلع من الأسر حبيبي ... فوراً سافر لبرا
الله يحميك

Anonymous,  05/10/2011 12:13  

انسان مريض فى دماغه

Anonymous,  27/10/2011 18:55  

كلامك واقعي جدا يا مايكل ...
أصلا الناس بتؤمن بالخراء ده وهو في صيغته الأصلية .. اذن طبيعي جدا يؤمنوا به بعد اعادة الصياغة ..
المتخلفين هيفضلوا طول عمرهم متخلفين
واللي بيقول ان كلامك صادم .. اعتقد لازم الكلام يكون صادم .. لان الناس دي لازم تتصدم عشان تتحرك ..
supporting

Anonymous,  08/11/2011 13:25  

الله يهديك
لا حول ولا قوة إلا بالله

Anonymous,  20/11/2011 12:23  

I think you need a real job in life and to stop reading and writing about all this shit and use your life for yourself ,go get life man and don't waste it in this kind of writing ,life itself is not perfect ,human are not perfect ,history of mankind is very disgusting and disturbing and filled by kill ,haterness abd greed ,don't waste your life digesting it man,and help yourself.

Anonymous,  14/12/2011 17:22  

هذا الكلام بذكرني ب الكتاب الاخضر تبع القذافي
كللو خرة في خرة
و اللي كتبو اكبر خرية
وا نت اسوء من القذافي
و كتاباتك اخرى من الكتاب الاخضر
على الاقل الاول خرة خرية خضرا
انت خرية سودا و ريحتها طالعة

Anonymous,  15/12/2011 06:38  

koss omak

Anonymous,  15/12/2011 10:52  

مايكل أنت مش عارف أنك مش حتوصل لحاجة بكلامك ده - لاعمرك حتبقى حاجة ولا تسوى حاجة. كلها كام سنة وتسيب مرحلة الشباب وبعديهاحتكون زى الناس التعبانة اللى قاعد على القهاوى بتصرخ فى الشباب الصغير نفسك أنهم يسمعولك بس للأسف محدش حيسمع وحتسمع التريأه عليك بودانك. أنت اللى بوظت نفسك وفكرك وخربت عقلك بإيدك وحطط قدامك كام فكرة صح وخلطهم بألف فكرة غلط. إعادة إنتاج الخرا زى ما بتسميه مش أكتر من أن الناس كلها ليها نفس بشرية واحدة بمعايير مختلفة علشان كده بتكرر نفسها . معلش عقلك مكنش مستعد أنه يفتح على الرابع ويفهم كل حاجة صح خليك مركز فى حاجة واحدة يمكن توصل لنتيجة وطبعاً النتيجة حتكون غلط لأن الشيطان أستحوذ عليك خلاص مفيش أمل غير أنك ترجع لربك ولو مش مؤمن بأن فى إله ولو مش مؤمن أن فى جنة ونار خلاص خليك شجاع وسيب الدنيا التعبانة الخرا دى للناس التعبانة اللى فيها وأرتاح وريحنا تصدق بإيه أول مرة أحس أنى مش عارف أكتب بجد أنت مقرف وقرفتنى باى باى يا كاكا

Anonymous,  19/12/2011 03:46  

عندى سؤال واحد انا زى ماعرفت من مقالك الشاذ انك بتشجع على ذنى المحارم فعايز اعرف انت بتنيك امك و اختك كام مرة فى اليوم

Anonymous,  02/01/2012 00:07  

يا كاتب الموضوع تحتاج لدراسة أعمق من ذلك فأنت تنقل كلام الملاحدة الغربيين التي ثبت ضعفه وقدمه

ghassan 03/01/2012 17:25  

ربي إغفر له لأنه عبد لإبليس دون أن يدري صعبٌ عليكَ أن ترفسْ مناخس يا أخي الإنسان فراجع نفسك والمسيح قادمٌ فكلنا خطاة و لكن لما الى الرب يسوع يحيا هو بداخلنا و نندم إطلب هو يسمعك يا أخي

nayes84 08/01/2012 06:45  

يا مايكل مقالك جميل لكنك تعاملت مع كثير من الأمور بسطحية و من وجهة نظر ضيقة جدا. على سبيل المثال أنت أفترضت أن تحريم جواز الأخوان و الأخوات هو أعادة لأنتاج الخراء أقولك أنظر يا أخى للبلدان الملحدة بالكامل مثل اليابان تمنع زواج الأقارب و لكن ليس لأنه أعادة أنتاج الخراء فلم يكن اليابانيون مسيحيون أو يهود أو مسلمون يوما ما و لكنه للدواعى الصحية فى المقام الأول و الأستقرار الأجتماعى.
مثال أخر حضرتك ترى أن تحريم زواج المثليين هو أنتاج للخراء و أنا أقول لك أنه العكس يا حبيبى فأعتبار زواج المثليين زواج و قبولهم مجتمعيا هو أنتاج خراء ظهر عند بداية الثورة الجنسية منذ قرنا أو أكثر. أتستطيع أن تخبرنى أذا أيوجد مثليين بين الحيوانات؟ الطبيعة الأنسانية بين رجل و مرأة و علاقة فى المكان الطبيعى الذى خصصت لأجله العلاقة الجنسية لكن أن تقول لى علاقة بين مثليين عن طريق فتحة الشرج هى الطبيعية فضلا عن كونها علاقة غير مثمرة لأنها لا تتناسل فهى علاقة مشوهة أذ تستعمل مكان غير مخصص للجنس (الشرج) للجنس ولا المكان و لا الطبيعة مخصصة لهه العلاقة حتى الحيوانات لا تفعلها فمتجيش يا مايكل تقوللى منعه بسبب أنه محرم فى الأنجيل فأقولك أن الطبيعة البشرية لا تقبل ذلك تعال روح الصين هناك مفيش أى كلام من قريب ولا من بعيد عن الموضوع ده دينيا و لكنه مرفوض مجتمعيا.
أفهم حبيبى و حاول متكونش سطحى. أرى أنك جمعت معلومات كثيرة فى وقت قصير و لكن يبدو أنك لم تأخد الوقت الكافى لتفكر فى كل موضوع على حدة.

حراج 14/01/2012 10:48  

خخخخخخ

موضوع تحفة بجد

عجبتني حاية حد جايبلك خرا على جريده وتاكلة

Anonymous,  21/01/2012 12:42  

في البداية أرجو أن تتقبل مني عظيـــم احتقــاري ... فقد ندمت جدا اني دخلت وقريت القرف ده ، هوه خلاص بقت أسهل وسيلة للشهرة والمجد هي سب الأديان وتحقير معتقدات الناس ومسلماتهم وبديهياتهم ، وبعدين انت يامعفن خلاص اللي جايب الديب من ديله واخترعت (خراء) جديد ، يلعن أبو اللي يعجبه كلامك يا أخي ، ايه القرف ده؟ مقالة مليئة بكلمة الخراء كل سطرين تلاتة ... ايه القرف ده؟؟ وإيه الشذوذ ده؟ غلطة الجيش المصري إنه حاكمك محاكمة عسكرية عشان الظروف الاستثنائية اللي بتمر بالبلد بعد ثورتنا الجميلة ... بس وحياة أمك (اللي انت ح تجيب لها الكلام الوحش) انت لو كنت اتحاكمت محاكمة كمدنية كنت أخدت لك ع الأقل عشر سنين سجن ...المشكلة والله اني مش لاقي في كلامك فكرة واحدة تستحق اني أرد عليها بشكل علمي أو منطقي من فرط المغالطة ومخالفة الحقائق المؤكدة والواضحة والثابتة على مر التاريخ ... مجرد رغبة مريضة في كسر الحقائق المسلمة مع شوية هبل على استعباط على شذوذ فكري على مهاجمة للأديان والأنبياء .. أي تخاريف والسلام ... أخيرا ب أقولك اننا كلنا مصريين مسلمين ومسيحيين بريئين منك ومن خراءك ... اتفووووو
.................................
معك حق فئ هالكومنت
.................................
المخلوق اللى اسمه مايكل أعتقد انك غلط فئ أشخاص كتير حضرتك ما تجيش قدمهم بتفه
ظبط كلامك
روياريت بلاش قص ولزق من دون ما تقرأ اللى انت قصيته ولزقته

Anonymous,  11/02/2012 23:11  

مايكل
لم أري الخراء إلا الذي يسقط من رأسك المصاب بالإسهال الفكري
وعلي فكرة الخرا الذي تقدمه للمصريين
لن يقترب منه المصريين
ويشموا رائحته النتنة من بعيد ولن يقتربوا منه
ولو أنك مصري أصيل منمج بين جموع الشعب ستتأكد
من ذلك

Anonymous,  30/03/2012 20:52  

in my opinion ..blogs like urs are of the glitches cyber space brought us ... anyone who lacks depth and objectivity with an internet access can shower people with lectures on politics,arts,ideologies,
lifestyle,economics and even cooking ...
we are indeed living in chaos !

Anonymous,  29/05/2012 04:01  

كلام واقعي جدا يا مايكل كل اللي بيحصل اعادة انتاج للخرا بس الواقع اللي انت متعرفوش ان الخرا ده جاي من طيز امك يابن الشرموطه ........موضوع تافه وهايف زيك يا معرص انت فعلا المفروض يعدموك في ميدان عام لانك تعتبر خاين لبلدك يا حيوان واحنا المصريين سواء كنا مسلمين او مسيحيين مؤمنين بدينا ومتمسكين بيه لان دي الحقيقه الوحيده الموجوده في عالمنا ده والمفروض نتمسك بيها .....اما بالنسبالك انت فانت حتة خرا متعاد تصنيعها على شكل انسان والمفروض كلنا الوقتي نشد عليك السيفون عشان تتحط في مكانك الطبيعي يا خرا

Anonymous,  07/10/2012 01:32  

who said/ment that; when U head for the same old wrong path to the Truth;ll never find it. change yr road !!? reminding..
p.s.;they all changed history for thier own benefits,son. even God's prophets original messages; they falsed it; all of them !!

intrusty 16/09/2013 05:16  

يابن اللعيبة يا مايكل .. أنت فشيخ على فكرة عشان أنا كنت فاكر اني لوحدي في البلد دي اللي عارف ان الأديان اختراع فاشل .. وعلى فكرة أنا كنت مسلم.. وأنا وأصدقاء وصديقات كتير ليا من المسلمين والمسيحيين أصبحنا لا دينيين وملحدين بسبب مناقشتنا لغباء وعنصرية الأديان .. أشكرك جدا يا مايكل على انك أعطيتني الأمل في عقول أحسن بعد ما كنت قربت أحس ان مفيش فايدة في عقول العرب .. متابع لمدونتك من الآن فصاعدا..

موقع زواج 21/10/2013 02:09  

كلمات ممتازة لطيف

Post a Comment

كل مقال يعبر عن آرائى فى تاريخ كتابته، و ليس بالضرورة عن أرائى حاليا
عبر عن رأيك بحرية من خلال خاصية التعليقات . تعليقك يشجعنى على الأستمرار
التعليقات المنشورة تعبر عن آراء أصحابها

Add to Favorites

Search

Site Counter

Recent Visitors

  © Blogger template Simple n' Sweet by Ourblogtemplates.com 2009

Back to TOP