خطاب ثانى لوزير الدفاع ، طلب بالإستثناء من الخدمة العسكرية

>> 02 August 2010


يوم الخميس اللى فات ( 29 يوليو 2010 ) ، بعت جواب لوزير الدفاع أطلب فية أعفائى من الخدمة العسكرية ، فى خطوة مخطط أنها تكون بداية لحملة خطابات لمسئوليين مصريين ، أطالبهم فيها بحقى فى الأعفاء من الخدمة العسكرية ... و لما لقيت وزير الدفاع مردش ، رغم أن القانون بيلزمة بالنظر فى الطلبات اللى من النوع دة ، فالنهاردة رحت باعتلة جواب تانى ، أطالبة فية بالإستثناء من الخدمة العسكرية ، بحسب نص قانون الخدمة العسكرية اللى بيدى لوزير الدفاع حق أستثناء الفئات اللى حسب مزاجة من الخدمة العسكرية
دى صورة من الجواب اللى بعتة لوزير الدفاع ( شطبت بس على عنوان بيتى )

و دى صورة ضوئية من أيصال البريد

و طبعا أرفقت صورة بطاقتى الشخصية ، و صورة بطاقة ال 110 جند اللى بتثبت ترشيحى كضابط أحتياط فى الجيش المصرى

طبعا أنا متفهم أن وزير الدفاع دة وزير دفاع مبارك ، مش وزير دفاع مصر ، علشان كدة هو مش من أولوياتة التفاعل مع طلبات المواطنين ، لكن أولوياتة هى الحفاظ على أمن و سلامة و سلطة الأسرة الحاكمة فى مصر
و علية ، أنا مستمر فى حملتى ضد الظلم و الفساد القائم فى النظام المصرى ، لحد ما آخد حقى فى رفض واعى من الخدمة العسكرية

ملحق – نسخة خالية من الخطاب
دى نسخة فاضية من الجواب اللى بعتة لوزير الدفاع ... علشان اللى عايز يبعت ميتعبش نفسة فى الكتابة ... أنسخها على ملف وورد و أطبعها
السيد المشير/ محمد حسين طنطاوي
وزير الدفاع
تحية طيبة وبعد..،
مقدمه لسيادتكم / ........................ ، والمقيم ........................... ، وأحمل رقم ثلاثي رقم ............ ، وأحمل بطاقة رقم قومي رقم ................... .
وأتشرف بعرض الأتي
تقدمت لأداء الخدمة العسكرية ضمن الدفعة رقم ..... إلي منطقة تجنيد وتعبئة ....... بتاريخ ..........، وقد تم توقيع الكشف الطبي وكشف الهيئة ، وقد تم ترشيحي كضابط احتياط بالقوات المسلحة وفي انتظار ميعاد مناظرة المقبولين ضباط احتياط يوم ............. بإدارة التجنيد بحلمية الزيتون.
هذا ولما كانت الفقرة الرابعة من المادة السادسة من القانون رقم 127 لسنة 1980 بشأن الخدمة العسكرية والوطنية تنص علي أنه " الفئات التي يصدر بقواعد وشروط استثنائها قرار من وزير الدفاع طبقا لمقتضيات المصلحة العامة أو أمن الدولة ويصدر بالاستثناء قرار من وزير الدفاع.".
وكانت المادة 41 من الدستور المصري قد حصنت الحرية الشخصية من أي اعتداء بل جعلتها حقا لصيقا بكل مواطن فنصت علي أن " الحرية الشخصية حق طبيعي وهي مصونة لا تمس....."،  كما ساوي الدستور المصري بين جميع المواطنين فجعلهم سواء أمام القانون وذلك فيما أوردته المادة 40 منه بقولها " المواطنين لدي القانون سواء وهم متساوون في الحقوق والواجبات....". كما حظر الإقامة الإجبارية علي المواطنين وذلك فيما تضمنته المادة 50 من الدستور والتي نصت علي " لا يجوز أن تحظر علي أي مواطن الإقامة في جهة معينة ولا أن يلزم بالإقامة في مكان معين إلا في الأحوال المبينة في القانون".
ونظرا لأن الخدمة العسكرية الإجبارية تتناقض مع معتقدي الشخصي الرافض لحمل السلاح أو الانخراط في التنظيمات المسلحة أو العسكرية.
لذلك
أرجوا استصدار قرار باستثنائي من أداء الخدمة العسكرية وفقا للسلطة المخولة إلي سيادتكم طبقا للقانون.
وتفضلوا بقبول فائق الاحترام...،
مقدمه لسيادتكم
-------------


موضوعات ذات صلة


يوميات ضابط فى الجيش المصرى
لا للتجنيد الإجبارى
فيديوهات

6 comments:

Anonymous,  29/08/2010, 22:06  

انت بتحلم ... لما كل واحد يقول رجاء اعفائى عن الخدمة العسكرية امال مين يدافع عن البلد دى ؟

وماهو معتقد برفض حمل السلاح ؟ اترفض ان تحمى هذا البلد اترفض انى تحمى الببلد الذى انت منتى الية ...

Post a Comment

Every post represents my opinions when I wrote it, but not necessary now!
كل مقال يعبر عن آرائى فى تاريخ كتابته، و ليس بالضرورة عن أرائى حاليا

  © Blogger template Simple n' Sweet by Ourblogtemplates.com 2009

Back to TOP