أدارة الفيسبوك تغلق جروب حركة لا للتجنيد الإجبارى

>> 21 March 2010


لما صحيت النهاردة الصبح ، فوجئت أن جروب " لا للتجنيد الإجبارى " أختفى من على الفيسبوك

- حركة " لا للتجنيد الإجبارى " ، حركة مصرية بتهدف لتغيير قانون الخدمة العسكرية المصرى ، لتحويل نظام التجنيد المصرى من خدمة عسكرية إلزامية لخدمة عسكرية أختيارية ... الحركة أتأسست على الفيسبوك أولا ، و بعدين بقى ليها موقع ( www.n4fr.com ) ، و نظمت ندوات فى بعض الأحزاب السياسية ( زى حزب الجبهة الديموقراطية ، و حزب الأصلاح و التنمية ) ، و أتكتب عنها فى ال CNN ، و شاركت أنا كعضو من الحركة فى برنامج نقطة حوار على التليفزيون البريطانى BBC ... آخر تعداد للجروب قبل الغلق كان حوالى 2700 عضو ، بأدارة 2 أدمنز ، و 20 أوفيسر مصرى
- سياسة الفيسبوك فى أدارة الحسابات و الجروبات سياسة مليانة ثغرات ، و بتسمح لأى جهة بأختراقها لحرمان أى حد مختلف من التعبير عن رأية ... ممكن ببساطة أن أى مجموعة تعمل ريبورتات ضد أى جروب ، و الفيسبوك يقفلة بعشوائية و بدون أى حكمة فى أتخاذ القرارات ... أنا شخصيا شايف الفيسبوك بيتعدى على الحقوق و الحريات كتير ، و شايف أنة عندة سياسة بتدى مساحة أكتر للغوغاء و الدهماء و المأجورين
- فى أعتقادى ، صاحب المصلحة الأولى من اللى حصل ، هى المخابرات المصرية و المؤسسة العسكرية المصرية ، و لا أستبعد أن يكون ليهم صلة مباشرة باللى حصل ، و خصوصا بعد الأتفاق اللى حصل بين نجيب ساويرس و شركة فيسبوك ، و اللى بمقتضاها يكون نجيب ساويرس هو اللى فى إيدة سلطة أيقاف الجروبات المصرية ، فهل لنجيب علاقة بالمخابرات المصرية ؟
- أتخوف أن أغلاق الجروب يكون بداية لحملة أعتقالات ضد أعضاء الجروب ، و خصوصا أنة حصلت أعتقالات فى الفترة اللى فاتت ( مقدرناش ننشر عنها ) ، و أغلاق الجروب بيقطع صلاتنا بكتير من الناشطين ، و بالتالى هيسهل على أى مؤسسة عسكرية القبض عليهم من غير ما حد يحس

موقفنا

أحنا طبعا مش هنستسلم للى حصل ، ولا هنرضى بالأمر الواقع ... علشان كدة أنا بدعو كل أعضاء الحركة و مؤيديها ، و حتى المختلفين معاها لكن مؤمنين بحقنا فى التعبير عن رأينا ، أننا نقوم سوا ببعض الخطوات العملية علشان نرجع الجروب تانى

أولا : أحنا ضرورى نراسل أدارة الفيسبوك ، و نناقشهم فى اللى حصل ... مطلوب أكبر عدد مننا يبعتلهم ، علشان نحاصرهم و نحسسهم أنهم مش هيهربوا ، و كمان علشان نكون أكتر من عدد الريبوريتات اللى اتبعتت ضدنا
لو حابب تكتب رسالة من عندك يبقى قشطة ... لو مكسل ممكن تبعتلهم الرسالة دى



    to: disabled@facebook.com, info@facebook.com, appeals@facebook.com, comment-info-rt@facebook.com, privacy@facebook.com, abuse+nnvrn3e@facebook.com, abuse+nj5vvg1@facebook.com, abuse+dufw0zx@facebook.com, abuse+dt5t58t@facebook.com, appeals+dt5t58t@facebook.com, abuse+df7pmz2@facebook.com, abuse+nstbl81@facebook.com, copyright@facebook.com, privacy@facebook.com, privacy+nqfsxjr@facebook.com

    subject: re-enable our group

    Dear Facebook Officers,
    To our greatest surprise, our group on Facebook was disabled today. The name of the group is "لا للتجنيد الإجبارى ", literally "No for Compulsory Military Service".
    Our group/movement is peacefully calling for an end to the Compulsory Military Service. It is also promoting and defending the rights of recruits.
    The Link of the group is http://www.facebook.com/group.php?gid=88554461720&ref=nf.
    We are sure that our group has never violated any of the Facebook terms. Disabling our group without justification or notification has caused us so much harm and may put our activists at risk.
    The group has been heavily covered by international media, such as BBC and CNN. Links to coverage can be found on the group’s wall.
    Please re-enable the group, including all data, notes, membership, photos etc., as soon as possible.
    For more information, please see our website: www.n4fr.com.
    Best regards,



خلى بالك
1- ضرورى تبعت الرسالة دى من أيميلك اللى عامل منة حساب الفيسبوك
2- أبعت الرسالة دى مرتين يوميا
3- قول لكل أصحابك يعملوا كدة زيك
4- هنبعت الرسالة دى على كل أيميلات الفيسبوك اللى فوق الرسالة

ثانيا : ضرورى كلنا نعمل ريبورتات للفيسبوك على العنوان دة
و نكتب فية البيانات دى
أسم الجروب : لا للتجنيد الإجبارى
عنوان الجروب الأصلى
و فى الوصف أكتب الرسالة الأنجليزى اللى أنا حاطتها

ثالثا : أحنا عملنا جروب بديل للجروب اللى أتقفل ، عنوانة " لا سلطة للعسكريين على المدنيين " ... ياريت الكل ينضم و يدعو أصدقاءة ... عايزين نوصلهم رسالة أنهم مهما عملوا برضة مش هنبطل ... دة لينك الجروب الجديد
أشترك ، و أعمل بوست لللينك ، و أبعت أنفيتيشنز لكل أصحابك

--------------------------------------------------------------

خلفية

فى سبتمبر 2008 ، الفيسبوك قفلى حسابى نتيجة لكمية ضخمة من الريبورتات اللى اتعملت ضدى ... ساعتها قمت بحملة كاملة ضد الفيسبوك ، و رغم أن الفيسبوك رفض فى أكثر من رسالة أنة يستجيب ليا و يرجعلى حقى ، ألا أنى قدرت فى النهاية انتصر عليهم ، و رجعولى حسابى كامل ... دى المقالات اللى كتبتها ساعتها ، بحطها قدامكم علشان تكون نموذج لينا يورينا أننا ممكن نفرض أرادتنا على أى حد طالما أحنا ماشيين صح و بنطالب بحقوقنا

الفيسبوك يصادر حسابى

ساعدونى علشان أسترجع حسابى على الفيسبوك

أخيرا الفيسبوك رد عليا

حسابى رجع يا جدعان ... فلتحيا المقاومة الليبرالية

هل يسمح لنا الفيسبوك بالأختلاف معة ؟

3 comments:

Maikel Nabil Sanad مايكل نبيل سند 30/05/2010, 01:07  

الفيسبوك فضل قافل الجروب لمدة شهرين ، و رجعة فى آخر مايو 2010

أما الجروب التانى بتاع " لا لسلطة العسكريين على المدنيين " فتم تخريبة لما تم التهكير على بروفايلى

Post a Comment

Every post represents my opinions when I wrote it, but not necessary now!
كل مقال يعبر عن آرائى فى تاريخ كتابته، و ليس بالضرورة عن أرائى حاليا

  © Blogger template Simple n' Sweet by Ourblogtemplates.com 2009

Back to TOP