أنضم معانا لجروب : لا للتجنيد الاجبارى

>> 10 April 2009




أذا كنت طالب جامعى ، أو حتى ثانوى ، و عارف أنك هاتتخرج بعد كام سنة و هاتدخل الجيش ، و نفسك القانون دة يتلغى قبل ما تتخرج علشان ماتخسرش سنين من عمرك

أذا كنت شاب مصرى فقدت سنة أو أكتر من عمرك فى الجيش غصب عنك

و أذا كنت أنسان أتعرض للمهانة و الذل جوا معسكرات الجيش المصرية

أذا كنت أنسان حر ، أجبرت أنك تشتغل فى الجيش بمرتبات هزيلة ، و تاكل أكل مش نضيف ، و تنام فى أماكن مش نضيفة .... كل دة غصب عندك ، و من غير ما تكون فية حالة حرب تستدعى أنك تقدم التضحية دى علشان بلدك

و أذا كنت أب أو أم أتحرم من أبنة لسنة أو أكتر بسبب القانون دة

و أذا كنت طالب جامعة مش عارف تسافر برا بسبب قوانين التجنيد اللى بتمنعك من السفر و أنت فى سنوات الكلية النهائية

أذا كنت مسافر برا مصر ، و خايف ترجع بلدك ، علشان عارف انهم مش هيسفروك تانى و يجبروك أنك تدخل الجيش

و أذا كنتى زوجة ، مضطرة تبعدى عن جوزك ، لأنهم أستدعوة فى الجيش و قرروا يحرموكى منة

أذا كنت شاب ، و خلصت جيشك ، لكنك مش عايز تفضل مربوط بالمؤسسة العسكرية ، و مش عايزهم يستدعوك فى أى لحظة للتجنيد الأحتياطى

و أذا كنت شاب عندك شغل و عندك مشروع ، و مش عارف أزاى هتسيب شغلك يضيع علشان تروح الجيش

و أذا كنت ناشط حقوقى ، مهتم بإلغاء كل أنواع التمييز بين المواطنين ، سواء كانت بسبب الجنس ، او بسبب جنس الأخوة أو سن الأب

و أذا كنت ناشط سياسى ، ممنوع من ممارسة حقوقك السياسية بسبب مشكلة فى خدمتك العسكرية

أذا كنت أب أو أم ، و ليك أبن مات فى الحرب ، و نفسك يتلغى النظام اللى بيتحكم فى حياة الناس غصب عنهم

أذا كنت أى حاجة من دول ، فضرورى تنضم للجروب دة

الأحداث السياسية اللى حصلت فى السنين الأخيرة أثبتت أن مفيش مستحيل ، و أننا نقدر نضغط على الحكومة علشان نعمل أى حاجة

أذا أنضميت للجروب دة مش هاتخسر حاجة .... بس شوف هاتستفيد أد أية لو الجروب دة نجح

أحنا ناس بنحب بلدنا ، و مش هانسمح لحد يشكك فى وطنيتنا
أحنا مستعدين نضحى بحياتنا علشان خاطر مصر ، لو فية حالة حرب تستدعى أننا ندخل الجيش
لكن طالما مصر محاربتش من أكتر من 35 سنة ، و طالما جيشنا عددة أكتر من مليون جندى .... يبقى أية المبرر لوجود تجنيد أجبارى ؟

موضوعات ذات صلة


14 comments:

ahmed 10/04/2009, 11:56  

اخى نحن مع حرب باردة مع اسرائيل وامريكا..ولا انت مش حاسس..ولولا جيشنا هذا والاهتمام بالتجنيد والجيش..لكنا زمان زى العراق والسودان وفلسطين
وثانيا اخى لا تنسى ان الامم المتحدة محددة عدد افراد التجنيد لمصر..وبيكون قابل للزيادة فى حالت الحرب
وربنا بيقول واعدو لهم ما استطعتم من قوة

Anonymous,  15/04/2009, 01:25  

السلام عليكم ورحمة الله
يا اخى حرام عليك لا للتجنيد اية بس حرام عليك ومين يحبى البلد على فكرة والله انا فى الجيش دلوقتى واجازتى باقى عليها 24 ساعة وتنتهى بس احب اقول ليك مينفعش ميكونش فية تجنيد اجبارى لازم يكون فية كدة متقولش لى نظام سخرة وكلام فاضى مهو العدو مش هيطبطب عليك ولا ايام الحرب هتنام على ريش نعام ولا هتاكد جاتو ولا هتلبس الاسموكن يا اخى لازم من التجنيد لازم من انك تشوف الحياة الصعبة وكمان انت لو بتحسبها ان المرتب بسيط مش مشكلة على فكرة بيتصرف عليك اكثر مما تكون متخيل ومش عايز اتكلم فى الموضوع دة اكثر من كدة ويا ريت تعيد حسابك وتبص لاختك ولامك وتقول لو انا مدخلتش الجيش اية الى هيحصل ليهم انا جندى وافخر بكدة مش مشكلة سنة من عمرى فدا امى واختنى ومش مقصود بيهم امى امى اى ام فى مصر هى امى واى بنت هى اختى
على فكرة انا مش بتكلم كدةفانت تحسب انى مرفه فى الجيش لا بالعكس انا جيشى وسط الجبال وطول الليل واقف بسلاح فى وسط البرد وياما المطر نزل على ياما شلت شوك بايدى ياما نمت على ارض صلبة وتصدق بقيت دلوقتى مرتاح عليها
فداكى روحى ودمى يا اغلى بلد فى الدنيا ويا ويلة الى يفكر ان يدخلك معتدى اذا فكر فمش هيدخل الا على جثتى
وشكرا مقدما
الجندى المجهول

Anonymous,  21/04/2009, 22:20  

انا معاك ان جدمة الوطن واجب على كل واحد بس في ظروف تمنع يعني انا مولود وعايش طول عمري في دوله خليجية ومتجوز وعندي اولاد وحاليا مطلوب للتجنيد طيب مين هيصرف على ولاد وبيتي مع العلم ان زوجتي مش مصريه يعني ملهاش حد في مصر ومستحيل اهلها هيرضو انهم يصرفو عليها مدة الجدمه بتاعتي طيب في حالتي دي لازم اقول لا للتجنيد الاجباري ولا انت اي رايك

ابوحسين 22/04/2009, 20:44  

يا استاذ اجدادك كانوا يقولون على اللى مدخلش الجيش (شرك) فاهم معناها
انت عايز تكون مصرى
عايز تكون رجل
الجيش الاسرائيلى اثناء احتلاله للعريش لم يعتدى جنسيا الا على نساء الاقباط وهناك حالات بسيطة داخل جبال البدو
عايز تعرف اليهود بيقولوا ايه على المسيحيين
ومن مواقع مسيحية
شوف اليهود قتلوا الاب توما وخادمه واضافوا دماءهم على فطير عيد الفصح
اقرا الحادثة وتمعن فيها
اكتب بس على جوجل التلمود وخش على مركز الدراسات وشوف
وبعدين شوف عايز تتجند ولا لأ

Anonymous,  20/08/2009, 01:31  

في البدايه ارجو ان انوه وانبه جميع الذين يطلعون علي هذه المدونان والاراء والافكار انها افكار هدامه تساعد علي قلة الهمه والعزيمه في نفوس الشباب المصريه وان الذين يساعدون او يساهمون في نشر هذه الافكار انما هم قلة منحرفه ليس لديها اي ثقافه او وعي وانما هي تحمل من داخلها سخط علي الدولة وحقد وكره دفين وربما تكون هذه الافكار مزروعه في العقول بايدي خارجيه خبيثه ودخيله والمساعدون عليها هم ايضا لا يستحقون ان يعيشوا في هذه الدوله بشرف وكرامه وانما التحدث علي عدم دعم قواتنا المسلحه برجال الوطن وابناءه ودماءه فهم لا يستحقون ان يطلق عليهم رجال بل يجب ان يطلق عليهم نساء لخوفهم ان يندمجوا بين صفوف الرجال الذين يحبون هذا الوطن بعيدا عن كل السلبيات التي نعيش فيها من فقر واقتصاد متدهور وبنيه اساسيه ضعيفه ولكننا في النهايه نعيش في بلد آمن وارجو من الرجال الذين يستحقون ان يطلق عليهم رجال ان يعرفوا ان وراء هذه الافكار ايدي صهيونيه والدليل علي ذلك ان الجيش الاسرائيلي لا يستعين فقط بالرجال والشباب انما يستعين ايضا بالفتيات والنساء وكبار السن وذلك اكبر دليل علي اهمية الزام الجميع بالخدمه العسكريه وعدم النظر الي مثل هذه الافكار التافهه والمستفزه من شباب لا يجب ان يطلق عليهم سوي شباب شاذه

Anonymous,  10/08/2010, 01:37  

خول

Anonymous,  10/08/2010, 05:34  

جاست علق

محمد 06/09/2010, 16:35  

ماهو كل اللى ينضم للجروب ده موافق على كل اراؤه يبقى مش راجل اساسا ومش مصرى وميستحقش يعيش فى البلد دى مش التجنيد ده اللى رجعلك سيناء وطرد اسرائيل يا شوية فرافير

medo 30/03/2011, 14:04  

سيناء رجعت بمجهود دبلوماسي من فريق مفاوضات السلام و ليس بلحرب او عن طريق الجيش و هذا اكبر ظلم وقع على الرجال و السيدات فى وزاره الخارجيه و اكبر سرقه و تزوير من القوات المسلحه لكى يقنعوا و يكذبوا على انفسهم و على الشعب ان عمليه السادس من اكتوبر نجحت و حققت اهدفها و هم جميعا يعلمون انه ذلك غير صحيح

Anonymous,  12/04/2011, 17:43  

UP YOURS

Anonymous,  16/12/2011, 07:17  

أهم عاملين جيش تمام عشان يحمي سوريا من أسرائيل ومجندين الناس إجباري عشان يحمي السوريين
وفي الآخر الجيش بيحمي إسرائيل من السوريين بيقتل في الشباب وبيغتصب الستات أصلهم كانوا بيكبروا الجيش ويقوه ويقسموه لعسكر وشبيحه عندهم أما عندنا في مصر فبيسموهم بلطجيه واللي ما بينفذش الأوامر في سوريا وما يقتلش شعبه بيقتلوه هوه يعني لازم تقتل شعبك موش عدوك وبص للجيش في مصر عملوا أيه في شارع محمد محمود مع المتظاهرين لكن أيه لازم وسوف يحاكموا اللي عمل كدا واهي دقني لو إتحاكم حد أصل الناس هما اللي كانوا بيقتلوا بعض

mahmud 28/01/2012, 15:17  

مابنفعش يكون اجبارى ولا اختيارى هو لازم يكون على اقتناع ومش هيكون كدا لو كان اختيارى لانه اكيد محدش هيروح ينضم كسل اكيد ولم يكون اجبارى اكيد مش هيدى كل الى عنده من قوه عشان يكون اجبارى اختيارى لازم يتوفر للعساكر كل الراحة الى تخليهم مش يكرهوا الجيش اكل نضيف هما ريحين يدربوا مش يعانوا حياه كريمة يتعاملوا زى بقيت خلق الله مش يتهانوا من ظابط والا عقيدد والا غيره يتعاملوا بما يرضى الله لازم وحتما يكون ليهم اجر كويس يقدروا يعيشوا بيه الفتره الى قاعدينها فى الجيش مش 150 ويخلوا اهلهم يصرفوا عليهم اكيد العساكر لو عملت ليهم ايه وكان اختيارى ماهيروحوا اساسا

Anonymous,  02/02/2012, 02:31  

الاستاذ اللى بيقول حرب باردة ودا واجب وطنى
انا عايز اقولة حاجة واحدة
الواجب الوطنى انى ادخل الجيش علشاناخدم ظابط هو وعيالة وابقى عسكرى سيكا
ولا الواجب الوطنى انى ادخل الجيش واعيش على جركن مياة معفنةووسخو وملاينة رمل فى الاسبوع
مع ان الجيش بيجيلةمعونة مليار و300 مليون كل سنة
الواجب الونى انى ادخل الجيش واصرف عليةمن جيبى
الواجب الوطنى انى ادخل جيش لسةماشى بالاقدمية
يعنى العسكرى اللى داخل قبل منى بشهر يسب لامى وابويا ومتقدرش تتكلم علشان تعدى فطرةجيشك وتخلص وتاخد الشهادة
الواجب الونى ان المشير يقبض بالالوفات والملايين وانا اخد 120 جنية فى الشهر والمفروض انى اكل منهم واشرب لان الاكل استغفر الله العظيم لا يطاق
فكر كويس قبل ما ترد يا بتاع الواجب الوطنى والحرب الباردة
انا عايز اسالك سؤال وياريت ترد علية
لو انت خلصت جيش او اخدت اعفاء وقامتحرب بيناوبين اسرائيل والجيش فتح التطوع هتعمل اية

Anonymous,  24/12/2012, 09:24  

هى مش اسرائيل حبيبتك فيها التجنيد اجباري؟؟؟
ما تروح تناهض التجنيد الاجباري هناك وبعدين لما تخلص ابقي تعالى ارفضة هنا

Post a Comment

Every post represents my opinions when I wrote it, but not necessary now!
كل مقال يعبر عن آرائى فى تاريخ كتابته، و ليس بالضرورة عن أرائى حاليا

  © Blogger template Simple n' Sweet by Ourblogtemplates.com 2009

Back to TOP