أحمد نظيف جاى أسيوط

>> 03 January 2009

أحمد نظيف جاى أسيوط قريب ، علشان يفتتح نفق و محطة مية لسة عاملينهم جديد
أتمنى مايغلسوش عليا بسبب زيارتة دى
خسارة أننا مالحقناش نفتح مقر للحزب فى أسيوط ... كان زمانى علقتلة على البلكونة يافطة كبيرة مكتوب عليها " أفرج عن مصر يا ريس "
ماتفرج عن مصر يا ريس !!

2 comments:

Ahmed EL Berry 03/01/2009, 14:03  

انا بردوا سامع كلام وشايف أفعال تدل على الزيارة دي من مدة أسبوعين تقريبا...يمكن اللي من خارج أسيوط مش هيفهم قصدي أية ...أنا قصدي أن البلد"بدون مبالغة"أتغيرت 360 درجة في خلال كام يوم قليلين..يعنى في شوارع رئيسية تم توسيعها ونفق سيارات من سنة تقريبا ماحدش راح ناحيتة وكان مضايق الناس كلها لأنهم كانوا مكسرين الطرق المؤدية ليها ..النفق دة في ظرف أسبوعين تقريبا أتشطب وبقى مية مية وصالح للإستخدام الأدمي ..دة غير عواميد الإنارة الأوروبية الشكل اللي اتحطت في الشوارع "أنا خايف يشيلوها بعد ما الزيارة تخلص"
مش هتتخيلو سرعة ودقة إنجاز العمل اللي تم الواحد كان بيشوف العمال والموظفين اللي معاهم شغالين بسرعة و أمانة عالية ينفع يتعمل عليهم فيديو كليب زيي صورة صورة صورة كلنا كدنا كدة عايزين صورة ..دة لو حد فاكره
أتمنى أن السيد أحمد نظيف يزور الحتت اللي مش نظيفة في أسيوط يعني يحاول يتجة غرباً إلى منطقة غرب البلد ومايتفرع منها ...وبصراحة ياجماعة شكراً جزيلاً للناس اللي تعبت من المحافظة لأن أغلب أهالي أسيوط حاسيين أنو في فرق واضح في المظهر الجمالي للبلد
تحياتي

Maikel Nabil Sanad مايكل نبيل سند 09/01/2009, 18:03  

على رأيك
الصنايعية و المهندسين شغالين كأننا فى حتة فى أوربا
مصر دى غريبة أوى ، ممكن فى لحظة تبقى زى أوربا

تحياتى

Post a Comment

Every post represents my opinions when I wrote it, but not necessary now!
كل مقال يعبر عن آرائى فى تاريخ كتابته، و ليس بالضرورة عن أرائى حاليا

  © Blogger template Simple n' Sweet by Ourblogtemplates.com 2009

Back to TOP