و بقيت عضو هيئة عليا

>> 23 January 2009


صدر قرار من المكتب المركزى لحزب الجبهة الديموقراطية ، بتعيينى عضوا بالهيئة العليا للحزب عن محافظة أسيوط .... وااو

الخبر دة عارفة من فترة ، و أنا عايز أعلن عنة علشان أصحابى يفرحوا معايا ، بس كانوا بيقولولى : لسة ماتعلنش لحد ما يبقى رسمى
لحد ما يوم الأربع ( أول أمبارح ) بكلم شهاب بالصدفة ، فقاللى أن أجتماع الهيئة العليا الأول بكرة الخميس
و محدش قاللى

طبعا مبروك لكل الناس الجميلة اللى أتعينت معايا فى الهيئة العليا ، و اللى هما يستحقوها بجد
و بشكر مدام مارجريت الأمين العام للحزب ، لأنها رشحتنى للمنصب دة
و بشكر قيادة الحزب اللى عينت حوالى 12 شاب فى الهيئة العليا ، و دى اول مرة تحصل فى تاريخ مصر فى أى حزب

عبد المنعم إمام ( الأمين العام لمنظمة الشباب بالحزب ) علق على تعيينى و قال : عضو فى الحزب من شهرين بس ، و بقيت عضو هيئة عليا ... طالع بسرعة الصاروخ
شهاب عبد المجيد ( رئيس منظمة الشباب ) أستلقانى فى التليفون يوم الأربع و هو بيقول : هاة ، هاترشح نفسك لرئاسة الجمهورية ، ولا هاتسيبهالهم شوية ؟

طبعا هو موضوع بيلفت النظر ، كونى بصعد فى الحزب بسرعة رغم صغر سنى ، و رغم أنى لسة جديد فى الحزب ... بس هو الموضوع عادى شوية بالنسبالى ، لأنى كنت قبل كدة عضو مكتب مركزى فى الحزب المصرى الليبرالى ، بس طبعا فية فرق كبير بين حزب الجبهة الديموقراطية و الحزب المصرى الليبرالى ... و بالتأكيد عضوية الهيئة العليا للجبهة الديموقراطية ، أهم بكتير من حتى رئاسة حزب صغير زى المصرى الليبرالى

صعبان عليا جدا موقف الأمن فى أسيوط بعد الترقية دى .... دة طبعا على خلفية أنهم كانوا حاطينى على قايمة أعتقال فى أبريل اللى فات بعد الأضراب ... مش عارف أزاى دلوقتى هايعتقلوا عضو هيئة عليا فى حزب بحجم الجبهة الديموقراطية ؟؟

مواضيع ذات صلة

3 comments:

moutaz Adel 24/01/2009, 10:09  

مبروك يا مايكل باشا تستحقها والله
منتظرينك في انتخابات الرئاسه القادمه
معتز عادل

Maikel Nabil Sanad مايكل نبيل سند 24/01/2009, 12:49  

متشكر جدا يا باشا
و عقبالك أنت كمان ... أنت برضة عامل شغل حلو فى المنصورة ، و ممكن تبقى معانا فى الهيئة العليا قريب

موضوع أنتخابات الرئاسة دة لسة بدرى علية
أنا تحت السن القانونى بكتييييييييييييير

تحياتى

beshoy atef,  24/01/2009, 15:12  

الف مبروك يا مايكل و ربنا يكملك

Post a Comment

Every post represents my opinions when I wrote it, but not necessary now!
كل مقال يعبر عن آرائى فى تاريخ كتابته، و ليس بالضرورة عن أرائى حاليا

  © Blogger template Simple n' Sweet by Ourblogtemplates.com 2009

Back to TOP