و ماذا أيضا تعرف شركات المحمول عنا ؟

>> 09 January 2009


من فترة بسيطة ، واحد صاحبى غير الموبايل بتاعة ... جاب عدة جديدة فيها إمكانيات مكانتش موجودة فى العدة القديمة بتاعتة ، و طبعا الخط هو هو ماتغيرش ... المهم ، حب يستخدم النت على الموبايل بتاعة ، فمعرفش .... راح متصل بخدمة العملاء ... قال للموظف رقم موبايلة ، و قالة أنة مش عارف يدخل نت من الموبيل ... فراح الموظف قالة " مش أنت فلان فلان فلان ( الأسم ثلاثى )" .... أندهش صاحبى جدا ، لأنة مشترى الخط من غير عقد و عمرة ما قال أسمة أو أى حاجة من بياناتة لشركة المحمول ... فقالة أيوة دة أسمى .... فرد علية الموظف " أنت موبايلك نوعة كذا ( نوع الموبيل القديم بتاعة ) ، و دة ماعليهوش نت ، أزاى عايز تشغل علية نت ؟ " .... أندهش صاحبى جدا ، أزاى عرفوا كمان نوع و رقم عدتة ... بعد كدة قالة أنة غير العدة ، فوصلولة النت و أشتغل معاة تمام

أنا أنذهلت جدا لما حكالى القصة دى ... هو مفهوم أن البرامج و قواعد البيانات اللى بتشتغل بيها شركات المحمول بتديهم بيانات عن موبايلات العملاء ، زى بالظبط مواقع النت اللى صاحبها ممكن يعرف بعض البيانات عن أجهزة زوار موقعة ، و دة يفسر أزاى هما عرفوا نوع و رقم أصدار الموبايل بتاعة ... لكن اللى مش مفهوم أزاى عرفوا أسمة ؟ هل بيتصنتوا على كلامنا علشان يعرفوا أسامينا الحقيقية ؟


من شهرين رحت أشترى USB-Modem ، و الموظف ساعتها رفض يطلعلى خط ألا لما يملى مجموعة ضخمة جدا من البيانات عنى ، و معظمها بيانات مفيش مبرر أن شركة المحمول تطلبها ، زى مثلا الحالة الأجتماعية ( متزوج أم مطلق أم عازب ) ، و زى رقم تليفون أرضى يتصلوا بية علشان يتأكدوا أنى ساكن فى العنوان دة ، و زى صورة بطاقتى الشخصية اللى فيها طبعا صورتى الشخصية .... دة غير أن الشريحة مش بتشتغل غير جوا المودم ، و كل مودم لية رقم خاص بية ، و دة بيسهل مراقبة كل خط لوحدة


من سنتين لما كنت شغال فى الصحافة ، كان واحد صحفى معايا حكالى أنة لية علاقات بالأمن ، و أنة لما بيحتاج يعرف مكان أى حد ، بيتصل بواحد ظابط صاحبة ، و الظابط بيتصل بشركة المحمول و يديهم رقم الشخص دة ، و شركة المحمول من خلال الشبكة بتقدر تحدد مكان الشخص دة على الخريطة بدقة شديدة لدرجة انهم بيعرفوا العمارة و الدور اللى موجود فية الموبايل اللى شغال فية الخط دة ، و بكدة الصحفى دة بيعرف يوصل للشخص اللى مش عايز يرد علية .... كتير بنسمع أن شركات المحمول بيبقى عندها خرايط إلكترونية ، و كل خط شغال بيبقى ممثل بنقطة على الخريطة ، و النقطة دى بتشير لتحرك الموبايل فى جيب الشخص ، يعنى النقطة بتتحرك معاك ، و تقولهم أنك طلعت من أوضتك ، و أديك نازل على السلم ، و بعد كدة وقفت 3 دقايق قدام السوبر ماركت اللى جنب البيت ، و هكذا .... و دة اللى خلى مثلا المعارضين التونسيين لما يجتمعوا ، بيسيبوا موبايلاتهم فى البيت ، علشان الحكومة اللى بتراقب تفتكر كل واحد قاعد مع موبايلة فى البيت ، و ماتاخدش بالها أن الناس دى قاعدة مع بعض ... تخيلوا أنهم بالطريقة دى ممكن يعرفوا مين اللى بيحضر أجتماعاتنا ، و مين اللى بييجى بدرى و مين اللى بييجى متأخر ، و طبعا أحنا بنجتمع فين ... الموبايلات أتحولت لمخبر ألكترونى بيراقب كل واحد فينا

اللى أصعب من دة كلة أننا بنسمع أن شركات المحمول مش بس بتقدر تسجل مكالماتنا ، لا دى كمان تقدر تسجل الأصوات اللى حوالين الموبايل حتى لو أنت مش بتتكلم ، و حتى لو الموبايل مقفول ... و لو أنت فى أجتماع سياسى ، و مش عايزة يتسجل ، فمقدامكش غير أنك تسيب الموبايل فى البيت أو تطلع الشريحة من الموبايل خالص


كل القصص و الحكايات دى بتخلينا من حقنا نسأل شوية أسئلة ... أحنا بندفع فلوس مقابل الخدمات اللى بتديهالنا شركات المحمول ، و بالتالى محدش لية عندنا حاجة و محدش من حقة ينتقص من حقوقنا لأى سبب .... كمان أحنا فية بينا و بين شركات المحمول عقود ، و مفيش بند فى العقود دى بيقول أن الشركة من حقها أنها تتلصص على حياتنا الشخصية أو تراقب موبايلاتنا أو تستخدم الشبكة علشان تعرف مكانا ... فوق دة كلة مش من حق شركات المحمول بأعتبارها محتكرة سوق المحمول فى مصر ( 3 شركات فقط يقتسمون سوق المحمول فى مصر ) ، أنهم يستغلوا أحتكارهم دة و يشترطوا علينا تقديم بيانات شخصية علشان ناخد خط من عندهم ، يعنى هما ليهم ياخدوا فلوس مقابل الخدمة اللى بيقدموها ، و أحنا طبيعى بنشحن رصيد مقدما يعنى محدش فينا هاياخد منهم فلوس و يجرى ، و بعد كدة هما مالهمش دعوة بأى حاجة تانى ... طالما بياخدوا فلوس مقابل الخدمة ، هما مالهم أذا كان اللى أخد الخدمة دة خميس ولا عويس ؟


الأغتت من دة كلة ، أنى لما أتهددت فى مارس اللى فات ، رحت لشركة الموبايل اللى خطى تبعها ، و طلبت منهم يسجلولى مكالماتى و لو حتى بمقابل مادى ، فرفضوا و قالوا أن دة مش بيتم ألا بمعرفة مش عارف جهاز أية فى الدولة .... يعنى حتى البيانات اللى بياخدوها مش بيرضوا يستخدموها لصالح العميل


موضوع ال USB-Modem كمان فية حاجة غلسة ... دلوقتى الشركة تقدر تطلع على كل معلوماتى ، كل المواقع اللى بدخلها ، كل صورة بتفرج عليها ، كل كلمة بقولها فى الشات ، كل كلمة بعمل عنها بحث على النت ... نفس الشئ طبعا فى شركات النت الأرضية ... أية اللى يضمنلنا أن شركات المحمول و شركات النت مش بتتلصص على نشاطنا على النت و تجمع معلومات شخصية عننا تقدمها لأجهزة الأمن ( سواء محلية أو أجنبية فى حالة لو الشركة متعددة الجنسيات ) ؟ ... أزاى حد يدى لنفسة الحق أنة يطلع على خصوصيات الآخرين دون أذنهم أو موافقتهم ؟ ... أنا كدة حاسس أن خصوصيتى منتهكة ، و فى نفس الوقت مش لاقى بديل تانى قدامى


علاقة الأقتصاد بكل دة

أنا دايما متعود أقول أن تدخل الدولة فى الأقتصاد معناة أن الأفراد فقدوا حرياتهم الفردية ، و موضوع شركات المحمول دة مثال حيوى على الجملة دى ... النظام المصرى بيمنع الشركات و الأفراد أنهم يمارسوا أى نشاط أقتصادى بدون أذن منة ( ترخيص يعنى ) ... و فى المعتاد ، النظام لا يمنح التراخيص ألا نادرا ... يعنى شوفوا المحمول فى مصر لية بتاع عشر سنين ، و مع ذلك النظام ماطلعش فى العشر سنين دول ألا 3 تراخيص بس ( فودافون - موبينيل - أتصالات ) ... طبعا الوضع دة بيحسس شركة المحمول أن النظام المصرى هو ولى نعمتهم ، و من غيرة ماكانوش هايلموا الفلوس الكتيرة اللى بيلموها ... و لأنهم عندهم الأحساس دة ، فهما دايما بيسمعوا كلام الأمن بالحرف الواحد ، و محدش فيهم بيجرؤ أنة يخالف كلام أمع الدولة ... هما برضة فاهمين كويس أن الحكومة تقدر تسحب منهم الترخيص فى أى وقت و تمنعهم من ممارسة نشاطهم فى مصر ، و دة بيخليهم دايما خايفين من الجهاز الأمنى و بيطيعوة بكل خنوع ... و فية مثل واضح على الكلام دة ، رئيس واحدة من شركات المحمول، اللى كان أخد فترة يطلع فى الفضائيات يتكلم عن الأصلاح و الديموقراطية و الليبرالية ، فراحوا دبرولة حملة أعلامية لمقاطعة شركتة ، و كمان أبتدوا يخلوا الناس تطلع فى مظاهرات علشان تمنع تثبيت أبراج المحمول بتاعة شركتة ، و طبعا الأمن كان بييجى فى الآخر و يقف جنبه علشان يقولة رسالة واضحة " أحنا اللى بنحميلك أكل عيشك ، فأسمع الكلام أحسنلك " ... و طبعا من بعد الأحداث دى ماشفتهوش ولا مرة فى أى قناة فضائية


بس علشان محدش يفتكر أن شركات المحمول مجنى عليها على طول الخط ، شركات المحمول برضة كسبانة من الوضع دة ... يعنى مثلا النظام المصرى سامحلهم يستخدموا موديلات قديمة من أبراج شبكات المحمول ، رغم من أن الأبراج دى بتضر الناس صحيا ، و رغم أنها أتمنعت فى دول كتير ، و فية دول زى أمريكا بطلت تستخدم الأبراج الأرضية أساسا و بقيت بتوصل الشبكة عن طريق الأقمار الصناعية .... برضة شركات المحمول مستفيدة من أحتكارها للسوق ، يعنى الوضع الحالى بيخلى المنافسة عليها محدودة ، و دة بيسمحلها أنها ترفع فى الأسعار بدون سقف ، و تجنى أرباح خيالية من المواطنين اللى تقريبا مفيش قدامهم أى خيارات تانية


الثورة الفرنسية لما قامت حطت مبدأ مهم جدا ... قالت " دعة يعمل " ... الناس قبل الثورة الفرنسية كان عندهم حاجة أسمها " شيخ صنعة " ، يعنى فية " شيخ الخبازين " و " شيخ الحدادين " و " شيخ النجارين " ، و محدش فى البلد يقدر يعمل أى حاجة ألا بأذن من شيخ الصنعة بتاعة ، و محدش يقدر يغير شغلانتة ألا بأذن من شيخ صنعتة الأولانى و شيخ الصنعة الجديدة .... الثورة الفرنسية لغت دة كلة ، و قالت أن أى واحد عايز يشتغل أى مهنة من حقة يشتغلها من غير ما يستأذن من حد ... و من هنا أتأسس مبدأ حرية الأفراد فى العمل ، و مبدأ الأقتصاد الحر ، و مبدأ عدم تدخل الدولة فى الأقتصاد

طبعا مفهوم أنة مع نشوء الدولة الحديثة ماينفعش الدنيا تبقى فوضى ، و ضرورى يبقى فية تراخيص ، لكن أستخراج التراخيص ضرورى يكون مفتوح بدون سقف أو شروط ، و يكون دور الدولة محصور فقط فى التأكد من مشروعية النشاط و التوثيق فى الشهر العقارى للمحافظة على حقوق الملكية و الأسم التجارى

علشان نضمن حرياتنا الفردية ، ضرورى يبقى عندنا مئات شركات المحمول ... لو مصر فيها 100 شركة محمول ، كان زمانى زعقت فى الموظف اللى طلب منى البيانات الكتيرة دى ، و رحت سبتة و أشتركت عند شركة تانية منافسة مش بتطلب بيانات

مستر جيمى و أصحابة من بتوعوت الفكر الجديد الأبيح ، شغالين ليل و نهار يكلمونا عن الأقتصاد الحر و القصقصة ( الخصخصة سابقا ) ، و عن المعارضين الأوباش اللى عايزين يجروا البلد 50 سنة لورا للنظام الشيوعى اللى راحت علية ... لكن واضح ان مفيش حد فى لجنة السياسات فاهم يعنى أية أقتصاد حر ... الهبل اللى شغال دلوقتى أسمة أحتكار مجموعة ( أو سوق ضيق أو سوق أحتكارية ) ... هما عايزين يضحكوا علينا و على العالم و عملوا نفسهم خلصونا من أحتكار الدولة ، لكن فى الحقيقة هما نقلونا من أحتكار الدولة لأحتكار رجال الأعمال اللى محدش فيهم يقدر يتحدى أرهاب العسكر و جحافل أمع الدولة


مطالبنا

مطالبنا أن تراخيص شركات المحمول تبقى مفتوحة لكل اللى يطلبها ... ضرورى يبقى عندنا مئات شركات المحمول فى مصر علشان نضمن حريتنا ... الحكومة ضرورى ترفع إيديها عن التحكم فى نظم شركات المحمول ... ممنوع الحصول على أى بيانات شخصية لأى أحد من العملاء بدون أذن من قاضى طبيعى ، و طبعا فى الحالة دى ضرورى يكون عندنا قضاء مستقل

مطالبنا أن شركات المحمول ماتوسخش نفسها بالتعامل مع الجهاز الأمنى ... بنطالبهم أنهم مايستغلوش أحتكارهم للمهنة دى فى انهم يجنوا أرباح طائلة بدون مبرر ... بنطالبهم أنهم مايطلبوش مننا بيانات ماتعنيهمش ... بنطالبهم أنهم يرفضوا يدوا الداخلية أى بيانات شخصية عن عملائهم ألا بإذن نيابة

دوام الحال من المحال ، و الوضع الحالى مصيرة هايتغير ... و بكرة كل شئ هايتكشف قدام الناس كلها ... و الشركات اللى بتنتهك الحريات الفردية لعملائها مصيرها هاتتفضح و تتعرض لحملات مقاطعة ضخمة ، و مصيرها هاتخسر كل حاجة ... أحترموا الشعب ، هايراعيكم و يحافظ عليكم ... أو أسمعوا كلام النظام القائم ، و أنتظروا السقوط معة حينما يسقط


35 comments:

Anonymous,  09/01/2009, 11:08  

بصراحة يامايكل انا ذهلت من مقالك هذا فلو كان نصفه فقط صحيحا لكنا نعيش فى ظل دولة بوليسية بكل ماتحوى الكلمة من معنى فمن الطبيعى لشركات المحمول ان يكون لديها بيانات عن العملاء واجهزة المحمول الخاصة بهم للتوصل اليها فى حالة السرقة او الضياع ولكن ان تجمع هذه البيانات ولاتستخدمها لمصلحة العميل فهذا هو عين الظلم والاستغلال
واشكرك لاثارة هذا الموضوع
ولك خالص تحياتى
طارق الجيزاوى
مدونة طرقعات فجائية - مكتوب
مدونة إنعكاسات الاشكاليات - - جيران
مدونة مافيش مشكلة - بلوج سبوت

Mina Shokry 09/01/2009, 17:15  

إذا كانت الشركة بتعرف نوع التليفون فده شيء عادي جدا
أنا مش عايز أدخل في تفاصيل فنية كتير لكن هشرح شرح صغير جايز يكون مفيد
كلنا بنلاحظ ان أغلب أسماء المواقع اللي بنفتحها بتبدأ بالحروف
http (Hyper Text Transfer Protocol)
ده البروتوكول المستخدم في أغلب الاتصالات على الانترنت
ومن خصائص البروتوكول ده انه فيه حاجة اسمها رؤوس (headears)
ودي معلومات بترسل بين طرفي الاتصال ومش بيشوفها المستخدم العادي
ومنها واحد اسمه
User-Agent
وده بيتبعت فيه معلومات عنك منها مثلا اسم المتصفح واسم نظام التشغيل واسم التليفون لو كنت داخل من موبايل ولو عايز تعرف الكمبيوتر بتاعك أو تليفونك بيبعت ايه ممكن تفتح الموقع ده
http://www.whatismyuseragent.com
من الكمبيوتر أو التليفون
أنا عايز أوصل لأن الكمبيوتر أو الموبايل هو اللي بيقول هو مين مش الشركة هي اللي بتسأل التليفون هو مين!!

ده طبعا مش اختراق للخصوصية لكن ده بيساعد مقدم الخدمة انه يقدملك أحسن خدمة بناء على معرفته انت بتستعمل ايه

فمثلا أنا بشتغل في شركة بتقدم خدمة لواحدة من شبكات المحمول والخدمة بتتطلب تنزيل برنامج على الموبايل وطبعا باختلاف أنواع التليفونات لازم يبقى فيه نسخ مختلفة من البرنامج وعلشان كل واحد ياخد البرنامج المناسب لتليفونه بنعتمد على ال
user-agent
اللي بيبعته التليفون وطبيعي لما يكون واحد من العملاء عنده مشكلة وأتصل بيه أول حاجة بقولهاله ان تليفونك هو كذا وهو لما يلاقي اني أنا عارف ده بيديله نوع من الثقة في وفي الكلام اللي هقوله ليه علشان نصلح المشكلة

لكن طلب معلومات غريبة عنك عند الاشتراك في أي خدمة وكشفها لجهات تانية ده فعلا انتهاك للخصوصية إلا إذا كان عندهم مبررات لطلب المعلومات دي ويبقى من حقنا نعرف المبررات قبل ما نديهم بياناتنا

ولو كنت عايز بياناتك يبقى من الصعب التنصت عليها عن طريق مقدم خدمة الانترنت أو غيره حاول تتعامل مع المواقع اللي أسماءها بتبدأ ب
https
مش
http
لأن ده معناه ان البيانات بترسل بينكم مشفرة ومن الصعب جدا ان لم يكن من المستحيل على أي واحد بيراقب البيانات انه يفهم معناها

وتحياتي ليك

Maikel Nabil Sanad مايكل نبيل سند 09/01/2009, 17:45  

طارق الجيزاوى
أنا شخصيا أتمنى أن الكلام دة يكون غلط ، بس للأسف تاريخ الجهاز الأمنى المصرى فى أنتهاك الخصوصية الفردية للأفراد ، هو تاريخ غير مشرف على الأطلاق

مينا شكرى
شكرا على المعلومات القيمة دى
بس عندى سؤال
هل أى موقع ممكن أغير عنوانة و أكتب
https
بدل
http
؟؟؟؟

تحياتى للجميع

Mina Shokry 10/01/2009, 01:23  

مش انت اللي بتختار نوع الاتصال بين جهازك والموقع
الموقع هو اللي بيحدد واللي تقدر تعمله انك تلاحظ مين هي المواقع اللي عنوانها بيتحول ل
https
لما تفتحها لكن بصفة عامة مافيش موقع بيكلف نفسه ويستعمل
https
إلا إذا كانت المعلومات اللي هيتم تبادلها معلومات سرية زي مثلا كلمات السر أو أرقام كروت الائتمان

Maikel Nabil Sanad مايكل نبيل سند 11/01/2009, 14:57  

أضافات تانية على المقال

1
أحمد نظيف كانوا مرة سألوة فى حوار تليفزيونى عن مراقبة التليفونات ، فضحك و قال : أحنا بنراقب و اللى خايف مايتكلمش
2
نجيب ساويرس فى حوار تليفزيونى كانوا هاجموة بسبب ان شركتة فى العراق " عراقنا " بتقدم معلومات للجيش الأمريكى ، فرد و قال : كل الحكومات بتعمل كدة حتى مصر
3
بخصوص ان شركة المحمول تقدر تحدد مكان الشخص بدقة شديدة ... فية أوبشن فى الموبايلات ، أن الموبايل يقولك اسم الشارع اللى انت فية ، و لو دخلت فى شارع تانى ، الموبايل بيقولك الأسم الجديد فى لحظتها ... دة غير ان فية برامج بتجيبلك خريطة على الموبايل و توريك مكانك فين بالظبط على الخريطة ، و تقولك اقرب طريق للمكان اللى عايز تروحة .... دة دليل قوى يثبت ان شركات المحمول تقدر تحدد مكاننا بدقة
4
الشركة من خلال الخط بتقدر تعرف الرقم السرى للموبايل ، و بالتالى تقدر تراقب الموبايل حتى لو غيرت الخط ، و الطريقة دى هى اللى بيستخدمها الأمن فى حالة سرقة الموبايلات ... طبعا الحرامى بيستخدم العدة ، لكن بيشترى خط جديد ... و الأمن بيتابع العدة من رقمها و بيعرف رقم الخط الجديد اللى أتحط فى العدة ، و بيتابع التليفونات اللى اتصلها لحد ما بيعرف الشخص اللى بيستخدمها .... و المعلومة دى مؤكدة ، و خطورتها أن الأمن يقدر يراقب موبايلاتنا حتى لو كنا بنتكلم تليفوناتنا المهمة من خط تانى مشتريينة من غير عقد

Sameh 12/01/2009, 05:59  

ودن من طين وودن من عاجين
مين يسمع بس , وياريتها علي شبكات المحمول بس !!

ألِف 13/01/2009, 23:44  

بعض المعلومات التقنية فعلا مهم لتشغيل الخدمة و موجود في أنواع مختلفة من الشبكات، زي ال ذكره مينا شكري

لكن بعض المعلومات الأخرى زي العمل و الحالة الاجتماعية تجمعها شركات كثيرة و بنوك بهدف استخدامها في دراسات السوق: تصميم المنتجات و تسعيرها، و في الإعلان لاستهدافك بالمنتجات ال تهمك حسب عمرك و عملك و محل سكنك و حالتك الاجتماعية؛ و طبعا في حسابات الإئتمان: الدَّين مذلة.

المعلومات دي في إجمالياتها تساهم في تكوين المؤشرات الاقتصادية للمجتمع، و دا مفيد، لكنها يمكن تستخدم بشكل شخصي؛ مخابراتي\أمن الدولة، أو فضولي من الموظفين ال لهم حق النفاذ لها، و في المجاملات (صحفي => شرطي => موظف اتصالات) خارج إطار القانون. و دا طبعا مضر.

تحديد الموقع كمان ممكن (فاكر حساب المثلثات ال كنت بتكرهه في ثانوي؟)، لكن على حد علمي حاليا مش بيحصل بالشكل الفردي ال أنت بتقول عليه "كل خط شغال بيبقى ممثل بنقطة على الخريطة" لأنه غير مبرر. لكن ما ينمعش أن مشغلي الشبكات عندهم مؤشرات إجمالية (كم تلفون في المنطقة، كمّ التدفقات\المكالمات). تحديد الموضع ممكن و يعتمد على دقة توزيع و معرفة أماكن أبراج المحمول، و ممكن استخدامه وقت اللزوم (يعني عندنا بمجرد أن ضابط يكلمهم في التلفون :) لكن مش لدرجة أي طابق في العمارة (ما فيش ارتفاع\بعد ثالث)،


نيجي للجانب النظري:
مقدم الخدمة و مشغل الشبكة دائما و طول عمره يقدر يسمع و يسجل، من أيام عامل سويتش التلفون أبو سماعة و سلك، لغاية مقدم خدمة إنترنت، سواء كان مودم يو إس بي أو غيره، زي ما أنت كتبت، مرورا بالتلفون المحمول. كم المعلومات و زيادة القدرة على تخزينها و تحليلها يمكن، لكن القدرة في المطلق موجودة من الأول.

و سواء كانت الدولة هي المالك أو شركات خاصة معولمة وطنية أو أجنبية، كل دا ما يفرقش. وزير الاتصالات قال لك أنهم بيخلوا أمن الحكومة يتجسس بمزاجه.

مش باقول أننا ما نهتمش بمعرفة المعلومات ال الشركات بتحتفظ بها عنا، بالعكس دا واجب، و كمان زي ما بنطالب بتشريعات تفتح المعلومات العامة و الوثائق الحكومية قدام الجمهور لازم نطالب بحماية خصوصية المواطنين من إساءة استخدام الحكومة و الشركات للمعولمات ال لازم هتجمعها عنا. و لو على سبيل الغلاسة و اننا ما نسيبش الحكومة تعمل حاجة من غير مراقبة.

لكن أنت سايب على الإنترنت أثر من المعلومات أكثر بكثير من ال تعرفه شركة المحمول عنك (فيما عدا أن شركة المحمول قدروا يسمعوا مكالماتك) و يعرفوا منها علاقاتك الشخصية زي ما فيسبوك يقدر كدا :)

و لسى، أنت دارس تقنية حيوية (سواء يتاعة البشر أو الحيوانات) و ممكن تكون عندك فكرة عن كم المعلومات الشخصية جدا الممكن جمعها عن الناس؛ و ال الحكومات عمالة تدخلها شوية شوية في سجلات المواطنين الحكومية، في دول جماعات الحقوقيين و المدافعين عن الحريات العامة فيها أقوى منا بكثير. أصلا مجرد أن يُفرض علينا نشيل بطاقات شخصية دا تدخل من الحكومة في خصوصياتنا. و طبعا الشركات في ديل الحكومات لأنها هي الوسيلة و أحد المستفيدين.

احنا جايين نهدي النفوس مش أكثر.

أما بقى ال أنت بتقوله عن "أن تدخل الدولة في الاقتصاد معناه فقد الأفراد حرياتهم[...]"، فأنا مش شايف علاقة بتاتا!
سواء كانت شركات المحمول واحدة أو مئية، فهم يقدروا يعرفوا عن زبائنهم، و أحيانا عن زباين الشركات الأخرى، سواء بوسائل تقنية في تصميم الخدمة أو لأنهم ممكن يتبادلوا المعلومات علشان يستخدموها في السوق. ما هي مواقع الإنترنت كثير جدا، و كلها مستقلة عن بعضها و مافيش تدخل للحكومة فيها، لكن فيه معلومات عنك كثير جدا برضو.

فيه تدخل من الدولة، زي ال حصل مثلا في موضوع الاتصال بالإنترنت في الأماكن العامة و ال كانت طرف فيه شركات الإنترنت و شركات المحمول بدفع من الحكومة و باستفادة\عدم ممانعة من الشركات. لكن دا مش تدخل اقتصادي من الدولة بالتسعير و لا بتنظيم السوق و منح التراخيص. مش كدا؟

حتة مستقبليات\فلسفة: في ناس شايفين أننا غالبا في اتجاه تطورنا نحو حضارة خلية النحل أو شيء قريب منها و حدوث التَّفرُّد ال هيغير شكل حضارتنا، هنكون فقدنا أغلب فردانيتنا، فساعتها مش هيبقى مهم من يعرف عنك إيه. الكل في واحد. لقد تم تمثيلك.

Maikel Nabil Sanad مايكل نبيل سند 12/04/2009, 12:59  

اليوم السابع نشرت تقرير تفصيلى يؤكد المعلومات اللى طرحتها فى النوت
http://www.youm7.com/News.asp?NewsID=87224

Khal3d 24/04/2010, 02:38  

حاسس ان الموضوع اكثر من نصفة مش حقيقي ان لم يكن كلة

لان شركات الموبيل عمرها ما تقول للعميل انت فلان ودة من ضمن سياسة الخصوصية عندهم عشان محدش يعمل نفسة زكي ويتصل بيهم عشان يعرف اسم صاحب الخط اللي بيتصل بية (فكرتني بفيلم بدل فاقد لما اتصل ببتوع الدليفري عشان يعرف اسم صاحب الخط :D ) ويقدر اي حد يلاحظ الموضوع دة


ثانياً حوار نوع الموبيل دة برضة اشتغالة لان الشركة يا تقولك على نوع الموبيل اللي بتستخدمة دلوقتي وانت بتكلمهم يا اما تسألك عن نوع الموبيل لكن ان هما يكون معاهم نوع موبيل قديم فدة استحالة لان النظام بيتم تحديثة تلقائياً بمجرد وصل الموبيل بالشبكة


ثالثاً حوار تسجيل المكالمات حتى لو التليفون مقفول فدة مش صحيح واذا كان صحيح لية المبرمجين وشركات تصنيع الموبيل منبهوش للثغرة اللي بتمس سياسة الخصوصية والامن القومي دي في البلاد الغربية بما ان عندنا شكوك في مصر دايماً ، تسجيل المكالمات ممكن ولكن نخلينا واقعيين كم عدد مستخدمي الموبيل وكم عدد الدقايق اللي الناس بتتكلمها في السنة أكيد لو بحسبة صغيرة كدة ح نلاقي ان في السنة بيطلع مئات السنين تسجيلات صوتية في السنة الواحدة

طيب الحجات دي بتتحفظ فين وفين السيرفرات اللي عندها القدر الاستيعابية دي في مصر .. اعتقد ان سيرفرات جوجل اللي عددها يفوق المليون سيرفر في دول العالم المختلفة لا تكفي للتسجيلات الصوتية دي كلها

انما لو الشخص دة علية مشاكل سياسية او جنائية فممكن التسجيل يتم بامر من النيابة وبيبقي لشخص محدد مش لكل العملاء


طبعاً التدوينة طويلة ومملة فعشان كدة مأرتهاش كلها بس لفت نظري نقطة رابعة وهي حوار الـ https

الكلام اللي انت قلتة مش صحيح لان النظام دة بيعمل علي تشفير البيانات للسيرفر مش ليك انت
بمعني آخر عدم محاولة اختراق السيرفر لمعرفة البيانات اللي بترسل لية عشان لو بتبعتلة رقم الكريدت كارد لو ح تشتري حاجة
انما انت فممكن يتعرف انت بتعمل اية وبتبعت اية
الا في حالة انك بتستخدم وسيط اتصال زي الـ VPN


وياريت تبطل استخفاف بعقول الناس واتكلم في مواضيع انت بتفهم فيها كويس عشان لما تحور يبقي التحوير متقن

ركن الروان 11/02/2016, 15:35  

شركة نقل عفش بالرياض
احصل الآن على افضل خدمات شركة ركن الروان بأفضل الاسعار ومن خلال افضل العمالة المدربة فهى افضل شركة نقل عفش بالرياض حيث نقدم لك خدمة نقل اثاث بالرياض على اعلى مستوى من الخدمة
اتصل بنا : 0537006883
شركة نقل اثاث بالرياض
http://www.hvofny.com/%D8%B4%D8%B1%D9%83%D8%A9-%D9%86%D9%82%D9%84-%D8%A7%D8%AB%D8%A7%D8%AB-%D8%A8%D8%A7%D9%84%D8%B1%D9%8A%D8%A7%D8%B6/

مظلات الإنجاز 10/04/2016, 14:12  

احدث اشكال مظلات وسواتر بافضل الاسعار يقدمها مظلات وسواتر الانجاز

للتواصل والاستفسارات

0555645839

0505466859

لزيارة موقعنا

www.alanjaz.com

كرستاله كلين 12/04/2016, 16:28  

شركتنا شركه كرستاله كلين خدمات تنظيف بالرياض حيث تقدم شركه تنظيف منازل بشرق الرياضوتسهلا لعملائنا الكرام اقوى شركه تنظيف مجالس فتكون شركه تنظيف مجالس بالرياض
اذا كان عملانا العزيز لديك محل او بيت تحت الانشاء وتريد ان تقوم برش الدفان اليكم شركة رش دفان شرق الرياض
كما تقدم الشركه خدمات تنظيف الواجهات حيث تكون افضل شركه تنظيف واجهات بالرياض
شركتنا تنقدم خدمات تنظيف فى مدينه الخرج هل تبحث عن شركه تنظيف موكيت بالخرج
اليكم الحل مع شركة كرستاله كلين اذا كنت بحاجه الى شركه تنظيف مجالس بالخرج
فاهناك العديد من شركات النظافه فاعندم تقرر ان تتصل على شركه تنظيف شقق بالخرج
هل تعانى من كثره الحشرات فى بيتك مع شركه رش مبيدات بالخرج يمكنك التخلص من الحشرات شركة كرستاله كلين ترحب بكم فى اى وقت تقدم خدمات فى جازان ونجران فتكون اول الشركة تقديم خدمات الى اهل المنطقه شركه تنظيف بجازان,نجران

شركة التميز 22/04/2016, 02:33  

A GOOD JOP AND GOOD SITE
افضل شركة
كشف تسربات المياه
بنقدم لكم افضل العروض الموجوده فى الوطن العربى لمكافحة تسربات المياه
We offer you -fighting water leaks Service
وفروع شركتنا فى

كشف تسربات المياه بالرياض


كشف تسربات المياه بجدة

كشف تسربات المياه بالدمام

كشف تسربات المياه بدون تكسير

كشف تسربات المياه بالمدينة المنورة

Maha H 30/04/2016, 18:44  

شركة تنظيف بالمدينة المنورة الاسطول 0550201124

اليوم اقدم لكم افضل شركة تنظيف بالمدينة المنورة وهى شركةالاسطول اسم عريق فى عالم التنظيف جاءت لتخدم اهل

المدينة المنورة فى جميع خدمات التنظيف المعروفة شركة تنظيف شقق بالمدينة المنورة وكذلك خدمات مكافحة الحشرات وكشف التسربات ونقل العفش
شركة تنظيف سجاد وموكيت بالمدينة المنورة
شركة تنظيف مطابخ بالمدينة المنورة
شركة غسيل مسابح بالمدينة المنورة
شركة صيانة مسابح بالمدينة المنورة
شركة تنظيف مجالس وكنب بالمدينة المنورة
شركة تنظيف ستائر بالمدينة المنورة
http://alostool0.com/%D8%B4%D8%B1%D9%83%D8%A9-%D8%AA%D9%86%D8%B8%D9%8A%D9%81-%D8%A8%D8%A7%D9%84%D9%85%D8%AF%D9%8A%D9%86%D8%A9-%D8%A7%D9%84%D9%85%D9%86%D9%88%D8%B1%D8%A9/

Mostafa S 30/04/2016, 19:21  

شركة مكافحة حشرات بالطائف بيت العز 0559522795
شركة مكافحة حشرات بالطائف قادره على القيام باعمال المكافحة والقضاء على اى نوع من الحشرات بالاعتماد على احدث الالات والماكينات التى تقوم بالوصول الى اصعب الاماكن التى من الممكن ان يتواجد بيها الحشرات
شركة رش مبيدات بالطائف
شركة مكافحة النمل الابيض بالطائف

http://beit-alezz.com/%D8%B4%D8%B1%D9%83%D8%A9-%D9%85%D9%83%D8%A7%D9%81%D8%AD%D8%A9-%D8%AD%D8%B4%D8%B1%D8%A7%D8%AA-%D8%A8%D8%A7%D9%84%D8%B7%D8%A7%D8%A6%D9%81/

مكتب عقار 30/04/2016, 19:47  

شركة مكافحة حشرات بالمدينة المنورة المشرق 0538993522

مع شركة مكافحة حشرات بالمدينة المنورة ستتخلص تماما من الازعاج المستمر الذى تسببه الحشرات والافات بمختلف انواعها حيث تقدم الشركة خدمات مكافحة الحشرات بكفاءة عاليه وبدقة بالغه تقضى عليها تماما دون رجعه وذلك بفضل فريق العمل الذى تعتمد عليه الشركة وهو عبارة عن مجموعه من افضل المشرفين المهندسين المتخصصين فى ابادة الحشرات بمزيد من السرعه والانجاز والدقه وبأسعار رخيصه جدا وبعروض مبهره وبرامج وقايه ومتابعه دوريه مجانية.

شركة رش مبيدات بالمدينة المنورة
مكافحة حشرات بالمدينة المنورة
شركة مكافحة النمل الابيض بالمدينة المنورة
شركة مكافحة الفئران بالمدينة المنورة
شركة مكافحة العتة بالمدينة المنورة
شركة مكافحة البق بالمدينة المنورة

http://mashriq-clean.com/%D8%B4%D8%B1%D9%83%D8%A9-%D9%85%D9%83%D8%A7%D9%81%D8%AD%D8%A9-%D8%AD%D8%B4%D8%B1%D8%A7%D8%AA-%D8%A8%D8%A7%D9%84%D9%85%D8%AF%D9%8A%D9%86%D8%A9-%D8%A7%D9%84%D9%85%D9%86%D9%88%D8%B1%D8%A9/

مركز ابداع 01/05/2016, 07:16  

شركة مكافحة حشرات بالطائف سهر العالمية 0556676529

شركة مكافحة حشرات بالطائف هى من افضل الشركات فى المملكة باكملها والطائف خاصة لانها فى الريادة فى مجال مكافحة الحشرات ولاشك ان وجود الحشرات باى مكان قد يسبب انزعاج وتوتر لانها السبب الرئيسى والاول فى نشرالامراض والاوبئة

فشركة سهر العالمية متخصصة فى مكافحة الحشرات ورش المبيدات
مكافحة حشرات بالطائف
شركة رش مبيدات بالطائف



http://saharalalameya.com/%D8%B4%D8%B1%D9%83%D8%A9-%D9%85%D9%83%D8%A7%D9%81%D8%AD%D8%A9-%D8%AD%D8%B4%D8%B1%D8%A7%D8%AA-%D8%A8%D8%A7%D9%84%D8%B7%D8%A7%D8%A6%D9%81

Dalel Alsharekat 01/05/2016, 07:50  

شركة تنظيف خزانات بمكة بيت العز

شركة تنظيف خزانات بمكة تساعدك على سلامة المياه من التلوث داخل خزان منزلك لان المياه تعتبر من اهم الاشياء التى لابد ان نعتنى بها فالان مع بيت العز كافضل شركة غسيل خزانات بمكة
شركة عزل خزانات بمكة
http://beit-alezz.com/%D8%B4%D8%B1%D9%83%D8%A9-%D8%AA%D9%86%D8%B8%D9%8A%D9%81-%D8%AE%D8%B2%D8%A7%D9%86%D8%A7%D8%AA-%D8%A8%D9%85%D9%83%D8%A9

عالم الجوال 01/05/2016, 08:12  

شركة تنظيف خزانات بالطائف السهم الذهبى 0555618545

شركة تنظيف خزانات بالطائف تقدم لكم خدمة غسيل وتعقيم الخزانات لان عملية تنظيف الخزانات من الامور الهامة جدا والحيوية أيضا وذلك للحفاظ على الصحه العامة حيث ان المياه هى من اكثر المواد تعرضا للتلوث

شركة غسيل بالبخار بالطائف
شركة تنظيف شقق بالطائف
شركة تنظيف بالطائف

عزل خزانات بالطائف

http://golden4clean.com/%D9%86%D8%B8%D8%A7%D9%81%D8%A9-%D8%A7%D9%84%D8%AE%D8%B2%D8%A7%D9%86%D8%A7%D8%AA-%D8%A8%D8%A7%D9%84%D8%B7%D8%A7%D8%A6%D9%81/

May Ali 13/06/2016, 17:38  

بعد تشاور الاراء عن الاشياء المهمة فى حياة الانساة يقال ان من الاشياء المهمة فى حياة الانسان النظافة فالنظافة لها صور عديدة ومختلفة منها نظافة الملابس والمكان المحيط بنا والقضاء على الحشرات كشف تسربات المياة ورش المبيدات للتخلصمن الحشرات وعندما نقول القضاء على الحشرات نقول شركة مكافحة حشرات بالخبر شركة مكافحة حشرات بالجبيل وايضا مكافحة النمل الابيض وهو من اخطر انواع الحشرات وهى شركة مكافحة النمل الابيض بالدمام ومن الاسباب التى تساعد على نظافة الحشرات رش المبيدات وهى شركة رش مبيدات بالخبر و
شركة رش مبيدات بالجبيل وكشف تسربات المياة من النظافة المهمة جدا لانها تجلب الامراض الى اصحاب المنزل هى شركة كشف تسربات المياه بالدمام وشركة كشف تسربات المياه بالخبر
وللاتصال وطلب الخدمة اتصل ب 0508400941

شركة مكافحة حشرات 10/07/2016, 16:06  

نقدم لكم شركة مكافحة حشرات الشركة المتخصصة بكافة اعمال مكافحة الحشرات بالدمام بالخبر والتي تخصصت في مكافحة جميع أنواع الحشرات الطائرة والزاحفة بجميع أنواعها فمع شركة مكافحة حشرات بالدمام تستطيعون القضاء علي جميع أنواع الحشرات بأبسط الطرق الحديثة والأدوات المثالية وكذلك افضل المبيدات الفعالة في التخلص من جميع أنواع الحشرات حيث انها تعد افضل شركة مكافحة حشرات بالدمام كما يتوفر لدينا أيضا شركة مكافحة حشرات بالخبر والتي تعد افضل شركة مكافحة حشرات بالخبر لديها فريق متميز مجهز بأفضل الإمكانيات الحديثة والعمالة الماهرة والمبيدات المثالية للقضاء علي الحشرات التي تستخدم في مكافحة النمل الأبيض والنمل الأسود والبعوض والفئران والافاعي والثعابين وغيرها من الحشرات الأخرى
جوال 053026180

شركة مكافحة حشرات 10/07/2016, 16:08  

تعبتم من الحشرات وكثرة انتشارها المبالغ فيه بالمملكة العربية السعودية خاصة في فصل الصيف حيث ارتفاع درجات الحرارة والرطوبة وتعبتم أيضا من اثارها السلبية التي تلحق بنا جراء انتشار الحشرات فالحل مع شركة مكافحة حشرات بالجبيل الشركة الاولي بالجبيل والتي توفر خدمات مكافحة الحشرات بأفضل جودة ممكنة بالاستعانة بأفضل وامهر العمالة والأدوات الحديثة والمبيدات الفعالة في القضاء عليها نهائيا وبلا رجعة كما توفر شركة مكافحة حشرات العديد من الامتيازات التي جعلتها تتفوق علي غيرها من الشركات الأخرى وأصبحت افضل شركة مكافحة حشرات بالجبيل تقدم خدمات متميزة من خلال ضمان الشركة المتميز كما تقدم الشركة خدماتها بأرخص الأسعار فتوفر ارخص شركة مكافحة حشرات بالجبيل فمع شركة مكافحة حشرات بالجبيل انتم دائما في امان فاذا اردتم العيش في بيئة نظيفة خالية من الحشرات ما عليكم الا الاتصال ب شركة مكافحة الحشرات بالجبيل علي جوال 053026180

شركة مكافحة حشرات 10/07/2016, 16:10  

نقدم لكم افضل الشركات المتخصصة بمكافحة جميع أنواع الحشرات والتي تقضي عليها نهائيا وبلا رجعة من خلال افضل المبيدات الألمانية الحديثة التي تتخلص من النمل الابيض والفئران والصراصير والافاعي والثعابين والفراشات والبعوض وغيرها من الحشرات الأخرى فمع شركة مكافحة حشرات بالأحساء تستطيعون الحصول علي الخدمات المثالية لمكافحة الحشرات بالأحساء وكافة مدن المنطقة الشرقية والتي تضمن لعملائها افضل جودة ممكنة بأرخص الأسعار فتوفر شركة وادي الذئاب ارخص شركة مكافحة حشرات بالأحساء كما تهتم أيضا شركة مكافحة الحشرات بالمنطقة الشرقية بتقديم خدماتها عبر كافة مدن المنطقة الشرقية فتوفر الشركة شركة مكافحة حشرات بالقطيف التي تتميز أيضا بتوفير الخدمات المثالية لمكافحة جميع أنواع الحشرات الطائرة والزاحفة بالقطيف والتي نجحت في ان تصبح افضل شركة مكافحة حشرات بالقطيف
للتواصل علي جوال 0530260180

Post a Comment

Every post represents my opinions when I wrote it, but not necessary now!
كل مقال يعبر عن آرائى فى تاريخ كتابته، و ليس بالضرورة عن أرائى حاليا

  © Blogger template Simple n' Sweet by Ourblogtemplates.com 2009

Back to TOP