شعب سلبى حتى النهاية

>> 21 November 2008

قالك مبارك حب يظهر قدام العالم على أنة راجل ديموقراطى بيستجيب لرغبات الشعب ، فراح بعت لنظيف و قالة يا نظيف عايزك تنزل قرار يضايق الناس و يعترضوا علية ، فأقوم أنا أتدخل و ألغى القرار دة و بكدة أظهر قدامهم أنى ديموقراطى

نظيف جمع شوية عساكر من الداخلية ، و قالهم : " عايزكم تعسكروا على أول كل كوبرى فى مصر ، كل عربية طالعة الكوبرى تدفعوها 10 جنية " .... و فعلا القرار دة أتنفذ ، و نظيف قعد مستنى الشعب يعترض ، لكن عدت شهور و محدش أعترض

لما نظيف حس أن الموضوع مش نافع ، راح بعت للعساكر و قالهم : " تعسكروا على الكبارى من الناحيتين ، و كل عربية طالعة تدفعوها 10 جنية ، و كل عربية نازلة من الناحية التانية تدفعوها 10 جنية تانى "

برضة نظيف فضل مستنى فترة طويلة لكن محدش أعترض ، فقرر نظيف أنة ياخد خطوة جريئة و بعت أوامرة للعسكر " كل عربية طالعة أى كوبرى ، توقفوها و تضربوا اللى سايقها بالقلم على وشة "

العساكر فعلا أبتدوا يوقفوا العربيات و يلطشوا اللى سايقينها على وشهم ، لكن الحكاية دى كانت بتاخد وقت ، و الكبارى بقيت زحمة أوى و المرور أتعطل ... هنا بقى قام الشعب كلة قومة راجل واحد ، و طلعت مظاهرات حاشدة تطالب سيادة الرئيس بزيادة عدد العساكر على الكبارى علشان المرور مايتعطلش !!!


2 comments:

An Egyptian 24/11/2008, 22:56  

هاها نكتة حلوة توصف سيكولوجية الشعب المصري تمام
اكد اللى مألفها دكتور نفسي

Anonymous,  12/12/2008, 21:54  

نكته حلوة كعادةالشعب المصرى دائما الضاحك الباكى حال يحزن

Post a Comment

Every post represents my opinions when I wrote it, but not necessary now!
كل مقال يعبر عن آرائى فى تاريخ كتابته، و ليس بالضرورة عن أرائى حاليا

  © Blogger template Simple n' Sweet by Ourblogtemplates.com 2009

Back to TOP