هل ممكن يبقى عندنا رئيس جمهورية مش مسلم ؟

>> 17 November 2008

دلوقتى الأمريكان بقى عندهم رئيس أسود
و العراقيين بقى عندهم رئيس كردى
فهل ممكن مصر يطلع فيها رئيس جمهورية مش مسلم ؟؟

5 comments:

mo eltaher 11/12/2008, 14:41  

طب هى هتفرق معاك فى اية؟
هو مش المفروض إن من حق الكل إنه يترشح للإنتخابات؟؟
ومن حق الناس إنها تختار اللى هى عايزاه؟؟
فى يوم من الأيام لما يكون فية ديمقراطية فى مصر ممكن أى حد يترشح

محمود سعيد 11/12/2008, 19:02  

والله ده مستقبل محدش يعرف ينبأ بيه
ده مش هروب من الإجابة ديه الإجابة الطبيعية

بس يا ترى إيه الميزة أنه العراق رئيسها كردى وأمريكا رئيسها أسود

هل ده معناه أن العراق خلاص مبقاش فيها تمييز عنصرى
وهل أصلاً الشعب أنتخبه

وهل يعنى ده إن مفيش تمييز عنصرى ضد السود لسه بيحصل فى أمريكا لحد دلوقتى

يا ترى هيكون كويس لما رئيس مصر يكون قبطى مثلاً ويفضل فى تمييز ضد الأقباط فى مصر

ولا المهم أنه ميكونش ف تمييز

Anonymous,  12/12/2008, 12:47  

خلى بالك من الواد محمود سعيد ده إخوانجي

Maikel Nabil Sanad مايكل نبيل سند 16/12/2008, 12:01  

محمد الطاهر
تفرق كتيير
لأنها بتبقى اشارة أن الشعب بقى بيختار على أساس الكفائة مش على أسس قبلية و دينية

محمود سعيد
كل دول العالم فيها تمييز عنصرى
بس قبول شعب برئيس من عنصر تانى ، يعتبر خطوة أخدها الشعب بقدام و ضرورى نحيية عليها

و على فكرة دة الحل الوحيد للبلاد اللى فيها أزمات عنصرية
يعنى الرئيس الكردى كان الحل الوحيد علشان الأكراد ماينفصلوش عن العراق
و مشاركة حكومة الجنوب فى السودان كان الحل الوحيد لمنع أنفصال الجنوب

محمود سعيد 16/12/2008, 15:15  

مايكل

معحب بإجابتك
بس لو الشعب بيختار على أساس الكفاءة يبقى كونه أسود أو كونه من غير دين أغلب الشعب حاجة محدش هينتبه ليها

لكن هل تقدر تنكر أن أوباما نسبة ما أنتخبته فقط لكى تشارك فى صنع التاريخ

و كون الحل أن رئيس الجمهورية يكون من أقلية علشان المشكلة تتحل
معلش الحل هو أن المشكلة تتحل
سواء اللى حلها من أصحاب المشكلة أو من مسببيها

Post a Comment

Every post represents my opinions when I wrote it, but not necessary now!
كل مقال يعبر عن آرائى فى تاريخ كتابته، و ليس بالضرورة عن أرائى حاليا

  © Blogger template Simple n' Sweet by Ourblogtemplates.com 2009

Back to TOP