حسابى رجع يا جدعان ... فلتحيا المقاومة الليبرالية

>> 23 September 2008


بصراحة مالقيتش أصدق من الصورة دى أوجهها لكل اللى عملولى ريبورتات على الفيسبوك ... أهداء للأمن و لضيقى الأفق و أعداء حرية الرأى و التعبير


النهاردة و أنا بفتح أيميلى ، لقيت الفيسبوك بعتلى رسالة تانية بيقول فيها أنهم رجعوا فى كلامهم و رجعولى حسابى تانى ... مش قادر أوصفلكم فرحتى قد أية ، و خصوصا أنهم كانوا قالوا فى رسالة قبل كدة أنهم مش هيرجعولى حسابى أبدا


أنا بصراحة مكنتش عاتقهم ... على مدى أسبوعين كاملين ( الفترة اللى حسابى كان مقفول فيها ) كنت يوميا ببعتلهم رسالة على كل أيميلاتهم أطالبهم بإرجاع حسابى ، و مايئستش لما قالوا أنهم مش هيرجعوة و برضة فضلت أبعتلهم ... و فى كل الوقت دة ماستسلمتش لكل الناس اللى قالولى أعمل حساب جديد ... طالما أنا معملتش حاجة غلط ، يبقى أعمل لية حساب جديد ، حسابى القديم ضرورى يرجع ، و أهة رجع


الموقف دة من الفيسبوك وجة صفعة قوية لكل أعداء حرية الرأى اللى عايزين يعزلونى عن العالم و عن قرائى ... أتمنى أنهم يكونوا أستوعبوا الدرس كويس و فهموا أنهم عمرهم ما هيقدروا يمنعونا من الكلام أو الكتابة أو التعبير عن آرائنا و مبادئنا ... أتمنى يكونوا حسبوها و عرفوا أنى ماخسرتش غير أسبوعين ، لكن هما بيخسروا سمعتهم و مصداقيتهم و أحترام الناس ليهم


فى لحظتها بعت رسالة للفيسبوك ، و شكرتهم على موقفهم الجميل دة ، و كلمتهم تانى عن الريبورتات المزيفة اللى بتتبعت ضد الكتاب التنويريين فى الشرق الأوسط .... بالنسبالى الحملة لسة ما أنتهتش ، أنا هفضل شغال فيها لحد ما نعمل حصانة لحسابات المدونين و السياسيين على الفيسبوك و الياهوو و كل المواقع الألكترونية


لسة المعركة مستمرة ضد الهاكرز الأسلاميين اللى خربوا كتير من الجروبات الليبرالية و العالمانية على الفيسبوك ، بالأضافة لقرصنتهم على حسابات سامى حرك و محمد البدرى و مصر الأم و زهير سالم و غيرهم كتير من الناشطين العالمانيين ... الهاكرز دول مدعومين من جهاز الأمن المصرى و خليلة جهاز مخابرات المملكة الوهابية


رجوع حسابى على الفيسبوك أكد كلامى أنة لا يضيع حق وراؤة مطالب ... لو طالبنا بحقوقنا ، أكيد أكيد هانحصل عليها ... مهما الفاشيست عملوا ... بالظبط زى ما قال إدموند بيرك : " كل ما يحتاجة الشر لينتصر هو أن يقف الأخيار مكتوفى الأيدى " ... مش هقف مكتف أيديا ، و هفضل أطالب بحقوقى لحد ما آخدها كلها


بشكر كل اللى وقفوا معايا ... بشكر كل اللى كتب عنى ... بشكر كل اللى بعتوا رسايل للفيسبوك يطالبوهم برجوع حسابى ... بشكر كل أنسان أيجابى جرئ كان لية دور فى رجوع حسابى


و بكدة تكون أنتهت غزوة الفيسبوك الأولى ... و لسة الحرب مستمرة ، فتابعونا


مواضيع ذات صلة

أخيرا الفيسبوك رد عليا

ساعدونى علشان أسترجع حسابى على الفيسبوك

الفيسبوك يصادر حسابى

الأرهاب الألكترونى


10 comments:

Obaida,  23/09/2008, 10:21  

ألف مبروك يا مايكل
أظن إنه همه رجعولك الحساب لأنو تعبوا معاك..
ومش عايزين وجع راس أكتر
:)
برافو عليك

Maikel Nabil Sanad مايكل نبيل سند 24/09/2008, 11:30  

ميرسى أوى يا عبيدة

طبعا ، ما أنت عارفنى صداااااااااااع

ماجد شريت,  30/09/2008, 00:00  

د. مايكل
أحييك علي نضالك واستبسالك ... تحياتي لك خالصة ... معلومة أنا من أسيوط ... وأتمني أن أري شباب كثير مثلك ... فطالما عانيت من سلبية هذا الشباب ... أحييك مرة أخري

ماجد شريت

Maikel Nabil Sanad مايكل نبيل سند 30/09/2008, 08:55  

ميرسى أوى يا أستاذ ماجد

بس طالما حضرتك من أسيوط ، ياريت تراسلنى على الأيميل علشان أتقابل مع حضرتك ، و ممكن يكون لينا نشاط مشترك

تحياتى

Anonymous,  08/12/2008, 11:31  

ادحرج واجرى يلرمان وتعالا على حجرى يا رمان, ده انا زبى حنين يارمان,تعالا ولا تخافش يارومان..هذا كل ماييمكننى قولة لا يابن الشرشورة

Anonymous,  19/06/2011, 03:36  

يا ريت تكتب ايميلات الفيس بوك علشان نرسل لهم لان قفلوا حسابي أنا كمان

Anonymous,  02/11/2011, 13:14  

انا كمان حذفو حسابي ساعدوني ارجعو بلللللللللليز

Anonymous,  02/11/2011, 13:21  

انا شادي محمد انا حذفو حسابي ساعدوني ارجعو بليز

Anonymous,  02/11/2011, 13:28  

تعالو لاقي حل ليقاف لحسابات انا صارو موقفين حوالي 5 ميلات

Post a Comment

Every post represents my opinions when I wrote it, but not necessary now!
كل مقال يعبر عن آرائى فى تاريخ كتابته، و ليس بالضرورة عن أرائى حاليا

  © Blogger template Simple n' Sweet by Ourblogtemplates.com 2009

Back to TOP