أخيرا الفيسبوك رد عليا

>> 21 September 2008


أخيرا ردوا عليا


أخيرا ، و بعد أنتظار 11 يوم كنت ببعت فيهم كل يوم رسالة للفيسبوك ، تعطف موظفى الفيسبوك بالرد عليا ... أمبارح و أنا بفتح الأيميل لقيت الرسالة دى جايالى من الفيسبوك


Hi,

Facebook accounts are meant for personal, authentic usage only. As such, fake accounts are a violation of our Terms of Use. Facebook requires users to provide their real first and last names and impersonating anyone or anything is prohibited. Additionally, groups, clubs, businesses, and professional profiles (DJs, club promoters, performers) are not permitted to maintain an account on the site. It is especially prohibited for profiles to be used as a means to promote or advertise a product, service, or opportunity.

We apologize for the inconvenience, but you will no longer be able to use this account. This decision is final.

Thanks for your understanding,

Blair

User Operations

Facebook

الرسالة دى أكدت أستنتاجى أنهم مش ناويين يرجعوا حسابى تانى ... و طبعا أنا مستغرب من الكلام العبيط اللى فى الرسالة ، لان الأكاونت بتاعى معمول بأسمى الحقيقى ، و أنا مش شغال بأسم مستعار ، دة غير أنى مش بعمل أى نشاط تجارى لا على الفيسبوك ولا فى أى حتة تانى ... المهم رحت فى لحظتها بعتلهم الرد دة ، و لسة ماوصلنيش رد منهم


Mr. Blaire,

You ended your message with "Thanks for your understanding " ... and I wish that you could understand me

All you said have no connection with me

- My account was personal , and my name is Maikel Nabil Sanad , and this is my real name ... It is not a fake account ... and I am not impersonating anyone, you could see that this is my true name from my blog (http://ra-shere.blogspot.com/ )

- My account was personal and wasn't for any group or association or business

- I don't use my account for any commercial purposes , because I don't have any commercial activity at all

- I don't advertise to any product , neither in Facebook nor in any other site.

When I read your message, I felt that you are talking about someone else

There is no word in your message related to my account

You must know that this completely injustice ... I want you to send me only one word I wrote in Facebook that is considered an commercial advertisement ... only one example ... I think you must have at least one evidence before disabling account and disturbing my life

I am sure that you wouldn't find any thing ... I am totally innocent , and I need my account back because my articles was on it .... I am a blogger and a writer, not a spam

Please don't disable my account without single evidence

The prey

Maikel

طبعا مفهوم مين اللى قاللهم الكلام العبيط دة ... و زى كل مرة أسلوب التغطية بورقة التوت اللى مابتسترش حاجة ... كانوا اللى بيعملوا ريبورتات بيقولوا تهم عبيطة خالص علشان لما الفيسبوك يرد عليا و يقول السبب اللى هما قالوة ماتتكشفش حاجة من المؤامرة


أخبار الحملة ضد سياسة الفيسبوك


بصراحة أنا متشائم جدا من أسلوب التحرك بتاع الحملة اللى أبتديتها فى مقال " ساعدونى علشان أسترجع حسابى على الفيسبوك " .... أنا أتكلمت فى المقال دة عن 8 حاجات ممكن نعملهم ، و تقريبا محدش عمل أى حاجة


يعنى مثلا الجروب اللى عملناها على الفيسبوك ، أجمالى اللى أنضموا ليها بعد المقال ماوصلوش 10 أفراد ، و معظم اللى أنضموا كان مبعوتلهم دعاوى من قبل كدة


الرسايل اللى قلنا أننا هانبعتها للفيسبوك ، حسب علمى ماحدش بعت غير 3 أفراد بعد ما بعتوا للفيسبوك عملوا forward لرسايلهم علشان يعرفونى ... يمكن فية ناس تانية بعتت بس أنا معرفش


بصراحة أنا مش راضى عن المستوى دة ... ما هو مش معقول أن الأرهابيين لما يحبوا يلموا 100 شخص يبعتوا ريبورتات علشان يكمموا أفواة المعارضة المحترمة ، يلموهم فى ثوانى .... و المفكرين و المثقفين لما يحتاجوا حد يقف معاهم مايلاقوش حتى 10 أفراد ... دى تصرفات شعب مش عايز ديموقراطية


كمان أنا فوجئت أن أتنين من أصحابى أستندلوا معايا فى الأزمة دى ، على الرغم من أن واحد فيهم عارف كويس أن حسابى على الفيسبوك أتقفل بسبب دفاعى عنة ... بس مش مشكلة ، ما هو من مميزات المشاكل أنها بتخليك تعرف مين الصديق الحقيقى و مين بتاع مصلحتة ؟ مين اللى يستحق أنك تدافع عنة بعد كدة ، و مين اللى ماتتعبش نفسك علشانة ؟


لكن طبعا مانساش أشكر الزميل محمد عاطف على أنة نقل النوت بتاعتى و نشرها عندة فى الفيسبوك ، و كمان مانساش أشكر الزميل ماجد ميشيل على أنة شارك فى الحملة على موقعة ( الطريق ) ، و أشكر كل اللى بعتوا رسايل للفيسبوك حتى اللى معرفهومش ، و أشكر كل اللى كلمونى تليفونيا أو أعلنوا تضامنهم معايا فى أى مكان

لكن بالنسبالى ، الحملة لسة مانتهتش ، و أنا هفضل أبعت للفيسبوك رسايل يوميا مرة و أتنين و تلاتة لحد ما يرجعولى حسابى ... و حتى بعد ما يرجعولى حسابى الحملة هاتفضل مستمرة لحد ما نوصل لحصانة لحسابات السياسيين على الفيسبوك


فى نفس السياق


خلال الأسبوع اللى فات حصلت أحداث كتيرة تؤكد الكلام اللى قلتة عن وجود حملة أمنية ضد العالمانيين عموما و عالمانيين أسيوط تحديدا .... فمن يومين أستولى هكرز أسلاميين على الأكاونتات بتاعت الفيسبوك بتاعت سامى حرك و حزب مصر الأم ، و دة حصل بالظبط بعد أقل من أسبوع للإلغاء الأمنى لأحتفالية رأس السنة المصرية اللى كان المفروض تتعمل يوم 11 سبتمبر


و برضة وصلت تهديدات لعالمانيين تانى فى أسيوط ، لكن للأسف مش هقدر أكشف عنها ألا بعد موافقة أصحابها ... و سواء فى التهديدات دى أو فى اللى حصل مع سامى حرك أو اللى حصل قبل كدة مع محمود الفرعونى و حسام حسن شحاتة و معايا ، فى كل الحالات دى شفنا الأمن بيستخدم الأسلاميين علشان يتخلص من المعارضة المدنية ، و دى نفس اللعبة الوسخة القديمة اللى لعبها الأمن فى السبعينيات لما أستخدم الجماعات الأسلامية علشان يصفى اليسار المصرى العالمانى ... التاريخ بيعيد نفسة !!!


1 comments:

Maikel Nabil Sanad مايكل نبيل سند 22/09/2008, 03:40  

فى أتصال تليفونى أكد لى م/ محمد البدرى أن حسابة على الفيسبوك أتسرق بواسطة مجموعة من الهكر الأسلاميين ، و لما حاول يعمل حساب جديد أتسرق الحساب الجديد و كمان أيميل الجى ميل

و فية أخبار غير مؤكدة عن سرقة حسابات ناصر القوصى و أقبال بركة على الفيسبوك

و فى كل الحالات اللى بيسرق الأيميلات هاكرز أسلاميين بيشتغلوا لصالح جهات أمنية

فية أشاعات بتتردد عن وجود ميزانية 300 مليون دولار تم رصدها لتدمير الوجود المصرى العالمانى على النت

ياريت كل العالمانيين يخلوا بالهم ، الحرب أبتدت

Post a Comment

Every post represents my opinions when I wrote it, but not necessary now!
كل مقال يعبر عن آرائى فى تاريخ كتابته، و ليس بالضرورة عن أرائى حاليا

  © Blogger template Simple n' Sweet by Ourblogtemplates.com 2009

Back to TOP