فية طلب على الأيجيبتولوجى

>> 26 August 2008

بلاحظ من الأحصائيات بتاعة مدونتى أن فية طلب كبير جدا عند القراء ناحية المصريات أو ال Egyptology
أنا كنت كتبت حوالى 5 مقالات فى المصريات من حوالى سنتين ، و كانوا هما بدايتى تقريبا
بلاحظ أن فية نسبة كبيرة جدا من اللى بييجوا مدونتى من البحث على الجوجل و الياهوو و باقى محركات البحث ، بيكونوا بيدوروا على حاجات فرعونية
كمان بلاحظ أن ترتيب مقالات المصريات بين باقى مقالاتى فى معدل القراية مرتفع جدا ، على الرغم من أنى كتبتهم من زمان ، و كمان أنا مش حاططلهم لينكات فى الصفحة الرئيسية
أنا كنت بطلت أكتب فى المصريات لأنى حاسس أنها موضوعات ثقافية مش بتساهم فى اصلاح أحوالنا .... يعنى أنا شايف أن فية موضوعات تانية أهم بكتير من علم المصريات ، و طبعا قضايا الحريات و معاها العالمانية هى قمة أولوياتى .... يعنى أنا هستفاد أية لو كل الشعب عرف أيجيبتولوجى ، و بعد كدة أنا أتسجنت علشان مفيش منظومة قانونية تحفظ حقى فى التعبير عن آرائى ؟
لكن بسبب الطلب الكبير على المصريات ، بفكر أرجع أكتب فيها تانى

0 comments:

Post a Comment

Every post represents my opinions when I wrote it, but not necessary now!
كل مقال يعبر عن آرائى فى تاريخ كتابته، و ليس بالضرورة عن أرائى حاليا

  © Blogger template Simple n' Sweet by Ourblogtemplates.com 2009

Back to TOP