مبارك و بوش و بلير

>> 06 August 2008

مبارك عزم بوش وبلير على رحلة باليخت بتاعه فى شرم الشيخ , وهما بيصطادوا والجو بديع , وقعت الساعة بتاعة بوش فى الميه , بوش زعل وقلب وشه , نادى على عسكرى فحل كده من بتوع المارينز : يا مايكل , تعالى انزل هاتلى الساعه اللى وقعت دى .


مايكل قاله : لالالا , ما قدرش , دى ميه عميقه واغرق فيها , انا عندى عيال عايز اربيهم .


طبعا بوش اتنيلت حالته اكتر وزعل ....


بلير طبعا مش هايسكت , قاله ولا تزعل يا صاحبى , نادى على عسكرى تور كده من بتوع الحرس الملكى , يا جون , تعالى انزل الميه هات الساعه بتاعة عمك بوش .


جون قاله : لالالا , ماقدرش , الميه مليانه سمك قرش وانا عندى عيال عايز اربيهم .


طبعا بلير اتكسف وبوش حالته بقيت اسوأ من الاول ....


مبارك قاعد بيتفرج عليهم وبيضحك , قالهم انتوا تاعبين نفسكم ليه ؟ ثانية واحدة بس ...


نادى على عسكرى امن مركزى : انتا يالا , خد تعالى هنا .....


العسكرى جه جرى , من غير ما يستنى امر , نط فى الميه نطه رهيبة , غطس جاب الساعه وطلع زى الدرفيل , حاجه مش معقوله !!!


طبعا بوش وبلير استغربوا اوى من المنظر ده !!!!


نادوا على العسكرى , قالولوه انتا ازاى تنزل فى الميه الغريقه اللى مليانه وحوش من غير خوف كده يا بنى ؟


قالهم : يا بهوات , انا عندى عيال عايز اربيهم .....


0 comments:

Post a Comment

Every post represents my opinions when I wrote it, but not necessary now!
كل مقال يعبر عن آرائى فى تاريخ كتابته، و ليس بالضرورة عن أرائى حاليا

  © Blogger template Simple n' Sweet by Ourblogtemplates.com 2009

Back to TOP