طريقة تسريب أمتحانات الثانوية العامة

>> 14 July 2008


بما أن نتيجة الثانوية العامة فاضلها كام يوم و تطلع ، و معظم الناس عرفت النتيجة عن طريق التسريب من خلال موظفين الكونترول ، فأنا حبيت أكتب عن طريقة تسريب الأمتحانات ، و الطريقة دى متسربة برضة من مدير أدارة تعليمية عندنا فى الصعيد

بكل بساطة ظرف الأمتحانات بيوصل الأدارة قبل الأمتحان بمدة ( 24 ساعة على الأقل ) ، و بيبقى فى عهدة مدير الأدارة التعليمية .... الأمتحانات بتبقى فى أظرف مستطيلة .... يروح سيادة المدير بكل بساطة يجيب ظرف من أظرف الأمتحانات ، و بموس صغير يفتح الظرف عند الكورنر فتحة صغيرة فى حدود 2 سنتيمتر .... بعد كدة يجيب قلم رصاص رفيع ، و يغرقة صمغ .... و بعد كدة يدخل القلم الرصاص فى الفتحة اللى فتحها ... القلم كدة هايبقى فوق أول ورقة ، يروح يضغط بالقلم على الورقة علشان يلزق فيها ... و بعد كدة يلف القلم حوالين نفسة ، فتروح ورقة الأمتحان تتلف حوالين القلم ... بعد ما الورقة كلها تتلف حوالين القلم يروح ساحبها و فاردها ، و مش هايكون باظ منها غير أول سنتى اللى هو أساسا بيبقى هامش و مفيش فية أى كلام

بصراحة نظام الثانوية العايمة أو الثانوية البامية أول مرة يبقى فية الأستعباط بالشكل دة .... يعنى هى الأمتحانات طول عمرها بتتسرب ، و لو حد فيكم سأل والدة ممكن يقولة أنة فى الفترة من 67 لحد 73 كانت الأذاعة الأسرائيلية بتذيع الأمتحان ليلة الأمتحان بالليل .... بس دة الموساد مش أى حد يعنى .... لكن السنادى أمتحان الثانوية العامة بقى بيتباع عند البقالين و بياعين الجرايد و فى الطوابين ، و بكام ؟ ب 200 أو 300 جنية بالكتير .... و الأظرف من كدة أن الأساتذة اللى بيراقبوا على اللجان كانوا بيتغاظوا و هما شايفين الطلبة جايين الأمتحان الصبح و هما معاهم نسخة من الأمتحان

مش فاهم هما عايزين أية ؟؟ .... أمتحانات صعبة تعجيزية لدرجة أن فية لجان كان المراقبين جوا اللجنة بيتصلوا بالمدرسين علشان يجاوبوا على الأسئلة للطلبة ، و مع ذلك المدرسين مش بيعرفوا .... و فى نفس الوقت تسريب الأمتحانات بالطريقة الهبلة دى ... كأنهم بالظبط عايزين يكرهوا الناس فى نظام الثانوية العامة علشان محدش يعترض لما يغيروة .... أنا شخصيا مع تغيير نظام الثانوية العامة ، بس موافقش على اللى بيحصل فى الناس دلوقتى .... عايزين يغيروا نظام الثانوية العامة يغيروة ، بس من غير ما يطلعوا عين الناس بالشكل دة

9 comments:

abdul 17/07/2008, 18:13  

يا عم مايكل انا امتحنت ن 3 شهور بالانترنت لشهادة مهنية فى احد مراكز الامتحانات المعتمدة وكان الامتحان عن طريق النت وكان 200 سؤال وكل سؤال له اربع اجابات ( اختيارى يعنى ) ومدته اريع ساعات ولا ورق ولا تسريب ولا بامبرز يحميك من التسريب ولا كوافيل ..الناس اللى بره سبقونا بسنة ضوئية على الاقل واحنا لسه بيمتحنوا اولاد على ورق .

Maikel Nabil Sanad مايكل نبيل سند 20/07/2008, 19:15  

الأمتحانات على الورق طريقة بتساعد على تسريب الأمتحانات ، و التلاعب بدرجات الممتحنين ، يعنى بيتفرق بين أولاد البطة البيضة و أولاد البطة السودة ، و الكلام دة مصدر لأكل العيش ، عايزهم يلغوها أزاى ؟

Lady of Shadow 22/07/2008, 14:08  

الامتحانات صارت منفرة بحق فأخي من المتفوقين وبسبب الرياضيات حصل على 82% في المرحلة الأولى
لن أقول سوى حسبي الله ونعم الوكيل

أسامة,  29/07/2008, 20:36  

نظام تعليم فاشل بالكامل
أنا لسه مخلص هندسة والحمد لله ، ومش قادر أوصفلك ازاي معايا في الكلية ناس ضايعة ومايعرفوش أي حاجة عن أي حاجة
وسبحان الله هايخلصوا ويبقوا مهندسين ،
وخلي العمارات تقع على دماغ الناس
مشكلة التعليم عندنا انهم بيتعاملوا معاه بأسلوب الترقيع
يلاقوا حاجة بايظة يحاولوا يصلحوها ، ومش واخدين بالهم ان النظام نفسه فاشل ولازم كله يتغير

شكرا يا مايكل

Maikel Nabil Sanad مايكل نبيل سند 30/07/2008, 04:50  

عزيزى / أسامة
عجبنى جدا كلامك عن الترقيع
فعلا حاجات كتيرة فى مصر محتاجة تتغير كلها من أولها لآخرها ... مش بس التعليم ، لا دة الدستور و النظام السياسى و حاجات كتيرة محتاجة تتغير كلها

الترقيع دايما بيقوم بية اللى عندة مصلحة من أستمرار النظام القديم ، أو اللى معندهوش الجراءة أن يستخدم الشئ الجديد

تحياتى

Ragab Kamal 15/12/2015, 09:49  


شركة تنظيف بالطائف
شركة تنظيف فلل بالطائف
شركة تنظيف شقق بالطائف
شركة تنظيف مجالس بالطائف
شركة تنظيف واجهات بالطائف
شركة كشف تسربات المياه بالطائف
شركة كشف تسربات بالطائف
شركة عزل خزانات بالطائف
شركة مكافحة حشرات بالطائف
شركة رش مبيدات بالطائف
شركة نقل اثاث بالطائف
شركة تسليك مجارى بالطائف


شركة تنظيف بجازان
شركة تنظيف فلل بجازان
شركة تنظيف شقق بجازان
شركة تنظيف مجالس بجازان
شركة تنظيف واجهات بجازان
شركة كشف تسربات المياه بجازان
شركة كشف تسربات بجازان
شركة عزل خزانات بجازان
شركة مكافحة حشرات بجازان
شركة رش مبيدات بجازان
شركة نقل اثاث بجازان
شركة تسليك مجارى بجازان


شركة تنظيف بحائل
شركة تنظيف فلل بحائل
شركة تنظيف شقق بحائل
شركة تنظيف مجالس بحائل
شركة تنظيف واجهات بحائل
شركة كشف تسربات المياه بحائل
شركة كشف تسربات بحائل
شركة عزل خزانات بحائل
شركة مكافحة حشرات بحائل
شركة رش مبيدات بحائل
شركة نقل اثاث بحائل
شركة تسليك مجارى بحائل




Post a Comment

Every post represents my opinions when I wrote it, but not necessary now!
كل مقال يعبر عن آرائى فى تاريخ كتابته، و ليس بالضرورة عن أرائى حاليا

  © Blogger template Simple n' Sweet by Ourblogtemplates.com 2009

Back to TOP