عايز جنية علشان أروح مصر

>> 09 July 2008


النهاردة كنت ماشى فى حتة مقطوعة ... و الدنيا كلها حواليا ضلمة .... و الظاهر أنى هدومى كانت مكوية ، و على غير العادة شكلى محترم حبتين ... المهم ، و أنا ماشى عدى جنبى واحد راكب عجلة ، و لما شافنى راح نازل و ندة على .... فكرتة بيسأل على عنوان ... دة الحوار اللى حصل بيننا .... اللى بين الأقواس دى تعليقاتى أنا

هو : أنت أسمك أية ؟
أنا : حضرتك عايز أية ؟
هو : أيوة بس قوللى أنت أسمك أية ؟
أنا : حضرتك عايز أية بالظبط ؟
هو : طيب قوللى أسمك
أنا : محمد ( مش هقوللة أسمى الحقيقى طبعا )
هو : عاشت الأسامى يا محمد ... أهة خسرت حاجة لما قلت أسمك .... أنت بقى فى كلية أية ؟
أنا : أنت مالكش دعوة ، أنت عايز أية بالظبط ؟
هو : يعنى يا محمد أحنا أخوات ، يمكن نختلف فى الدين ، بس برضة أخوات ، و أنا كنت عايز جنية واحد علشان مسافر مصر ( بجنية واحد بس هيسافر مصر ، طب أزااااااى ؟ )
أنا : أنا آسف ( أنا أساسا ضد حرفة التسول ، و شايف أن مساعدة المتسولين تشجيع ليهم على أحتراف المهنة دى )
هو : ( زعق بصوت عالى ) يعنى أية أنا آسف ؟ أصرفها منين آسف دى ؟ ( طيب و أنا مالى بيك ؟ هو أنا مجبر أنى أسلف سيادتك ؟ )
تجاهلتة و مشيت و سمعتة و هو بيقول : شباب بنت ش***** عايزة حرقها بالجاز ( أنا اللى شيلت الشتيمة ، مش الموقع اللى شالها )

تعليقات على السريع
- لو كان واحد مسلم هو اللى حكالى القصة دى كنت قلت علية متطرف و بيطلع أشاعات على المسيحيين علشان بيكرههم ... لكن لما أتحطيت أنا فى الموقف الموضوع بقى لية طعم تانى
- الأظرف من كدة أن دة مش أول موقف بالشكل دة معايا
- الكلام دة طبعا بأفتراض أننا مش حاطين فى حساباتنا نظرية المؤامرة

1 comments:

Anonymous,  15/07/2008, 01:49  

أنا أري أن كل ديانة بها الكويس و الوحش ولكل قاعدة شواذ وبعدين دة شغل نصب ملهوش علاقة بالدين

Post a Comment

Every post represents my opinions when I wrote it, but not necessary now!
كل مقال يعبر عن آرائى فى تاريخ كتابته، و ليس بالضرورة عن أرائى حاليا

  © Blogger template Simple n' Sweet by Ourblogtemplates.com 2009

Back to TOP