و تتوالى فضائح التليفزيون المصرى

>> 23 February 2008


مش من عادتى أنى أحضر التليفزيون .... يعنى بحكم أننا معندناش دش فبالتالى معندناش غير القنوات المصرية بتاعة الحكومة ، و أنا شخصيا مش بثق فى حيادية القنوات دى اللى كل همها أنها تأكد أى حاجة على مزاج الحكومة و تنفى أى شئ مش على كيفها .... المهم ، يوم الجمعة اللى فات اللى كان 22 فبراير 2008 حصلت أزمة كبيرة جدا ... أية هى ؟ .... النت فصل من عندى فى البيت حوالى 6 ساعات ... أنا بقى قعدت مملول و مش عارف أعمل أية .... و أنا قاعد بصيت فى الساعة لقيتها الساعة 9 بالليل ، فقلت أقوم أحضر نشرة الأخبار و أشوف بيقولوا أية
فى وسط النشرة كان فية تقرير عن مؤتمر بينظمة الأزهر فى ماليزيا و كان حاضرة فضيلة شيخ الأزهر و وزير الأوقاف ، و فى آخر التقرير حب المراسل أنة يستظرف فراح قايل " أن التجربة الماليزية تثبت أن الأسلام دين و دولة ، و ليس كما يقولون أعط مالقيصر لقيصر و مالله لله " .... طبعا النص الأولانى من الجملة دة مصيبة لأن قصة الأسلام دين و دولة دة موقف مدرسة معينة فى الأسلام و مش موقف المسلمين كلهم ، و أنا معرفش مين اللى عطى المزيع دة الصلاحية أنة يتكلم بالنيابة عن الأسلام .... أما النص التانى من الجملة فهى آية من أنجيل المسيحيين .... يعنى أنا هكتفى بتوجية شوية أسئلة للسيد وزير الأعلام و للسيد رئيس الوزراء رضى الله عنهم و عن آلهم و صحبهم إلى يوم الدين
1- ما الداعى للزج بآية مسيحية فى تقرير أعلامى دون داعى ، و دون أن يكون للمسيحية أو لكتابها المقدس أى طرف فى موضوع التقرير ؟ و إلى متى سنظل نستمع للعبارات العنصرية و السخرية من الأديان الأخرى فى أعلامنا الوطنى الذى يتم تمويلة من ضرائب المصريين مسيحيين و يهود و بهائيين و لادينيين ؟
2- من الذى أعطى المذيع أحقية الحديث بأسم الأسلام ؟ و كلنا يعلم الفارق المهول بين تعبير الأسلام و المسلمين ، فأذا كان الحديث بأسم المسلمين يستوجب تفويضا من جميع المسلمين ، فيكون الحديث بأسم الأسلام يفترض تفويضا من صاحب الأسلام و منزلة
3- فى مؤتمر دافوس الأقتصادى الذى عقد فى مصر منذ عامين صرح السيد / أحمد نظيف أن مصر دولة عالمانية ، و سؤالى : هل السيد أحمد نظيف رئيس حكومة يحترم تصريحاتة ؟ أم أنة رئيس عصابة وظيفتها النصب على المجتمع الدولى و التحايل عليهم لإظهار صورة لمصر تختلف عن صورتها الحقيقية ؟
4- هل من حق الحكومة التى أتت ألينا بأنتخابات مزيفة أن تأخذ أموال ضرائبنا لتستخدمها فى خدمة أجندات طائفية و عنصرية تخدم أهدافها وحدها هى و الجماعات الفاشية الأرهابية ، مع أن المفروض أن أموال الضرائب يجب أن تستخدم فيما يعود بالفائدة على الشعب المصرى كلة بلا تمييز أو عنصرية ؟

أسئلة حائرة موجهة لأشخاص لا أتوقع أن يفهمونها

2 comments:

ذو النون المصري 05/03/2008, 20:31  

يا سيد مايكل
لا يوجد الان ممن يتحدثون باسم الاسلام من اخذ تصريحا من احد
اسهل شيء الان ان تتحدث باسم الاسلام او العروبه او القوميه او غيرها من المصطلحات التي اعتنقناها لفترات طويله
حتي الناصريه و غيرها
يعني اخينا المتحدث هذا تحدث بما لا يعرف له عني اصلا و اكيد انت عارف كده
و هو نفسه ممكن يتكلم عن الاخوان في موضع اخر فينكر قولهم ان الاسلام دين و دوله و قد يستشهد باية الانجيل نفسها لتبرير موقفه
كل حاجه عندنا الان اصبحت صابون

Anonymous,  01/04/2008, 23:02  

3la fekra ana mesh shayef enak gamed awe keda wla 7ga ,mesh 3ayzak t2ol enak ma2oltesh enak gamed ...... bla ..bla..bla el mohem ana shayef enak 7alyan ensan mol7ed (atheist), kman modmen internet , dah kfaya enoh y7'alene (feel sorry 4 u ) 3la fekra ana christian men masr , ana mesh lazem a7eb el moslmen ,mesh lazem bardo el moslmen y7bo el mse7en ,... mesh lazem el y7bo el yahood ,aw el yahood y7bo el moslmen ,wat ever 3lshan e7na bashar wel bashar bykrahoo
bas 3aref emmta el ensan by7eb kol el nas lamma be2bal rabena fe 2alboh( be2bal el ro7 elkodos)
3moman an bash3or bel asaf el shaded 3aliak , ya reat tet3aleg
at last
sorry mesh syadtak ele hat3'ayar el kon 3aref leah la2noh keda keda byt3'ayar 3aref leah because GOD EXISTS IF U WANT OR NOT لان ربنا موجود إن شئت ام ابيت

Post a Comment

Every post represents my opinions when I wrote it, but not necessary now!
كل مقال يعبر عن آرائى فى تاريخ كتابته، و ليس بالضرورة عن أرائى حاليا

  © Blogger template Simple n' Sweet by Ourblogtemplates.com 2009

Back to TOP