رمضان شهر الأحزان

>> 12 September 2007


غدا يبدأ شهر رمضان .... وصلتنى على الأيميل أمساكية فيها مواعيد الإمساك و الصلاة للشهر القادم ( مش عارف هعمل بيها أية ؟ و مين البارد اللى بيبعتها لواحد أسمة مايكل ؟ ) .... و أمتلأ بريدى الألكترونى برسائل الجروبات العلمانية , حيث يقوم النشطاء المسيحيين بتهنئة زملائهم المسلمين بحلول هذا الشهر الذى لة فى قلوب أخوتنا المسلمين منزلة كبيرة .... طبعا أنا أتمنى للمسلمين جميعا شهرا سعيدا و أتمنى أن يأتى رمضان القادم و يكون فية المسلمين جميعا فى أوضاع أفضل حضاريا و ثقافيا و أنسانيا و آدميا و أقتصاديا و أجتماعيا .... و لكنى من حقى أن أعبر بصراحة عن مشاعرى تجاة هذا الشهر ... بصراحة شديدة جدا , أنا أحزن لقدوم شهر رمضان و أتضايق طول فترتة و أفرح بشدة مع أنتهائة , فهذا الشهر - و بكل أسف - أرتبط فى عقلى الباطن و الظاهر و ما بينهما بالكثير من ممارسات الظلم و الطغيان و أضطهاد الآخر ... و أصبح فى ذهنى الشهر الذى يفرغ فية المتطرفين من المسلمين ساديتهم فى كل من يختلف معهم
- شهر رمضان هو الشهر الذى يتم فية كروتة الأعمال فى المصالح الحكومية و الجامعات , و طظ فى التعليم و الأقتصاد و التطور و الدنيا كلها , و كلة بثوابة .... ما هو كتر خيرنا , هنشتغل أزاى و أحنا صايمين ؟
- شهر رمضان هو الوقت الذى تتفضل فية أدارة كليتنا مشكورة بأغلاق الكافيتيريا و أغلاق كولديرات المياة الباردة , و كأنة ليس من حق غير المسلمين أن يشربوا و يأكلوا طالما أن سيادة المسلمين صائمون
- شهر رمضان هو الشهر الذى تجد العيون كلها تكأد تأكلك بنظرات نارية أذا تجرأت و أكلت فى النهار , أو أذا دخلت مطعم و طلبت طعاما
- شهر رمضان هو الشهر الذى لا يسلم فية مطعم الجامعة غذاء المسيحيين فى موعدة , و يجبرهم على الأنتظار حتى موعد إفطار المسلمين .... يعنى بالعافية ضرورى تصوم طالما أحنا صايمين , و حتى لو كنت أنت بتصوم 6 شهور فى السنة و الدولة مش بتراعى صيامك فى الأكل اللى بتقدمة المدينة الجامعية
- شهر رمضان هو الشهر الوحيد الذى أمد فية يدى بالسلام نحو بعض زملائى المسلمين , فأفاجئ بأنهم يتجاهلوننى و يتصنعون عدم رؤية يدى الممدودة للسلام .... ماذا يريدون منى أذا كانوا يرفضون يد السلام الممدودة ؟
- شهر رمضان هو شهر المسلسلات التى تهين عقائد غير المسلمين .... شهر أوان الورد , و الشمس تشرق نحو الشرق , و فارس بلا جواد .... شهر أستباحة مقدسات الغير فى الأعلام الحكومى و المساجد و المنشورات و حتى على ألسنة المصريين البسطاء اللى ميعرفوش الألف من كوز الذرة
- شهر رمضان هو شهر الفرقعات الأعلامية و أستغلال المشاعر الدينية لدى المواطنين البسطاء للحصول على مصالح شخصية .... شهر الأعتراض على أى كاريكاتير و أى مسرحية و أى رواية .... شهر المقاطعة و التهديد بالأنعزال الثقافى و الحضارى عن الغرب ... شهر " طظ فى الحضارة طالما مش هيحترموا مقدساتنا " .... شهر ضرب الكنائس و أختفاء الفتيات ( حتى لو كانوا رايحين بمزاجهم , لكن الناس بتحب الفرقعة فى رمضان ) .... الناس التانية بتعيد بالبمب و البالونات و أحنا بنعيد بالبشر
- شهر رمضان هو الشهر الذى تسمع فية لفظة كافر توجة للمسلمين أنفسهم بخلاف باقى السنة التى توجة فيها هذة اللفظة لغير المسلمين .... فمجرد أن يضع المسلم طعاما فى فمة أثناء وقت الصيام حتى ترشقة تلك الكلمة دون أى مراعاة لمشاعرة أمام الجميع , و الأسفل من هذا أن الكلمة قد تأتية من شخص قد شرب سيجارة لتوة داخل دورة مياة محجوبا عن العيون و لا يدرى أن رائحة فمة تفضحة و أن من حولة لرقة مشاعرهم لم يعاملوة بالطريقة التى يعامل بها غيرة
- شهر رمضان هو الذى يشعرك فعلا أنك تعيش فى دولة دينية و ليست مدنية , فالجميع يتحولون لشخصيات دينية يصلون و يتصاومون و كل شخص يمسك بالقرآن مفتوحا فى الأتوبيسات و الجامعات و المصالح الحكومية , و كأننا فى دير رهبان كل من فية أعتزل الحياة الدنيا و نذر نفسة للعبادة .... أبحث عن المواطنين المدنيين الذين لم يطلقوا الأرض و ما فيها , أبحث عمن لازال يهتم بالعلم و الحاضر و المستقبل , عمن يهتم بالحياة و ليس الموت , بهذة الحياة و ليس الأخرى , بالأنتاج و ليس الأستهلاك , بالتفاعل و الحوار و ليس المقاطعة .... أبحث فلا أجد .... طلقوا الدنيا ثلاثا من أجل الآخرة .... و ليتهم بقوا مغيبين كما هم , و ليتهم أنصرفوا إلى دير أو إلى مرقد ولى .... بل بقوا فى مناصبهم يفجرون الدنيا ليفوزوا بالآخرة .... يفجرون الدنيا كلها و ليس نفوسهم فقط
أخى الأنسان معتنق الأسلام .... أنا لا أرنو إلى تعكير هذا الشهر عليك , و لا أسعى إلى إلغاء هذا الشهر , و لا يخصنى ما تفعلة فى هذا الشهر أو فى غيرة , فأنت حر فى نفسك تفعل بها ما تشاء .... لكن من فضلك أترك غير المسلمين فى حالهم ... أترك من لا يرغب فى الصوم فى حالة ... أترك مواعيد العمل الحكومى كما هى ... أترك لنا الماء لنشرب ... أنت لا تريد أن تتعلم , فهذا حقك , و لكن لا تغلق التعليم كلة ليساير هواك .... تريد أن تتفرغ للصلاة , خذ اجازة , و هناك غيرك آلاف يتمنون أن تتوفر لهم فرصة العمل و لو لمدة هذا الشهر فقط .... تريد أن تصلى و تتعبد , حقك و لكن لا تزدرى بعقائد الآخرين .... تحرص على مقدساتك و لا يعيب عليك أحد ذلك , و لكن أن تفصل الدولة بكل من فيها عن الغرب و الحضارة من أجل مقدساتك الشخصية التى هى ليست بالضرورة مقدسة عند غيرك فهذا هو الظلم بعينة

21 comments:

Anonymous,  15/09/2007, 03:11  

اللاستاذ مايكل نبيل

في الحقيقة عجبتني رسالتك لانه ان دلت على شئ فهي تدل على عتابك وليس حقد والعياذ بالله ان كنت ممنوع من الاكل امام المسلمين والشرب امهم فهذا لطف منك ويدل على مستواك الثقافي واقول لك بأنه قرأت بالامس انه يوجد بكثير من كليات ومعاهد امريكية يوما يتبرع فيه غير المسلمين ليصوموا لما للصوم من فوائد اثبتها علماء غير مسلمين وايضا اثبت العلم فوائد الوضوء من نظافة وخلافه وكثير من الاشياء نحن ليس بصدد الحديث عنها.

ولا اخفيك سرا واللهي كان لنا اسرة صديقة مسيحية كانوا يفرحوا بقدوم هذا الشهر وكنا نفطر معا وكنت الاحظ فرحتهم به احيانا اكتر مننا ولا يمكن ان نجرحهم ونخبرهم بذللك احتراما للمشاعر

اما ان يتعطل كل شئ من كل او بعض المسلين فهذا حال الجميع انا اؤيدك في هذه السلبيات ولكن ليس هذا من الدين في شئ وايضا لا تنظر يا استاذ مايكل الى افعال المسلمين ولكن انظر للاسلام فهو دين الرحمة والعدل وان اختفوا انظر لعبادة الله الواحد الاحد الهي والهك وان اختفلت المذاهب فلكم دينكم ولي دين

تأتي اعيادكم نحتفل بها معكم ونهنئكم بها ولا يضلكم من ضل اذا اهتديتم

انا ان مد يدك لاحد بالسلام ولا يبادلك فهذا ليس من الدين من شئ ديننا لا يحث على ذلك

المسلمين والمسيحيين ابناء هذا الوطن ومن قال غير ذل فليتحمل وزره

اذا اردت مراسلتي على walid_eg_us@yahoo.com

Anonymous,  15/09/2007, 10:11  

الاستاذ مايكل ,, اولا انا لا اجد عجبا في ان يصلك العشرات او المئات من رسائل التي تحوي امساكبة رمضان فهذا ان دل فانه يدل علي ان انظام الذي يرسل الرسائل نظام اتوماتيكي وليس مغذي بالمعلومات عن اسماء المسلمبين او المسحيين ,,

ثانيا لاحظت في كلامك انك لم تذكر اي من الاشياء التي يفعلها المسحيون ولا يراعوا مشاعر المسلمين ابدا ,, في رمضان الم تلاحظ يا استاذي الفاضل ان نساؤكم تتبرج تبرج لا تتبرجه في غير رمضان مما يدل انه عن قصد لاثارة وفتنة المسلمين الصائمون ,, وفي غير رمضان تجد الفتاه منهن اقل حسنا من القرد ,, الم تلاحظ هذا ام انك تلاحظ فقط ما يفعله المسلمين ,,

الم تلاحظ نه في رمضان وفي الجامعة ايضا تجد ان بعض الشباب المسيحي يدخن السجائر علنا وغير معتن بزملائه من المسلمين او حتي من غير المدخنين ,,

ولذا فانا لا اجد من الموضوع حرجا ان تتلقي امساكيات رمضان ,, انما اللي اقصد اقولهولك ,, اللي بيته من زجاج ميحدفش الناس بالطوب

واخيرا انت ليه زعلان ان الناس ساعات بتقول اننا صايمين ما انت نفسك دلوقتي لسه حالا مصرخ وقايل ان احنا بنصوم ستة شهور في السنة ,,, فاذا كنت متضايق متصومش يا سيدي علشان تبقي تمام ومتتحوجش لحد ولا ايه ,,

وبعدين اشمعني المسلسلات اللي مش بتعبر الا عن راي اللي كاتبها هيه اللي انت مسكت فيها ما تشوف ان يوم عيد القيامة بقي اجازة رسمية في الدولة ’’ وتشوف ان انتوا مش بتشتغلوا في ايام الاعياد بتاعننا اقصد المسلمين طبعا اللي انا اتشرف اني منهم ولله الحمد وليه مذكرتش ان المسحيين في مصر اكتر ناس بتاخد اجازات ’’ ليه مقلتهاش دي ,, ليه مقلتش ان لو الواحد منكم عنده امتحان في عيد من اعياده ممكن يتاجل ليه هوه وحده دون عن زمايله المسلمين ,, ولا انت بتدعي التراحم والتواصل مع المسلمين وانت مش طايقهم لان باطن كلامك بتقول كده انما اعتقد بعد الكسفة اللي المفروض انت فيها يبقي خلاص تبطل كلام علي المسلمين ولو عاوز ترد رد وان شاء الله كسفتك المرة الجاية حتكون اكبر واكبر وجرب وانت تشوف.

ثم احب اقولك ان المسلمين في رمضان او في غير رمضان مش ممكن يكونوا زي اللي في الاديرة لان الموضوع ببساطة الناس اللي في الاديرة لا بتراعي حرمة مكان ولا منصب وبتنتهك الاعراض والسوابق معروفة ليك وللجميع ,, فبلاش موضوع الاديرة ده لانه مش شريف خالص ,,

محمد 15/09/2007, 11:35  

يا استاذ مايكل
احب اقولك ان الاسلام دين تسامح و حبو ان شهر رمضان من افضل شهور السنة لان فيها بتقيد الشياطين و تفتح ابواب الجنة و طبعا ده للمسلمن المؤمنين بالله مش للحاقدين و غير المسلمين
و طبعا انت عارف اقصد مين المهم ني عايز اقولك انك لو شوفت واح مسلم غلط في رمضان فهو مش عينة لكل المسلمين و لكن ده واح وحش من مليون كويسين يعرفوا ربهم
لكن العكس لو شوفتوا نفسكم هتلاقوا فيكمواحد كويس وسط مليون وحشين وحتي الكويس فهو في الظاهر بس لكن جواه حقد وغباء الدنيا و ده طبعكم كلكملكن الحقيقة يا مايكل عايز اقولك حاجةانك زعلان ان حد بعتلك امساكية رغم ان اسمك مايكل علي الاقل هو بعتلك شئ جميل يمكن ربنا يهديك بيه لكن في كتير منكم او بالتحديد كلكم بتبعتوا المسخر و قلة الادب و العري و الاباحية و بترخصوا نفسكم و نسوانكم علشان تفطروا واحد صايم
وطبعاا انت عارف ده كويس يبقي مين الاحسن اللي بيديك كلمة كوية ولا اللي نفسة يخنقك المهم اني بقولك مالكش دعوة بالاسلام و لا رمضان لانك جاهل بكل شيء والجاهل ملهوش سلطة الحكم وطبعا الجهل و الحقد مش جديد عليكم يا غير المسلمين

Anonymous,  15/09/2007, 18:34  

الاستاذ مايكل

شكرا على رسالة شكرك واطلب من الاخين المدونين ملاحظاتهم ان يراسلوني على ايميلي الخاص walid_eg_us@yahoo.com في الحقيقة وصلتني معلومة عن عالمة فضاء واسمها sunita williams بانها اسلمت بعدما رجعت من رحلة الفضاء ورأت بنفسها وما لا يمكن تصديقه ان الارض بالكامل معتمة الا مكانين فقط وهما الحرم المكي والحرم المدني مضيئين فقررت بعد رجوعها الاسلام صدقني دي مش اوهام كما يدعي البعض ان المسلمون متوهمون وبأن كل شئ توهم واليك ايضا الكثير مما اسلموا بعدما اثبتوا بأنفسهم صحة هذا الدين لا يأتيه من بين يديه انا لست في مجال دعوي ولكن اقولك يا مايكل بأن ديننا هو دين تسامح ورحمة وقد سألت احد القسيسين عن الانجيل ان كان كلام الله فأجاب بأنه ليس كلام الله ولكن ما تم تدوينة بعد 400 سنة من الميلاد وان كل واحد مما كتب على حسب ما يوحى اليه انا اشكك في عقيدتك ولكن ابين فقط وجهة نظر ثم ان المسيح عيسى بن مريم له عند المسلمين مكنة مثل باقي الانبياء والرسل وسوف يرجع ويؤمن بما انزل على محمد صلى الله عليه وسلم وايضا اذكرك بان ديننا يقول لكم دينكم ولي دين وايضا لا يضلكم من ضل اذا اهتديتم وشكرا

walid_eg_us@yahoo.com

Anonymous,  15/09/2007, 19:11  

مايكل ........ اسمح لى اقولك ميكى

ليس لدى تعليق على كلامك
لانه بصراحة ما لهوش لازمة
بس احب اقول لك حاجة مهمة .... انا مسلم و موحد بالله و لى زملاء كثيرين نصارى و متدينين جداً و يواظبوا على الذهاب الى الكنائس و لم يحاول احدهم ان يقول شئ مما قلته انت ........ اتدرى لماذا ؟؟؟؟؟؟؟؟
احد الامرين سيكون صحيحاً إن لم يكن كلاهما :-
الاول :- انهم اكثر تديناً منك و اكثر فهماً منك لواقع الحياة فى مصر و التى تعايش فيها الملسمون و النصارى قرابة 1400 عام فى سلام و تآخى
الثانى :- أنك لا تعى شيئاً مما كتبت و انك تنقل كلام مشوه اشم فى رائحته اسلوب غير المصريين و غير المحبين لمصر ...... نعم انا اتهمك بنشر الفوضى و التطرف الفكرى و العقائدى و محاولة نشر الدسائس و الفتن فى بلادنا العزيزة مصر .... حماها الله من امثالك ..... بصراحة هناك الكثيرين من امثالك يهدفون الى تفكيك روابط هذه البلاد و يسعون فى الارض فساداً

قبل الختام ..... اتمنى ان تعيد حساباتك و تسأل اجدادك كيف تعايشوا مع جيرانهم المسلمين فى عصور الاحتلال و حرب 67 و حرب 73 و ستعرف الحقيقة الغائبة عنك ....... اتمنى ان تبحث عن نفسك وسط اهل مصر الشرفاء و لا تتلقى تعليمات من المخربين المفرقين ممن يدسوا مثل تلك الافكار الهدامة

رمضان سعيد على كل العالم الاسلامى و غير الاسلامى ...... اللهم اهدى مايكل و من اشار عليه بكتابة مثل ذاك المقال ..... آمين

Anonymous,  15/09/2007, 23:53  

سيد مايكل
في الحقيقه كلامك كتييير فرحني لانو ان دل على شيء فانما يدل على ان دين الاسلام وهو دين الحق من الله تعالا بات اكثر انتشارا وانو كل سنه بتيجي بيكون الاسلام في صحه اكتر من السنه الي قبلها وهذا ما يغيض غير المسلمون في كل العالم والي بيحاربونا بكل الطرق الممكنه حتى ديننا ما يكبرش ولكن الله سوف يعلي كلمته رغما عن انوفهم والدليل انك شايف صيام رمضان والي مذكور في القران في سوره واحد فقط في اربع ايات لما بييجي علينا بيمتثل كافه المسلمون في شتى انحاء العالم لهذه الكلمه من غير ما حد يجبرهم ولا عليهم اي رقيب بينما الدول الغربيه تحاول ان تمنع بعض العادات التي تضر بالمجتمعات باصدار القوانين ومراقبتها وتوظيف الكوادر من اجل تطبيقها ولا تنجح مثل منع الخمور والمخدرات وغيره وفي النهايه الحمد لله على نعمة الاسلام

watany 22/09/2007, 03:02  

الاخ العزيز مايكل
اوافقك تماما على كل ما قلت فبالفعل انا لا احب هذا الشهر على الاطلاق ، كل الاعمال والاشغال تتعطل وكل ما تتكلم مع اى شخص يقولك اللهم انى صائم ومش عارف ايه بجد انا كنت بشوف بنفسى فى الشغل ناس بتبقى بتشرب سجائر وشاى وبعد شويه تمسح بقها وتعمل نفسها صايمه ده غير بقى اللى يشغلك قرأن بصوت عالى عشان يسمع الناس وخصوصا المسيحين مع انه ممكن يشغله بصوت واطى برضه وها يسمع مع نفسه لكن ازاى لازم الناس كلها تعرف انه صايم ، اصل هو الموضوع موضوع مظهر ومفيش غير الايه الموجود فى الانجيل اللى ممكن تتقال فى الموقف ده :
" ومتى صمتم فلا تكونوا عابسين كالمرائين فإنهم يغيرون وجوههم لكى يظهروا للناس صائمين . الحق اقول لكم انهم قد استوفوا اجرهم واما انت فمتى صمت فإدهن رأسك واغسل وجهك لكى لا تظهر للناس صائما بل لأبيك الذى فى الخفاء فأبوك الذى يرى فى الخفاء يجازيك علانيه ".
يعنى اللى بيعمل شويه الحركات دى وما يرضاش يسلم على حد - والموقف حصل معايا فعلا وربنا يشهد على الكلام ده -واللى مش عاوز يتحرك وعامل فيها مرهق ده واحد عاوز ياخد مجد من الناس لكن يا حبيبى انت كده خلاص اخدت اللى انت عاوزه و ماتسألش على حاجه تانى انت بتعمل كده عشان الناس تقوللك برافو عليك ، شاطر
اما بقى موضوع قفل المطاعم والكافتيريات ف ده فعلا قمه قله الذوق وبرضه نفس الاسباب السخيفه
يا اخواننا اللى عاوز يصوم يصوم محدش قال لا انت حر لكن احترم مشاعر واحتياجات الاخرين , يعنى المسيحيين لما بيكونوا صايمين بيقفلوا المطاعم بتاعتهم ما اعتقدش هى حكايه غلاسه مش اكتر

Anonymous,  26/09/2007, 22:12  

رسالتى للأستاذ مايكل و الشىء الثانى اللى أسمه watany
عايز أقولكم أنتم اللى الأثنين بدون قلة أدب يعنى فى حاجه مهمه جدا أنتم ناسينه أنتم عايشين ى دوله مسلمه يعنى ممن الآخر لو انتم شايفين أننا كامسلمين ناس مش كويسين أتفضلو بره البلد من غير مطرود ولا أوقلك فى ستين داهيه أحنا ماايشرفناش أمثالكم من البقر يعيشو فى وسطنا لأنى اعرف مسيحين كتير جدا محترمين وأعرف بردو مسحين تانين قمه فى قلة الأدب
على سبيل المثال أنا طالب فى كلية الهندسة ماشى فى الكليه فى 5 يوم رمضان لقيت بنت مسيحيه كافره ىعده فى وسط الكليه وماسكه سيجاره فى غيدها وسانده على شاب زيها بردو ماتعرفش أن كان ولد ولا بنت من منظره المخنث وىعد بيشرب سيجاره ومنظرهم الأثنين يصيب بالقىء أنا مش عارف انتم عاملين شرفاء على إيه وأنتم معظمك مايعرفش عن دينه حاجه وبعدين احنا طول عمرنا بنحترمك وعمرنا ماهاجمناكم بالكلام أنتو ليهبتستفزونا مع أنكم اقليه فى بلدنا واللى عمرها ماهتكون بلد امثالكم فوقواااااا مصر دوله أسلاميه شئتم أم ابيتم
ياريت تكون الرساله وصلت ولو عندك اى كلمه راسلونى هنا
halet_hobe@hotmail.com

Anonymous,  28/09/2007, 05:55  

ألاسلام دين حق و ما تكتب عنه هو الرياء و الرياء من الكبائر في الاسلام اما عن أحوال البلد فهي لا تمت للمسلمين ولكن للعرب ز و السلام برئ من تلك الافعال ز لا نستطيع ان نحكم المسيحيه بانها عربده لان المسيحيون ينتهكون و يقتلون باسم المسيحيهز كيف تكتب عن الاسلام بالباطل و انت لا تعلم عنها شيئ و عن معانيها التي لا تامر بالرياء

Anonymous,  09/12/2007, 01:32  

شوف يا ميكي
انا علماني يعني لا مسلم ولا مسيحي
ولو سالتنى عن اهلي هم كانوا انجيلين
شوف انا اكتلر حاجة بتزعلني فعلا اني اشوف الكنيسة تخلت عن دورها في التربية الروحية وبقت تدخل في كل حاجة
بقت ناد ابوابها مفتوحة للبنات والشباب والعلاقات داخل الساحة
وانت عارف ممكن كون في اه في حجرة الاعتراف
شوف انا بازعل برضه لما اشوف الشاب الذي دعي العلمانية اول مايدخل رمضان يعمل فيها بيعرف ربنا
ويخفف من اللي بيعمله
طيب ده برضه نفاق

Anonymous,  17/12/2007, 20:46  

بسم الله الرحمن الرحيم
السلام عليكم ورحمة الله
أخى الفاضل يقول الله (لكم دينكم ولى دين) صدق الله العظيم
اذا كان لك رأى يخالف لشعائر دين مخالف لدينك فلا داعى لهذا الهجوم واعلم لنفسك ان علماء الطب فى امريكا واوروبا يعالجون مرضاهم (بالطريقة الشرقية) وهى الصيام واعلم ان فى الصيام
طاعة لله سبحانه وتعالى. وما من امر فية طاعة لله الا وفية نفع للعبد
واعلم انة يعلم الانسان الصبر على العطش والجوع وتحمل المصاعب ويشعر الانسان بشعور الفقراء والمحتاجين عندما يحرموا من الطعام والشراب.

وينمي (يزيد) الانضباط ومحاسبة الذات فيلتزم الصائم الأخلاق الحميدة.
يشعر الناس بالأخوة والتعاون والتكافل بين الأغنياء والفقراء في رمضان.
ولهذا فالمسلم على خلق لا يسب أحدا فى دينة وهذا ما افتقدتة انت فى حديثك
كما يجب عليك ان تعلم ان لا يوجد فى المسلمين متطرفين كما تفضلت علينا قائلا حيث ان المتطرف هو من يفرض راية على الناس بالقوة والمسلمين ليسوا هكذا
ولو كنت تتخيل كل من يطلق لحيتة متطرفا فانظرالى القساوسةهل هم متطرفين!!!!
تعرف على الفوائد الصحية للصوم يمكن تحتاجها يوم من الايام؟
أثبت الطب الحديث أن الصوم يريح المعدة وينظم عمل الجهاز الهضمي
ويخلص الجسم من الزوائد والسموم.
هذا إذا ما اتبع الصائم آداب الإفطار فتناول بعض التمر والماءأو الشوربة
والسلطة وارتاح قليلاً أو قام لصلاة المغرب ثم أتم تناول وجبته باعتدال ,
فلا يبالغ (أي يكثر) في طعامه أو شرابه.
والسلام عليكم ورحمة الله وبركاتة
م /محمد كرم

Anonymous,  04/02/2008, 01:24  

شوف يا عبد الصليب
روح اتنيل على عينك و شوف انت بتعبد ايه الاول بدل ما تتكلم على شهر رمضان المعظم يا كافر يا بن الكافر
انت بتبص على المسلمين فى رمضان
يا عم روح بص فى الكنايس بتاعتكم و انت تشوف الوثنية اللى على اصلها
لما انت فالح كده و بتفكر ما فكرتش انت بتعبد ايه يا متخلف يا عبد البابا شنودة

محـMoHaMeDـمد 16/02/2008, 01:40  

أعوذ بالله من الشيطان الرجيم
(وقد نزل عليكم في الكتاب ان اذا سمعتم ايات الله يكفر بها ويستهزا بها فلا تقعدوا معهم حتى يخوضوا في حديث غيره انكم اذا مثلهم ان الله جامع المنافقين والكافرين في جهنم جميعا ) سورة النساء - الآية 140

الآية واضحة لكل اخوانى المسلمين فأرجوكم محدش تاخده الحمية ويدخل يعلق ويدافع لأنكم كده بتعيروا أهمية لأشياء لا ترقى لمستوى إن الواحد يكلف نفسه بكتابة تعليق او رد عليها.
سيبوهم يموتوا بغيظهم مايستاهلوش نعبرهم بكلمة ومحدش يعمل نفسه هايهدى حد منهم بطريقته لأنكم عارفين انهم لن يرضوا عنا حتى نتبع ملتهم.
واى رد هايتكتب هايفرحهم لانهم هايشوفونا اتغظنا.
ارجو انكم تكونوا فهمتونى... وشكرا

ra2iak 2h group 27/03/2008, 19:03  

3ala fekra 27na fe koleyetna el cafee mabie2felsh we el koleya sha3'ala 3ady
we le3elmak bel nesba le seyamko ana leya so7ab mese7yeen keteer we mara fe 3eed melady gebt torta seyamy 3ashan kolena nakol
we ba3deen el seyam mesh mot3eb awy 3ashan law 7ad shafak yetdaye2 bel3aks ana 3an nafsy bafra7 la2en de 7asanat leya
moshkeltak 2enak malaksh so7ab muslims bgd law leek hatbatal tekteb el kalam dah

mohamed,  22/07/2010, 15:58  

انت يا مايكل انسان محترم وكلامك نبرته هادية جدا .. كلامك كلام عتاب مش حقد ولا غل


واللي عمالين يهاجمو بالشكل الغريب ده مظنش انهم ادو نفسهم فرصه يقرو ويفكرو فعلا .. دول اخدو بس الظاهر .. (الحق يا جدع ده واحد مسيحي بيقول كلام وحش عن رمضان!)


مع ان اي جوله في مدونتك تكشف فورا انتقادك الكبير جدا للمسيحية بنفس الاسلوب

انت محايد لا مع ده ولا مع ده



بس على فكرة الكافيتريا عندنا في الكلية - طب اسيوط - فاتحة عادي في رمضان والمسيحيين ماليينها اكل وشرب عادي جدا ولا فيها اي حاجة :)

Anonymous,  11/11/2010, 21:27  

يا جماعة ماتنسوش ان اللي كاتب المدونة ده ملحد و هو اللى مصرح بكده بنفسه..
بس مش عارف ليه بيقدم نفسه على انه مسيحي؟؟
أكيد ده شخص متناقض و مريض و من حقه يكتب اللى هو عايزه في مدونته ... بس انا شايف ان افكاره أتفه من انا تناقش

Anonymous,  07/01/2011, 01:01  

يا مايكل
مش معنى انه بتحصل سلبيات فى شهر رمضان يبقى ده يديك الحق انك تقول عليه شهر الاحزان لا طبعا لانى اللى بيحصل ده لا يمت للاسلام ولا للشهر الكريم بشئ

Anonymous,  04/09/2011, 03:03  

انا اول مره اقرأ اسم هذا الشخص ولم يلفت انتباهى اليه الا كون محطة فضائية كانت تناشد المجلس العسكرى الإفراج عن هذا الشخص وبدأت بالبحث عن قضيته ووجدت أنه مدون وللوهله الأولى من قراءتى لما يكتبه عرفت إنه انسان يريد زعزعه الثقه بين المسلمين والمسيحيين من خلال كتاباته وهذة المقاله هى واحده منهم وانا اقول له انت انسان قليل الأدب وغير محترم بالمره وكونك متضايق من شهر رمضان فى بلد اسلاميه فعليك بالرحيل منها غير مأسوف عليك فلا يشرفنا وجود مثلك بيننا انسان حاقد على نفسه قبل حقده على المسلمين وصدقنى ياساقط انت اقل من ان يعلق احد على اى مقالات بل تفاهاتك فكثير من الأخوة المسيحيين من تربوا معنا وفطروا على موائدنا فى شهر رمضان ولا أظن انك منهم لأنهم اناس محترمين وصدقنى سأنشر تلك تفاهاتك على الفيس بوك ليعلم كل متعاطف معك فى حبسك العسكرى انك انسان غير جدير باإحترام....

Muhamed ِAbd El Hamed El Qersh 18/05/2016, 07:15  

هل لديك ألكثير من العمل والقليل من الوقت؟ وأيضاً تريد منزلاً نظيفاً ، كيف يمكنك الحصول علي هذا؟
ألجواب هوا : إستأجار شركه تنظيف محترفه لتقم بهذا العمل عنك وتخافظ علي منزلك نظيفاً ولكن يجب عليك أن تكون حريص في إختيار ألشركة ألمناسبه ، إذا كنت انت من يقوم بالأعمال المنزليه والتنظيف دائماً ،أو هذه أول تجربه لك فى تعيين شركه لتنظيف منزلك ،إذاً إسأل اصدقائك ومعارفك الذين قاموا بإستخدام تلك الشركات والخدمات من قبل لتنظيف منازلهم ، أسال عن الشركة التي يفضلونها ، ألأسعار المتوقعه، ألمواد المستخدمه فى عمليه التنظيف ، وإلمده الزمنيه التي يأتي بها العمال الذين تعينهم الشركه لتنظيف منزلك. شركة تنظيف مساجد بالرياض


التواصل ع الشركة عبر الهاتف هوا أول خطوه تمكنك من معرفه إجابات لكل الأسئله ألتي تدور فى عقلك مثل:منذ متي والشركة تعمل في مجال التنظيف،هل الشركه مرخصه ولديها تصاريح، هل الشركه تؤمن وتتحمل مسؤليه الخسائر وألأضرار التي يمكن لها أن تحدث أثناء ألقيا بعمليه التنظيف فى منزلك لأن الأخطاء ممكنه الحدوث ولذلك عليك إختيار شركه تتحمل عنك هذه المسؤليه، المهم هوا أن تسأل كل ألأسئله التي تدور فى زهنك للوصول الي قرار بشأن حتياجاتك. كما ذكرنا مسبقاً أن أهم شئ في الشركات التي تعمل فى هذا المجال هوا التأمين وإذا كانت الشركه لا تأمن فعليك البحث والحصول على شركه أخري توفر لك هذه الخدمه وهي(التأمين) لانه وبكل بساطه أثناء العمل علي تنظيف منزل وإنكسر شئ أو تدمرت قطعه من الاثاث لن تعوض في حاله أن الشركة لا تؤمن أما فى حاله ألتأمين تعوض بالكامل عن كل الخسائر والتلفيات التي تحدث أثناء العمليه. شركة تنظيف المساجد شرق الرياض

في حاله التواصل مع مدير الشركه هناك عده أمور يجب وضعها محل إعتبار مثل: إذا كان يتم فحص الموظفين؟،هل الشركه مؤمنه أو مرخصه؟،وأن تعرف أن الموظفين المكلفين بتنظيف منزلك خضعوا لفحص جنائي قبل دخول منزلك.
لانه وفي حاله فقدان أي شئ من المنزل سيتم تعويضك عنه بالكامل من قبل الشركة. بعض الشركات التي تعمل فى مجال تنظيف المنازل لا تقوم بتوظيف وتعيين عاملين لها بل تستعين بطرف ثالث وهوا مثل المقاولين والأفراد للعمل فى تنظيف الملابس، وبالتأكيد تريد التأكد من هويه كل شخص قبل دخول منزلك.

قبل تعيين شركه لتقوم بتنظيف منزلك لابد لك وأن تعرف مساحه منزلك،وخدمات الشركة المختلفه لتتمكن من إختيار الخدمه التي تتوافر مع إحتياجات منزلك وبأسعار مناسبه فى نفس الوقت، يجب أيضاً معرفه ما هي خطوات تنظيف المنزل خطوة خطوة، هذا لان بعض الشركات توفر خدمه تنظيف الزجاج والنزافذ وبعض الشركات لا تقوم بهذا الجزء،بعض الشركات تكافح الفئران وأخرى لا،أما إذا كان لديك مهمه محدده فى ذهنك فعليك مناقشتها مع ممثل خدمه العملاء أو المدير في حاله التواصل مع الشركه، وماهي الاشياء التي ستتطلب تحريك أو نقل الاثاث.

Post a Comment

Every post represents my opinions when I wrote it, but not necessary now!
كل مقال يعبر عن آرائى فى تاريخ كتابته، و ليس بالضرورة عن أرائى حاليا

  © Blogger template Simple n' Sweet by Ourblogtemplates.com 2009

Back to TOP